నితిన్‍ లేట్‍గా విష్‍ చేసింది అందుకే!

హ్యాపీ న్యూ ఇయర్‍ విషెస్‍ చెబుతూ కట్‍ చేసిన నితిన్‍ ‘చెక్‍’ టీజర్‍ జనవరి 1న కాకుండా జనవరి 3న రావడం ఫాన్స్ని ఆశ్చర్య పరచింది. అయితే ఈ టీజర్‍ ఇప్పుడు విడుదల చేయాలనే ప్లాన్‍ ముందు లేదట. నిజానికి ఈ చిత్రాన్ని వేసవిలో విడుదల చేయాలని ఫిక్స్ అయిపోయారు. ఈలోగా నితిన్‍ రంగ్‍దే రిలీజ్‍ అయిపోతుందని భావించారు.

రంగ్‍ దే సంక్రాంతికి కానీ, ఫిబ్రవరిలో కానీ విడుదలవుతుందని భావించారు. కానీ ఆ చిత్ర నిర్మాతలు మార్చి 26న విడుదల చేస్తున్నట్టు జనవరి 1న అనౌన్స్ చేసారు. దాంతో ఈలోగా చెక్‍ విడుదల చేసుకుంటే వర్కవుట్‍ అవుతుందని భావించి పనులు వేగవంతం చేసారు. ఇంకా కొద్ది రోజుల షూట్‍ బ్యాలెన్స్ వుందట. దానికి నితిన్‍ని ఒప్పించి పూర్తి చేయాలని చూస్తున్నారు. టీజర్‍ కట్‍ చేసి విడుదల చేయడంతో ఇప్పుడీ సినిమా పట్ల ఆసక్తి పెరిగింది.

ఓటిటి ట్రెండ్‍కి తగ్గ సినిమాలు తీసే దర్శకుడు కావడంతో చంద్రశేఖర్‍ యేలేటి సినిమాకు ఓటిటి కంపెనీల నుంచి కూడా ఆఫర్లు బాగా వస్తాయని అంచనా వేస్తున్నారు. సంక్రాంతికి రావడం కష్టం కానీ ఫిబ్రవరిలో చెక్‍ విడుదల చేయడానికి సన్నాహాలు మొదలు పెట్టారు. అయితే థియేటర్లలోనా లేక ఓటిటి రిలీజా అనేది ఇంకా డిసైడ్‍ అవలేదు.