మొన్న జూనియర్ ఎన్టీఆర్ బర్త్ డే సందర్భంగా డ్రాగన్ గ్లిమ్ప్స్ వచ్చి అభిమానులను ఫుల్ హ్యాపీ చేసింది. సోషల్ మీడియా స్పందన ఎలా ఉన్నా కెరీర్ లోనే అత్యంత భారీ యాక్షన్ గ్రాండియర్ లో తమ హీరోని చూడబోతున్నామన్న ఆనందం వాళ్లను ఉక్కిరిబిక్కిరయ్యేంత సంతోషాన్ని మిగిల్చింది. వచ్చే ఏడాది కేవలం ఆరు నెలల గ్యాప్ లో రెండు భాగాలు రిలీజ్ అవుతాయనే లీక్ ఫ్యాన్స్ ఎగ్జైట్ మెంట్ మరింత పెంచింది. సరే ఇదంతా సంతోషపడాల్సిన విషయమే.
కానీ 2025 తారక్ పుట్టినరోజుకి దేవర 2 అప్డేట్ ఇచ్చిన ఎన్టీఆర్ ఆర్ట్స్ బ్యానర్ ఈసారి మాత్రం కేవలం శుభాకాంక్షలతో సరిపెట్టింది. అంటే దేవర 2 లేదనే అనుమానాలకు మరింత బలం చేకూరింది. ఎందుకంటే దర్శకుడు కొరటాల శివ అటు బాలకృష్ణ ప్రాజెక్టులో బిజీ అయిపోయారు. దానికో ఆరేడు నెలలు కేటాయించబోతున్నారు. ఇటు జూనియర్ ఎన్టీఆర్ డ్రాగన్ కాగానే త్రివిక్రమ్ శ్రీనివాస్ దర్శకత్వంలో గాడ్ అఫ్ వార్ (ప్రచారంలో ఉన్న టైటిల్) సెట్స్ లో అడుగు పెట్టాల్సి ఉంటుంది.
అంటే ఇంకో రెండేళ్లకు పైగా తారక్ డైరీ ఖాళీగా ఉండదు. బాలకృష్ణ సినిమా పూర్తి చేసుకున్నాక కొరటాల శివ అంత గ్యాప్ ఖాళీగా ఉండటం కష్టం. ఇప్పటికే ఏడాదిన్నర వెయిటింగ్ లోనే గడిచిపోయింది. సో దేవర 2 రూపొందే అవకాశం మెల్లగా సన్నగిల్లడంతో ఆ ఆలోచన మానుకున్నారేమో అనే సందేహం కలగడం సహజం. మొన్న బర్త్ డే రోజు త్వరలో ఉంటుందనో లేదా దేవర 2 ఆగమనం జరిగి తీరుతుందనో ఒక మాట చెప్పి ఉంటే ఈ డిస్కషన్ జరిగేది కాదు.
ఏది ఏమైనా ఏదో ఒక సందర్భంలో కొరటాల శివ దీనికి సంబంధించి క్లారిటీ ఇస్తే బెటర్. దేవర భారీ విజయం అందుకుంది కానీ మరీ కెజిఎఫ్, పుష్ప రేంజ్ లో ఫ్రాంచైజ్ హైప్ రాలేదన్నది వాస్తవం. ఒకవేళ అలా జరిగి ఉంటే త్రివిక్రమ్ కన్నా ముందు దేవర 2నే సెట్స్ పైకి వెళ్ళేదేమో. దీనికి వీలైనంత త్వరగా చెక్ పెట్టాలి. దేవరలో నటించిన జాన్వీ కపూర్, ప్రకాష్ రాజ్, శ్రీకాంత్ తదితరులు బయట పెద్దగా దేవర 2 ప్రస్తావన రాకుండా జాగ్రత్త పడటం గమించాల్సిన విషయం.
This post was last modified on May 23, 2026 9:41 am
వైసీపీ అధినేత జగన్ గురించి తాను ఎప్పుడూ ఆలోచించలేదని సీఎం చంద్రబాబు చెప్పారు. రాజకీయంగా పోరాటమే తప్ప.. ఎప్పుడూ ఆయన…
అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…
రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…
వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…
శ్రీసత్యసాయి జిల్లా పరిషత్ చైర్మన్గా.. శనివారం సీనియర్ నాయకుడు, దివంగత పరిటాల రవి వారసుడు పరిటాల శ్రీరాం ప్రమాణ స్వీకారం…
బెంగుళూరులోని యలహంక ప్యాలెస్ విషయంలో వైసీపీ అధినేత జగన్, ఆయన సోదరి వైఎస్ షర్మిలల మధ్య వివాదం ముదిరి పాకానపడినట్లు…