మెగా కాంపౌండ్ లో నిహారిక రేర్ రికార్డ్!

టాలీవుడ్ ఇండస్ట్రీలో నిహారిక కొణిదెల కెరీర్ చాలా డిఫరెంట్ గా సాగింది. యాంకర్ నుంచి నటిగా మొదట్లో ఆమె చేసిన ప్రయత్నాలకు ఆశించిన స్థాయిలో బ్రేక్ రాలేదు. కెరీర్ లో ఎన్నో ఒడిదొడుకులు చూసిన నిహారిక, ఆ ఇబ్బందులేవీ తనపై ప్రభావం చూపించకుండా చాలా సైలెంట్ గా ప్రొడక్షన్ వైపు అడుగులు వేసింది. తనకంటూ ఒక సొంత ఐడెంటిటీని క్రియేట్ చేసుకోవాలనే లక్ష్యంతో పింక్ ఎలిఫెంట్ పిక్చర్స్ బ్యానర్ పై సినిమాలు నిర్మించడం స్టార్ట్ చేసింది.

మెగా ఫ్యామిలీ బ్యాక్ గ్రౌండ్ ఉన్నప్పటికీ, నిహారిక ఎప్పుడూ స్టార్ హీరోల ఇమేజ్ వెనుక వెళ్లాలని అనుకోలేదు. పెద్ద బడ్జెట్ సినిమాలు తీసే అవకాశం ఉన్నా సరే, కేవలం కథను నమ్మి కొత్త వాళ్లతో కమిటీ కుర్రోళ్ళు సినిమాను నిర్మించడానికి ముందుకు వచ్చింది. పెద్దగా స్టార్ కాస్ట్ లేకపోయినా, కేవలం కంటెంట్ ను నమ్మి ఆమె చేసిన ఈ ప్రయోగం బాక్సాఫీస్ దగ్గర సక్సెస్ సాధించడంతో పాటు ఒక ప్రొడ్యూసర్ గా ఆమె జడ్జ్‌మెంట్ ఏంటో అందరికీ తెలిసేలా చేసింది.

సినిమా షూటింగ్ మొదలైనప్పటి నుంచి రిలీజ్ అయ్యే దాకా నిహారిక ఒక పర్ఫెక్ట్ ప్రొడ్యూసర్ లా ప్రతి విషయాన్ని దగ్గరుండి చూసుకుంది. ప్రమోషన్స్ విషయంలో కూడా కొత్త స్ట్రాటజీలతో సినిమాను జనాల్లోకి తీసుకెళ్లడంలో సక్సెస్ అయింది. కేవలం బ్యాక్ గ్రౌండ్ ఉంటే సరిపోదని, కరెక్ట్ ప్లానింగ్ తో వస్తే చిన్న సినిమాలతో కూడా మ్యాజిక్ చేయొచ్చని నిహారిక ప్రూవ్ చేసుకుంది. లేటెస్ట్ గా ఈ చిత్రానికి జాతీయ అవార్డు రావడం ఆమె కష్టానికి దక్కిన గౌరవం.

72వ జాతీయ చలనచిత్ర అవార్డుల్లో కమిటీ కుర్రోళ్ళు సినిమాకు బెస్ట్ తెలుగు ఫిల్మ్ కేటగిరీలో ప్రాంతీయ అవార్డు దక్కడం విశేషం. టాలీవుడ్ లో ఎంతోమంది స్టార్ హీరోలు ఉన్న మెగా కాంపౌండ్ లో, ఒక మహిళా ప్రొడ్యూసర్ గా సొంతంగా ఒక చిన్న కథను సెలెక్ట్ చేసుకుని జాతీయ స్థాయి గుర్తింపు సాధించడం నిహారిక కెరీర్ లోనే ఒక మైల్ స్టోన్.

మెగా ఫ్యామిలీలో ఈ రేర్ రికార్డ్ కొట్టిన మొదటి వ్యక్తిగా ఆమె రికార్డు సృష్టించింది. కెరీర్ పరంగా ఎలాంటి ఒడిదొడుకులు వచ్చినా వాటిని పట్టించుకోకుండా తన పని తాను చేసుకుంటూ వెళ్ళిన నిహారికకు ఈ నేషనల్ అవార్డ్ సాలిడ్ బూస్ట్ ఇచ్చింది. ఈ సక్సెస్ తో ఆమె ప్రొడక్షన్ హౌస్ వాల్యూ ఇండస్ట్రీలో ఒక్కసారిగా పెరిగిపోయింది. భవిష్యత్తులో మరిన్ని మంచి కంటెంట్ బేస్డ్ సినిమాలు రావడానికి ఈ గెలుపు ఒక మంచి ఎనర్జీలా హెల్ప్ అవుతుందనడంలో సందేహం లేదు.