Movie News

హీరోగా లోకేష్ క‌న‌క‌రాజ్… బీభ‌త్స‌మే

ప్ర‌స్తుతం ఇండియాలో మోస్ట్ వాంటెడ్ డైరెక్ట‌ర్ల‌లో లోకేష్ క‌న‌క‌రాజ్ ఒక‌డు. ఖైదీ, విక్ర‌మ్ చిత్రాల‌తో అత‌ను తెచ్చుకున్న క్రేజ్ అంతా ఇంతా కాదు. మ‌ల్టీవెర్స్ అనేక కాన్సెప్టుతో హీరోల‌తో స‌మానంగా ఫాలోయింగ్ సంపాదించాడ‌త‌ను. ఐతే త‌న చుట్టూ హైప్ పెరిగాక‌ లియో, కూలీ చిత్రాల‌తో నిరాశ‌ప‌రిచిన లోకేష్.. ప్ర‌స్తుతం అల్లు అర్జున్ హీరోగా ఒక సినిమా తీయ‌డానికి రెడీ అవుతున్న సంగ‌తి తెలిసిందే.

ఈలోపు అత‌ను.. హీరోగా ఒక సినిమా చేశాడు. అదే.. డీసీ. కీర్తి సురేష్‌తో సాని కాయితం, ధ‌నుష్‌తో కెప్టెన్ మిల్ల‌ర్ సినిమాలు తీసిన అరుణ్ మాథేశ్వ‌ర‌న్‌.. లోకేష్‌ను హీరోగా ప‌రిచ‌యం చేస్తున్నాడు. ఈ సినిమా ట్రైల‌ర్‌తో ప్రేక్ష‌కుల‌ను ప‌ల‌క‌రించింది. హీరోగా లోకేష్ చిత్రం ఆషామాషీదేమీ కాద‌ని ట్రైల‌ర్ చూస్తే అర్థ‌మ‌వుతుంది.

ఒక రౌడీ.. ఒక వేశ్య‌.. వీళ్లిద్ద‌రి మ‌ధ్య ప‌రిచయం.. ప్రేమ‌.. సంఘ‌ర్ష‌ణ‌.. గ్యాంగ్ వార్స్ ఈ నేప‌థ్యంలో న‌డిచే క‌థ ఇది. అనుకోని ప‌రిస్థితుల్లో వేశ్య‌గా మారిన హీరోయిన్ ద‌గ్గ‌రికి వ‌చ్చిన హీరో.. ఆమెకు ఆక‌ర్షితుడై త‌న‌తో ప్ర‌యాణం చేయ‌డం.. త‌ర్వాత‌ ఇద్ద‌రూ చిక్కుల్లో ప‌డ‌డం.. ఇటు పోలీసులు, అటు రౌడీలు వీళ్లిద్ద‌రి వెంట ప‌డ‌డం.. ఈ క్ర‌మంలో ఒక‌రి కోసం ఒక‌రు ఎంత‌కైనా తెగించే ప‌రిస్థితి రావ‌డం.. ఈ నేప‌థ్యంలో చాలా వ‌యొలెంట్‌గా న‌డిచే సినిమాలా ఉందిది.

ప్ర‌స్తుత ట్రెండుకు త‌గ్గ‌ట్లే వ‌యొలెన్స్‌ను హ‌ద్దులు దాటించేశారు. ట్రైల‌ర్లో కొన్ని హింసాత్మ‌క స‌న్నివేశాలు ఒళ్లు గ‌గుర్పొడిచేలా ఉన్నాయి. ఒక ద‌ర్శ‌కుడు హీరోగా మారిన సినిమాలో మ‌రీ ఇంత బీభ‌త్స‌మా అనిపించేలా సాగింది ట్రైల‌ర్. క‌థ పాత‌గా అనిపించినా.. న‌రేషన్ కొత్త‌గా ఉంటుంద‌ని.. యాక్ష‌న్ ప్రియుల‌కు సినిమా క‌నువిందే అని ట్రైల‌ర్ సంకేతాలు ఇచ్చింది.

లోకేష్ మీద న‌మ్మ‌కంతో ఖ‌ర్చు బాగానే పెట్టిన‌ట్లున్నారు. స‌న్ పిక్చ‌ర్స్ లాంటి పెద్ద నిర్మాణ సంస్థ ఈ చిత్రాన్ని నిర్మించ‌గా.. అనిరుధ్ సంగీతం అందించాడు. ఈ సినిమాకు ఇంకా రిలీజ్ డేట్ ఖ‌రార‌వ్వ‌లేదు.

This post was last modified on May 16, 2026 6:35 am

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

5 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

5 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

6 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

6 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

7 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

7 hours ago