Movie News

పైసా ప్రమోషన్ లేకుండా స్పైడర్‌మ్యాన్ బీభత్సం

గత నెల మధ్యలో ‘ది ఒడిస్సీ’ సినిమా రిలీజ్ టైంలో ఎంత హడావుడి నెలకొందో చూశాం. ప్రస్తుతం వరల్డ్ సినిమా నంబర్ వన్ డైరెక్టర్ అనదగ్గ క్రిస్టఫర్ నోలన్ డైరెక్ట్ చేసిన చిత్రమది. ఆయనకు ఇండియాలో తిరుగులేని ఫ్యాన్ ఫాలోయింగ్, మార్కెట్ ఉన్నాయి. అది దృష్టిలో పెట్టుకునే నోలన్.. తన టీంతో కలిసి ఇండియాకు వచ్చి ఆ చిత్రాన్ని ప్రమోట్ చేశాడు. అది సినిమాకు బాగా ప్లస్ అయింది. నోలన్ గత చిత్రాల కంటే ‘ది ఒడిస్సీ’కి ఎక్కువ ఓపెనింగ్స్ వచ్చాయి.

కానీ ఇంకో రెండు వారాల తర్వాత మరో హాలీవుడ్ చిత్రం రిలీజైంది. దానికి ఇండియాలో ఎలాంటి ప్రమోషన్లూ లేవు. కానీ ఆ చిత్రం బాక్సాఫీస్ దగ్గర బీభత్సం సృష్టిస్తోంది. తొలి వీకెండ్లోనే ఏకంగా రూ.300 కోట్లు కొల్లగొట్టి ఔరా అనిపించింది. ఆ చిత్రమే.. స్పైడర్ మ్యాన్: బ్రాండ్ న్యూ డే. స్పైడర్ మ్యాన్ చిత్రాలకు ఇండియాలోనే కాక ప్రపంచవ్యాప్తంగా ఎప్పుడూ క్రేజ్ ఉంటుందన్న సంగతి తెలిసిందే. కానీ ‘బ్రాండ్ న్యూ డే’కు వచ్చిన హైప్ మాత్రం వేరే లెవెల్. ఈ చిత్రంలో లీడ్ రోల్ చేసిన టామ్ హాలండ్ ‘ది ఒడిస్సీ’లో కూడా కీలక పాత్ర చేశాడు. ఆ సినిమా ప్రమోషన్లలో భాగంగా ఇండియాకూ వచ్చాడు.

కానీ హాలండ్ ‘స్పైడర్ మ్యాన్’ను మాత్రం అలా ప్రమోట్ చేయలేదు. మిగతా టీంలో ఎవ్వరూ కూాడా ఇండియాకు రాలేదు. ముందు రోజు పెద్ద సిటీల్లో ప్రిమియర్స్ వేయడం తప్పితే.. ప్రమోషన్ల పరంగా ప్రత్యేకంగా చేసిందేమీ లేదు. అయినా సరే.. ఈ చిత్రానికి ‘స్పైడర్ మ్యాన్’ ఫ్రాంఛైజీలో మరే సినిమాకూ రానంత క్రేజ్ వచ్చేసింది. ‘అవెంజర్స్: ఎండ్ గేమ్’, ‘అవతార్’ సినిమాలకు దీటైన హైప్‌తో రిలీజైన ‘స్పైడర్ మ్యాన్: బ్రాండ్ న్యూ డే’ అన్ని అంచనాలను మించిపోయి వసూళ్లు రాబట్టింది. 

త్రీడీ ఛార్జెస్‌తో కలిపి తొలి రోజే రూ.80 కోట్ల మేర వసూళ్లు రాబట్టి ఆల్ టైం హాలీవుడ్ డే-1 గ్రాసర్‌గా ఇండియాలో రికార్డు నెలకొల్పిన ఈ చిత్రం.. ఆదివారం ఏకంగా రూ.100 కోట్ల మైలురాయిని టచ్ చేసింది. ఒక్క రోజులో ఇండియాలో వంద కోట్ల వసూళ్లు రాబట్టిన సినిమాలు వేళ్ల మీద లెక్కబెట్టే సంఖ్యలో మాత్రమే ఉన్నాయి. అలాంటి సినిమాల సరసన ‘స్పైడర్ మ్యాన్’ చేరడం అసామాన్యమైన విషయం. ఈ చిత్రం రూ.500 కోట్ల మార్కును అందుకోనున్న తొలి హాలీవుడ్ మూవీగానూ నిలవడం లాంఛనమే.

This post was last modified on August 4, 2026 12:29 pm

Share

Recent Posts

వాహ్ ఇది కదా విజయం అంటే.. ఒకప్పుడు ఫుడ్ డెలివరీ, ఇప్పుడు సొంత AI కంపెనీ!

చేతిలో పెట్టుబడి లేదు.. వ్యాపారంలో అనుభవం లేదు.. అయినా సొంతంగా ఏదైనా సాధించాలనే బలమైన కోరిక ఉంది. అందుకోసం చదువుకుంటూనే…

6 hours ago

‘తల్లిని చెల్లిని అగౌరవపరచడం జగన్ కే చెల్లు’

వేదిక ఎక్కి మైకు చేతపట్టుకుంటే చాలు అక్కలు, చెల్లెమ్మలంటూ నీతులు వల్లించే జగన్ సొంత తల్లీ, చెల్లి విషయంలో మాత్రం…

10 hours ago

గేమింగ్ పిచ్చి పీక్స్.. GTA 6 ఆడేందుకు పెళ్ళాంతోనే డీల్

వీడియో గేమ్స్ అంటే యువతకు ఎంత ఇష్టమో ప్రత్యేకంగా చెప్పాల్సిన అవసరం లేదు. తమకు నచ్చిన గేమ్ కోసం గంటల…

11 hours ago

ఛార్జిషీట్ నంబర్ పదికి చేరింది జగన్

వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి మీద మరో ఛార్జిషీట్ దాఖలైంది. జగన్ అక్రమాస్తుల కేసును…

11 hours ago

రామాయణ మేనియా.. థియేటర్లలో నాన్‌వెజ్‌కు బ్రేక్

బాలీవుడ్ స్టార్ హీరో రణ్‌బీర్ కపూర్ నటించిన పౌరాణిక చిత్రం 'రామాయణ: రైజ్ ఆఫ్ ఏ లెజెండ్' ఇప్పుడు థియేటర్లలో…

13 hours ago

బండ్ల గణేష్ కు జైలు శిక్ష

టాలీవుడ్ సినీ నిర్మాత, నటుడు బండ్ల గణేష్ కు ఒంగోలు కోర్టు ఏడాది జైలు శిక్ష విధించింది. చెక్ బౌన్స్…

14 hours ago