మాములుగా సినిమాలో కంటెంట్ మీద సెన్సార్ అభ్యంతరం వ్యక్తం చేయడం చూస్తుంటాం. కానీ టైటిల్ మీద అబ్జెక్షన్ చెప్పడం అరుదుగా జరుగుతుంటుంది. చాలా సంవత్సరాల క్రితం నరేష్ నటించిన ఒక మూవీకి పోలీసోడి పెళ్ళాం అని పేరు పెట్టారు. దీంతో డిపార్ట్ మెంట్ నుంచి వ్యతిరేకత వచ్చింది.
ఏకవచనం పాటు వినడానికి ఇబ్బందిగా ఉందని దర్శక నిర్మాతల దృష్టికి తీసుకెళ్లారు. దాంతో అది కాస్తా పోలీస్ భార్యగా మారిపోయి సూపర్ హిట్ అందుకుంది. ఆ మధ్య విజయ్ తేరి డబ్బింగ్ కి పోలీసోడు అని పెట్టారు. మళ్ళీ అదే రిపీటయ్యింది. థియేటర్ రిలీజ్ టైంలో హక్కులు కొన్న దిల్ రాజు దాన్ని పోలీస్ గా మార్చారు.
తాజాగా కపుల్ ఫ్రెండ్లీ విషయంలోనూ అలాగే జరిగిందట. నిర్మాత డిస్ట్రిబ్యూటర్ ధీరజ్ మొగిలినేని మాట్లాడుతూ పేరు మారిస్తే యు/ఏ ఇస్తామని చెప్పారని, కానీ ఆడియన్స్ కన్ఫ్యూజ్ అయితే జరిగే డ్యామేజ్ ఎక్కువ కనక ఏ సర్టిఫికెట్ తీసుకున్నామని అన్నారు.
నిజానికి కపుల్ ఫ్రెండ్లీలో బూతు లేదు. ఫ్రెండ్లీ కపుల్ అని మారిస్తే కొంచెం బెటర్ గా అనిపించవచ్చేమో కానీ అపార్థం చేసుకోవాల్సిన డబుల్ మీనింగ్ రెండింటిలో లేదు. మరి ధీరజ్ అన్నట్టు నిజంగా కేవలం పేరుకే ఇచ్చారా లేక సినిమాలో ఉన్న కొన్ని లిప్ లాక్ సీన్లు, లవ్ ఎపిసోడ్లకు ఇచ్చారా అనేది ఫిబ్రవరి 14 థియేటర్లకు వచ్చాక తేలనుంది.
యువి సంస్థ నిర్మించిన కపుల్ ఫ్రెండ్లీ ప్రేమికుల రోజు విడుదల కానుంది. హీరో సంతోష్ శోభన్ దీని మీద చాలా నమ్మకంగా ఉన్నాడు. తన ఫ్లాపుల ప్రవాహానికి బ్రేకులు వేస్తుందనే నమ్మకంతో ఎదురు చూస్తున్నాడు. ఇప్పటికైతే ప్రమోషనల్ కంటెంట్ యూత్ కి బాగానే రీచ్ అయినట్టు ఉంది. కాకపోతే అవసరమైన హైప్ ఇంకా పెరగాల్సి ఉంది.
పోటీలో విశ్వక్ సేన్ ఫంకీ, అర్జున్ డైరెక్ట్ చేసిన సీత పయనంతో పాటు రీ రిలీజులు మనసంతా నువ్వే, లవ్ స్టోరీ ఉన్నాయి. మరి కపుల్ ఫ్రెండ్లీ వీటిని ఎలా దాటుకుంటుందో చూడాలి. సినిమా మాత్రం కుటుంబం మొత్తం చూసే స్వచ్ఛమైన ప్రేమకథగా ఉంటుందని టీమ్ నొక్కి వక్కాణిస్తోంది.
This post was last modified on February 10, 2026 3:05 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…