2024 చిరంజీవి పుట్టినరోజు సందర్భంగా వచ్చిన విశ్వంభర టీజర్ మీద నెగటివ్ రియాక్షన్లు చాలా వచ్చాయి. ట్రోలింగ్ జరిగింది. దెబ్బకు టీమ్ అలెర్ట్ అయిపోయి మొత్తం కంటెంట్ రిపేర్లు చేయడానికి పూనుకుంది. 2025 మెగాస్టార్ బర్త్ డేకి ఇంకో టీజర్ వదిలారు. ఇది కొంచెం పర్వాలేదనిపించింది కానీ మరీ మైండ్ బ్లోయింగ్ కాదు. ఈలోగా మన శంకరవరప్రసాద్ గారు విడుదలైపోవడం, బ్లాక్ బస్టర్ కావడం జరిగాయి. సరే ఇదంతా అయ్యాక కూడా విశ్వంభరలో చలనం కనిపించడం లేదు.
ఒకళ్ళేమో దసరా అంటారు. ఇంకొకరెమో ముందు బాబీ తీస్తున్న మెగా 158 సంక్రాంతికి విడుదలయ్యాక అటుపై వేసవిలో విశ్వంభర వస్తుందని అంటున్నారు. ఏది నిజమో అర్థం కాక అభిమానులు కన్ఫ్యూజ్ అవుతున్నారు. నిజం చెప్పాలంటే ఇప్పటికే ఈ ప్యాన్ ఇండియా మూవీ మీద బజ్ సున్నా అయిపోయింది. మళ్ళీ గ్రౌండ్ లెవెల్ నుంచి హైప్ ని సృష్టించుకుంటూ రావాలి. అప్పుడెప్పుడో వదిలిన శ్రీరామ నవమి పాటకు కూడా స్పందన అంతంతమాత్రంగా వచ్చింది.
మొండిగోడల మీద వర్షం పడినట్టు విశ్వంభర మరీ ఇంత చలనం లేని స్ట్రాటిజిని ఎంచుకోవడం సరికాదు. హీరో ఎవరైనా సరే ఇప్పుడున్న పరిస్థితుల్లో జనంలో ఒక సినిమా మీద అంచనాలు సజీవంగా ఉండాలంటే దాన్ని ఏదో ఒక రూపంలో పబ్లిక్ మాట్లాడుకునేలా చేయాలి. అవసరానికి మించి రాజమౌళి తన వారణాసిని ఎందుకు హై మార్కెటింగ్ చేస్తున్నారు. మహేష్ బాబు లాంటి సూపర్ స్టార్ ఉన్నారని లైట్ తీసుకోలేదు. ఏడాది ముందు నుంచే సౌండ్ చేస్తున్నారు.
నిర్మాణ సంస్థ యువి క్రియేషన్స్ ఇబ్బందులు ఏమైనా ఉండొచ్చు కానీ పేకమేడలా కూలిపోతున్న విశ్వంభర బజ్ ని తిరిగి బ్రతికించే సంజీవని కేవలం అప్డేట్స్ మాత్రమే. ఏ పండగ వచ్చినా కనీసం పోస్టర్లు వదలడం లేదు. ఆర్టిస్టుల పుట్టినరోజులు వస్తే మొక్కుబడిగా విషెస్ తప్ప ఇంకేం ఉండవు. ఇంకో రెండు నెలల్లో ఆగస్ట్ 22 మళ్ళీ చిరంజీవి పుట్టినరోజు వస్తోంది. అప్పటికైనా సాలిడ్ గా ఒక నిర్ణయం తీసుకుని శుభవార్త చెబుతారో లేక మేమింతే అంటూ పాత పద్ధతి కొనసాగిస్తారో చూడాలి.
This post was last modified on June 19, 2026 10:18 am
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…
డామిట్... కథ అడ్డం తిరిగింది అన్నట్టుగా తయారైంది బీజేపీ పరిస్థితి. వివాదాస్పద " ఓటర్ల జాబితా ప్రత్యేక సమగ్ర సవరణ…
ఐపీఎల్లో చెన్నై సూపర్ కింగ్స్కు ఐదు టైటిళ్లు అందించిన మహేంద్ర సింగ్ ధోనీ ఆ జట్టు నుంచి తప్పుకున్నాడు. ఇక…
మైక్రోసాఫ్ట్ లో ఉద్యోగాలపై సీఈవో సత్య నాదెళ్ల కూడా హామీ ఇవ్వలేకపోతున్నారు. భారత్ సహా నాలుగు దేశాల్లో ఉద్యోగులకు కంపెనీ…