రవితేజ సుడి తిరిగే టైమ్‍ ఇది

పడ్డ కష్టంతో సంబంధం లేకుండా ఒక్కోసారి విజయాలు, అపజయాలు వచ్చే పరిశ్రమ కావడం వల్ల సినిమా వాళ్లకు సెంటిమెంట్లు జాస్తి. ఒక్కోసారి కథ, దర్శకుడి కంటే కూడా ముహూర్తం, సెంటిమెంటునే బలంగా నమ్ముతుంటారు. వినడానికి కామెడీగా వున్నా కానీ ఫలానా హీరోలకు ఫలానా సీజన్‍ కలిసి రావడం, ఆ టైమ్‍లో ఎక్కువ హిట్లు పడడం కేవలం యాధృశ్చికమని తీసి పారేయలేం.

ప్రస్తుతం ఫ్లాప్‍ తేజగా మారిపోయిన మాస్‍ మహారాజా రవితేజ ఈ శనివారం విడుదల కానున్న ‘క్రాక్‍’ సినిమాపై చాలా అంచనాలు పెట్టుకున్నాడు. సంక్రాంతికి రవితేజ ట్రాక్‍ రికార్డ్ బాగుండడం కూడా ఈసారి అతను హిట్టిస్తాడనే కాన్ఫిడెన్స్ పెంచుతోంది. కృష్ణ, మిరపకాయ్‍ లాంటి హిట్లు రవితేజ సంక్రాంతికే కొట్టాడు. ఈ అబ్బాయి చాలా మంచోడు, శంభో శివ శంభో కూడా సంక్రాంతి రిలీజులే. అవి పెద్ద హిట్‍ కాకపోయినా రవితేజకు పేరు తెచ్చి పెట్టాయి. సెంటిమెంట్‍ పరంగా రవితేజకు కలిసి వచ్చే సీజన్‍ కనుక ఈసారి క్రాక్‍తో ‘భూమ్‍ బద్దల్‍’ అవడం ఖాయమని దర్శకుడు గోపిచంద్‍ మలినేనితో పాటు నిర్మాత కూడా నమ్మకం పెట్టుకున్నారు.