జూన్ 4 విడుదల తేదీని ఎప్పుడో లాక్ చేసుకున్న టాక్సిక్ మళ్ళీ వాయిదా పడుతుందనే ప్రచారం ఫిలిం నగర్ వర్గాల్లో జోరుగా తిరుగుతోంది. టీమ్ నుంచి ఎలాంటి అధికారిక ప్రకటన రాక పోవడం, దీనికన్నా ముందే యష్ రామాయణ ప్రమోషన్లలో దిగడం లాంటి పరిణామాలు అనుమానాలను మరింత బలపడేలా చేస్తున్నాయి. పైగా కెవిఎన్ ప్రొడక్షన్స్ నిర్మించిన మరో సినిమా కెడి ది డెవిల్ ఏప్రిల్ 30 రిలీజ్ కావాల్సి ఉండగా దాని పబ్లిసిటీ ఇంకా మొదలుపెట్టకపోవడం ఇంకో ట్విస్టు.
ఇదంతా ఎలా ఉన్నా టాక్సిక్ వచ్చినా రాకపోయినా జూన్ 4 పెద్ది విడుదల చేయాలని దాదాపుగా నిర్ణయించినట్టు అంతర్గత వర్గాల సమాచారం. ఒకవేళ టాక్సిక్ మాట మీద ఉండే పక్షంలో దానితో నేరుగా క్లాష్ అయినా పర్వాలేదనే తరహాలో ప్లాన్ చేస్తునట్టుగా తెలిసింది. టాక్సిక్ ఏపీ తెలంగాణ హక్కులు దిల్ రాజు తీసుకున్న సంగతి తెలిసిందే. పెద్దిలో మైత్రి మూవీ మేకర్స్ నిర్మాణ భాగస్వామిగా ఉంది. సో క్లాష్ కన్ఫర్మ్ అయితే పోటీ రసవత్తరంగా ఉంటుంది.
ఒకవేళ టాక్సిక్, పెద్ది పరస్పరం తలపడితే ఎవరికి ఎక్కువ రిస్కో చూద్దాం. తెలుగు రాష్ట్రాల వరకు చూసుకుంటే రామ్ చరణ్ ఇమేజ్, పెద్ది మీద ముందు నుంచి నెలకొన్న క్రేజ్, మెగా ఫ్యాన్స్ పెట్టుకున్న అంచనాలు చాలా పాజిటివ్ గా పని చేస్తాయి. అటు బాలీవుడ్ లో రెహమాన్ పాటలు ముందుగానే చొచ్చుకుపోయాయి. ట్రైలర్ వచ్చాక హైప్ పుష్ప రేంజ్ లో ఉంటుందని ఆల్రెడీ టాక్ ఉంది. సో ఎంత లేట్ అయినా ఎన్ని వాయిదాలు పడినా పెద్ది బజ్ కొచ్చిన చిక్కేమి లేదనేది స్పష్టం.
కానీ టాక్సిక్ కు ఇన్ని సానుకూలతలు లేవు. టీజర్ కు మిశ్రమ స్పందన దక్కింది. రిలీజ్ చేసిన మెలోడీ సాంగ్ విజువల్స్ లేకుండా కేవలం లిరిక్స్ తో వచ్చి మూవీ లవర్స్ ని తప్ప సామాన్య ప్రేక్షకులను మెప్పించలేకపోయింది. కెజిఎఫ్ తో యష్ కి ఇండియా వైడ్ మార్కెట్ వచ్చిన మాట వాస్తవమే కానీ టాక్సిక్ కి మళ్ళీ ప్రత్యేకంగా పబ్లిసిటీ చేసుకోవాలి. పెద్ది వల్ల కర్ణాటక తప్ప ఇతర చోట్ల టఫ్ కాంపిటీషన్ ఉంటుంది. చూడాలి జూన్ 4 ఎవరో ఒకరు వస్తారా లేక ఇద్దరూ తలపడతారా.
This post was last modified on April 18, 2026 6:10 pm
ఒక సూపర్ స్టార్ కొడుకు సినిమాల్లోకి వచ్చాడంటే.. తండ్రి పేరును వీలైనంతగా వాడుకోవడానికే ప్రయత్నిస్తాడు. నటనలో తండ్రిని అనుకరించడం.. తన…
కేంద్ర ప్రభుత్వానికి తాము మద్దతు ఇస్తున్న మాట వాస్తవమేనని ఏపీ సీఎం చంద్రబాబు చెప్పారు. అయితే.. దీనిని అడ్డు పెట్టుకుని…
వైసీపీ అధినేత జగన్ గురించి తాను ఎప్పుడూ ఆలోచించలేదని సీఎం చంద్రబాబు చెప్పారు. రాజకీయంగా పోరాటమే తప్ప.. ఎప్పుడూ ఆయన…
అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…
రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…
వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…