Movie News

ఈసారి ట్రోల్ మెటీరియల్‌ కాదు.. సీరియస్ సినిమా

తమిళనాట శరవణ స్టోర్స్ సహా పలు వ్యాపారాలతో వేల కోట్ల స్థాయికి ఎదిగిన వ్యక్తి శరవణన్. తన పేరుకు ముందు తనే పెట్టుకున్న ‘లెజెండ్’ అనే టైటిల్‌తోనే అతను హీరోగా అరంగేట్రం చేశాడు. దాని మీద భారీ బడ్జెట్ కూడా పెట్టాడు. రోబోలా ఉండే తన అవతారం.. పేలవమైన నటన.. విపరీతమైన బిల్డప్పులతో సాగిన సన్నివేశాలు.. ‘లెజెండ్’ను ఒక ట్రోల్ మెటీరియల్‌గా మార్చేశాయి. ఇప్పటికీ ఆ సినిమా మీమ్ టెంప్లేట్స్ సోషల్ మీడియాలో తిరుగుతుంటాయి.

‘లెజెండ్’ సినిమా రిలీజయ్యాక మూడేళ్ల పాటు శరవణన్ మళ్లీ ఇంకో మూవీ చేయలేదు. దీంతో ఇక అతను మళ్లీ కెమెరా ముందుకు ముందుకు రాడేమో అనుకున్నారు. కానీ శరవణన్ గత ఏడాది కొత్త సినిమాకు రెడీ అయ్యాడు. ధనుష్‌తో ‘కోడి’ లాంటి హిట్ మూవీ తీసిన దురై సెంథిల్ కుమార్ దర్శకత్వంలో ‘లీడర్’ అనే సినిమాలో నటించాడు. ఇంతకుముందే దీని గ్లింప్స్ రిలీజైంది. తాజాగా తమిళ, తెలుగు భాషల్లో ‘లీడర్’ టీజర్ లాంచ్ చేశారు.

ఈ టీజర్ చూస్తే.. శరవణన్ ఈసారి ట్రోల్స్‌ బారిన పడే కామెడీ మూవీ తీయలేదని స్పష్టంగా తెలుస్తోంది. అతను తన లుక్ మార్చుకోవడమే కాదు.. కంటెంట్ మీద కూడా బాగానే దృష్టిపెట్టినట్లున్నాడు. పేరున్న దర్శకుడైన దురై.. హీరో ఎవరన్నది చూడకుండా తన స్టయిల్లో ఇంట్రెస్టింగ్ థ్రిల్లర్ మూవీ తీసినట్లున్నాడు. ప్రమాదంలో పడ్డ తన కూతురిని కాపాడుకోవడానికి ఎంత దూరం అయినా వెళ్లే హీరో కథ ఇది.

ఇందులో శరవణన్.. శక్తివేల్ అనే పాత్రలో కనిపించనున్నాడు. అతడికి జోడీగా టాలీవుడ్ హీరోయిన్ పాయల్ రాజ్‌పుత్ నటించింది. ఆమెకు తోడు ఆండ్రియా, కిక్ శ్యామ్, లాల్.. ఇలా పెద్ద కాస్టింగే పెట్టుకున్నారు. దేశవిదేశాల్లో భారీ ఖర్చు పెట్టి సినిమా తీశారు. యాక్షన్ ఘట్టాలు స్టార్ హీరోల సినిమాల స్థాయికి ఏమాత్రం తగ్గని విధంగా ఉన్నాయి. ఈసారి ఖర్చునే కాక కంటెంట్‌ను నమ్ముకుని వస్తున్నట్లున్నాడు శరవణన్. ఏప్రిల్లో ‘లీడర్’ రిలీజ్ కాబోతోంది. మరి హీరోగా వెలిగిపోవాలన్న అతడి కోరిక ఈసారైనా నెరవేరుతుందేమో చూడాలి.

This post was last modified on March 5, 2026 10:04 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

1 hour ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

2 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

3 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

3 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

4 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

4 hours ago