సింగిల్ స్క్రీన్లలో అద్దె విధానాన్ని పక్కన పెట్టి పర్సంటేజీ ఇవ్వాల్సిందే అంటూ ఎగ్జిబిటర్ల సంఘం పెట్టిన ప్రెస్ మీట్కు బదులుగా నిర్మాతల తరఫున పెట్టిన కౌంటర్ ప్రెస్ మీట్లో మాటల తూటాలు పేలాయి. ముఖ్యంగా కౌంటర్లు వేయడంలో ప్రసిద్ధి చెందిన సితార ఎంటర్టైన్మెంట్స్ నాగవంశీ.. నిన్నటి ప్రెస్ మీట్లో నిర్మాతల మీద తీవ్ర వ్యాఖ్యలు చేసిన సునీల్ నారంగ్ మీద నాగవంశీ గట్టిగానే టార్గెట్ చేశాడు. ఆయనతో పాటు మైత్రి రవిశంకర్ సైతం సునీల్ నారంగ్ మీద ఫైర్ అయ్యారు.
తెలంగాణలో ఎ, బి, సి అని చూడకుండా ఏ సెంటర్ పడితే ఆ సెంటర్లో ఖాళీ స్థలం దొరికితే మల్టీప్లెక్సులు కట్టుకుంటూ పోతున్న పెద్ద మనిషి అంటూ సునీల్ నారంగ్ మీద మండిపడ్డాడు నాగవంశీ. 300 మల్టిప్లెక్స్ స్క్రీన్స్ ఉన్న ఓ ఎగ్జిబిటర్.. సింగిల్ స్క్రీన్స్ బాధలు చెబుతుంటే వినడానికి నవ్వొచ్చినా ఏమీ చేయలేకపోతున్నామని.. మల్టిప్లెక్స్లు కట్టేసి, సింగిల్ స్క్రీన్స్కు రావాల్సిన రెవెన్యూ రాకుండా చేస్తున్న ఆ ఎగ్జిబిటర్ సింగిల్ స్క్రీన్స్ కష్టాల గురించి మాట్లాడుతుంటే చాలా హాస్యాస్పదంగా ఉందని.. దయచేసిన ఇలాంటి కామెడీలు చేయడానికి ప్రెస్మీట్లు పెట్టకండి అని నాగవంశీ అన్నాడు.
సునీల్ నారంగ్ చెప్పినట్లు ఒక బెనిఫిట్ షోకు 4 లక్షల రెవెన్యూ వస్తే 10 వేలు మాత్రమే థియేటర్ ఓనర్కు దక్కిందన్నది శుద్ధ అబద్ధమని నాగవంశీ తేల్చి చెప్పాడు. ఒక థియేటర్కి కొంచెం సెంటిమెంట్ ఉందని చెప్పి లక్ష రూపాయలు రెంట్ కట్టి, పోలీస్ పర్మిషన్కి కూడా తనే డబ్బులు కట్టి షోలు వేసిన రోజులు ఉన్నాయని, పాపం ఆ ఎగ్జిబిటర్ గారికి తెలీదేమో గానీ పదివేలకి ఏ రోజు ఎక్కడ స్పెషల్ షో వేయలేదండీ అంటూ వ్యంగ్యంగా స్పందించాడు నాగవంశీ.
నష్టాలు వస్తుంటే వ్యాపారాలు ఎందుకు చేస్తున్నారు… థియేటర్లు వదిలేసి వెళ్ళండి, వాటిని మేం చూసుకుంటాం.. అంత త్యాగం చేయాల్సిన అవసరం లేదు అని నాగవంశీ అన్నాడు.
జనాలు థియేటర్లు కు రావట్లేదంటే అందుక్కారణం నిర్మాతలు పెంచుకునే 50, 100 టికెట్ల రేట్లు కాదని.. పాప్ కార్న్, కూల్ డ్రింక్స్ రేట్లు ఎక్కువగా ఉండడం అని.. ముందు వాటిని తగ్గించాలని నాగవంశీ సూచించాడు.
మరోవైపు రవిశంకర్ మాట్లాడుతూ.. ఎగ్జిబిటర్ల కష్టాల గురించి ఎస్వీసీ సంస్థ తరఫున దిల్ రాజు, శిరీష్ మాట్లాడితే బాగుంటుందని.. వాళ్లు ఇండస్ట్రీకి ఎంతో చేశారని.. కానీ పక్కన కూర్చున్న వ్యక్తికి (సునీల్ నారంగ్ను ఉద్దేశించి) ఏం సంబంధం ఉంది.. మల్టీప్లెక్సులు నడిపే ఆయనకు సింగిల్ స్క్రీన్ల కష్టాల గురించి ఏం తెలుసు అని ప్రశ్నించారు.
This post was last modified on May 14, 2026 9:35 am
మూడు సంవత్సరాల క్రితం టాలీవుడ్ లో కొత్త రికార్డులు తిరగరాస్తూ హనుమాన్ ఎంత సంచలన విజయం సాధించిందో మూవీ లవర్స్…
వరస ఫ్లాపులతో ఉక్కిరిబిక్కిరవుతున్న టైంలో రవితేజకు ఇరుముడి పెద్ద రిలీఫ్ ఇచ్చింది. విజయం ఊహించిందే కానీ మరీ రికార్డులు బద్దలు…
తెలుగు దర్శకుల్లో కొందరు మాత్రమే ఒక జనరేషన్ ని ప్రభావితం చేసే స్థాయిలో సినిమాలు తీస్తారు. ముఖ్యంగా కెరీర్ ప్రారంభంలో…
ఏ పార్టీ అయినా.. తీసుకునే నిర్ణయాలు.. చేసే ప్రకటనల విషయంలో ఆచి తూచి వ్యవహరించాలి. సమయం వచ్చిందనో.. సందర్భం చిక్కిందనో…
త్వరలో జరగనున్న స్థానిక ఎన్నికలను పూర్తిస్థాయిలో బ్యాలెట్ విధానంలోనే నిర్వహించాలని రాష్ట్ర ప్రభుత్వం నిర్ణయించింది. దీనికి ఎన్నికల సంఘం కూడా…
తెలంగాణా అధికార కాంగ్రెస్ పార్టీలో మంత్రి కొండా సురేఖ కుటుంబం సృష్టించిన దుమారం ఇంకా కొనసాగుతుంది. పరకాల సీటు విషయంలో…