Movie News

పెద్దికి తొలగిన అడ్డంకులు

టాలీవుడ్లో గత కొన్ని రోజులుగా సింగిల్ థియేటర్ల రెవెన్యూ విషయమై నిర్మాతలు, ఎగ్జిబిటర్ల మధ్య ఎంత గొడవ నడుస్తోందో తెలిసిందే. ప్రస్తుతం తెలుగు రాష్ట్రాల్లోని సింగిల్ స్క్రీన్లలో అద్దె విధానం నడుస్తుండగా.. మల్టీప్లెక్సుల్లో మాదిరే తమకూ పర్సంటేజీ ఇవ్వాలని ఎగ్జిబిటర్లు కోరుతున్నారు. ఇందుకు నిర్మాతలు ససేమిరా అంటున్నారు.

ఐతే పర్సంటేజీ ఇస్తేనే ఇకపై సింగిల్ స్క్రీన్లలో కొత్త సినిమాలను ఆడనిస్తామంటూ ఎగ్జిబిటర్లు విధించిన అల్టిమేటం మీద నిర్మాతలు ఘాటుగా స్పందించగా.. రాబోయే పెద్ది సినిమా సహా వేటినీ తెలంగాణలోని సింగిల్ స్క్రీన్లలో ఆడనివ్వబోమంటూ ఎగ్జిబిటర్లు తేల్చి చెప్పారు.
లేక లేక తెలుగులో ‘పెద్ది’ లాంటి క్రేజీ సినిమా రిలీజ్ కాబోతుండగా.. ఇదేం పంచాయితీ అనే ప్రశ్నలు తలెత్తాయి.

అసలు ఆ సినిమాను టార్గెట్ చేయడానికే ఇప్పుడీ పంచాయితీని తీసుకొచ్చారనే అనుమానాలు కూడా వ్యక్తమయ్యాయి. ఐతే కారణం ఏదైనప్పటికీ.. ‘పెద్ది’ సినిమాకు ఈ గొడవ వల్ల నష్టం తప్పదేమో అనిపించింది.
కానీ ‘పెద్ది’కి ఇప్పుడు లైన్ క్లియర్ అయిపోయింది. పర్సంటేజీకి సంబంధించిన వివాదాన్ని పరిష్కరించుకునేందుకు ఇటు నిర్మాతలు, అటు ఎగ్జిబిటర్లు కలిసి ఒక అంగీకారానికి వచ్చారు.

డిస్ట్రిబ్యూటర్లను కూడా కలుపుకుని మూడు విభాగాలతో కలిసి ఉమ్మడిగా ఒక కమిటీని ఏర్పాటు చేయాలని తాజాగా ఫిలిం ఛాంబర్లో జరిగిన సమావేశంలో నిర్ణయించారు. ఈ సమావేశానికి ముఖ్య అతిథిగా వచ్చిన అగ్ర నిర్మాత దిల్ రాజు.. మీటింగ్ అయ్యాక మీడియాకు వివరాలు చెప్పారు.

సమస్యను సామరస్యంగా పరిష్కరించుకునే ప్రయత్నం జరుగుతోందని.. పర్సంటేజీ విధానానికి నిర్మాతలు కూడా సానుకూలంగానే ఉన్నారని.. దీని మీద మూడు విభాగాల నుంచి కమిటీని ఏర్పాటు చేసుకుని పరిష్కారం రాబట్టే ప్రయత్నం చేస్తున్నామని ఆయన తెలిపారు.

అంతే కాక ‘పెద్ది’ సినిమాకు ఏ ఇబ్బందీ లేదని.. అది ఆరోగ్యకర వాతావరణంలో రిలీజవుతుందని రాజు స్పష్టం చేశారు. ఆయన మాటల్ని బట్టి చూస్తే.. ఇప్పుడున్న విధానంలోనే ఆ సినిమా రిలీజ్ కానున్నట్లే. ప్రస్తుతం ఏర్పాటైన కమిటీ నిర్ణయం మేరకు తర్వాతి రోజుల్లో అందరికీ ఆమోదయోగ్యమైన విధంగా పర్సంటేజీ విధానాన్ని అమలు చేసే సంకేతాలు కనిపిస్తున్నాయి.

This post was last modified on May 15, 2026 4:30 pm

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

5 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

5 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

6 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

6 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

6 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

7 hours ago