సాధారణంగా పెద్ద స్టార్ల సినిమాలకు సంబంధించిన రెఫరెన్సులను చిన్న హీరోల సినిమాల్లో వాడుతుంటారు. తమ కుటుంబానికి చెందిన సీనియర్ల రెఫరెన్సులను యంగ్ హీరోలు వాడడమూ మామూలే. కానీ ఒక పెద్ద స్టార్ సినిమాలో తన భార్య నటించిన మరో సినిమా రెఫరెన్స్ ఉపయోగించడం మాత్రం అరుదే.
వైవిధ్యానికి పెట్టింది పేరైన సూర్య.. తన కొత్త చిత్రం విశ్వనాథ్ అండ్ సన్స్లో తన భార్య జ్యోతికకు సంబంధించిన ఐకానిక్ సీన్ను రీక్రియేట్ చేసే ప్రయత్నం చేయడం విశేషం. ఆగస్టు 14న ప్రేక్షకుల ముందుకు రానున్న ఈ సినిమా నుంచి శుక్రవారమే ట్రైలర్ లాంచ్ చేశారు. ఆద్యంతం ఆసక్తికరంగా సాగిన ట్రైలర్ పాజిటివ్ ఫీడ్ బ్యాక్ తెచ్చుకుంది. మనుషులు విడిపోయేది గొడవ వల్ల కాదు, గొడవ తర్వాత ఎలా మాట్లాడాలో తెలియక అంటూ సూర్య చెప్పిన డైలాగ్ ట్రైలర్లో హైలైట్. ఇక ట్రైలర్ చివర్లో జ్యోతిక ప్రస్తావన రావడం కొసమెరుపు అని చెప్పొచ్చు.
పిల్లాడు ఆడుకునే కార్లలో మోడల్స్ గురించి చూపిస్తూ సూర్య ఎగ్జైట్ అవుతుంటే.. ఎందుకు చంద్రముఖిలో జ్యోతిక లాగా ఓవర్గా రియాక్టవుతున్నావు అంటూ మామిత బైజు చెప్పిన డైలాగ్ భలేగా పేలింది. చంద్రముఖి మూవీలో గంగ పాత్రలో జ్యోతిక ఎంత గొప్ప పెర్ఫామెన్స్ ఇచ్చిందో తెలిసిందే. అందులో మిగతా సీన్లన్నీ ఒకెత్తయితే.. చంద్రముఖి నగల్ని అలంకరించుకుంటూ గంగ ఉద్వేగానికి గురయ్యే సీన్ మరో ఎత్తు.
కల్ట్ స్టేటస్ తెచ్చుకున్న ఈ సన్నివేశాన్ని సూర్య సినిమాలో పెట్టాలన్న వెంకీ అట్లూరి ఆలోచన సూపర్. ఇందులో సూర్య ప్రమేయం ఎంత ఉందో కానీ.. అభిమానులకు మాత్రం ఈ సీన్ చూసి ముచ్చటగా అనిపిస్తోంది. విశ్వనాథ్ అండ్ సన్స్ ప్రమోషన్లలో భాగంగా ఇటీవల సూర్య తన భార్య జ్యోతికతో కలిసి ఇచ్చిన ఇంటర్వ్యూ కూడా వైరల్ అయింది. అందులో వాళ్లిద్దరూ ఒకరినొకరు గౌరవించుకున్న తీరు.. వారి మధ్య కెమిస్ట్రీ అందరినీ అమితంగా ఆకట్టుకుంది.
This post was last modified on August 9, 2026 9:14 am
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…