ఈ సంక్రాంతికి మెగాస్టార్ చిరంజీవి నుంచి వచ్చిన ‘మన శంకర వరప్రసాద్’ బాక్సాఫీస్ దగ్గర బ్లాక్బస్టర్ అయ్యే దిశగా దూసుకెళ్తోంది. అడ్వాన్స్ బుకింగ్స్లోనే మంచి ఊపు చూపించిన ఈ చిత్రానికి.. పెయిడ్ ప్రిమియర్స్ నుంచి పాజిటివ్ టాక్ వచ్చింది. ఇక తొలి రోజు షోలు గడిచేకొద్దీ టాక్ మరంత పాజిటివ్గా మారి.. హౌస్ ఫుల్ షోలతో రన్ అయింది. రెండో రోజు కూడా సినిమాకు మంచి ఆక్యుపెన్సీలు కనిపిస్తున్నాయి.
సినిమా పెద్ద రేంజికి వెళ్లబోతోందన్నది స్పష్టం. ఈ నేపథ్యంలో చిత్ర బృందం.. మంగళవారం సక్సెస్ మీట్ నిర్వహించింది. ఈ సందర్భంగా అందరినీ ఆశ్చర్యపరిచే విషయం ఒకటి వెలుగులోకి వచ్చింది. ‘మన శంకర వరప్రసాద్ గారు’ మూవీలో చిరంజీవి, నయనతారలకు ఇద్దరు పిల్లలున్నట్లు చూపిస్తారు. అందులో అమ్మాయి పెద్దది కాగా, అబ్బాయి చిన్నవాడు. ఐతే ఇందులో అబ్బాయిగా విక్కీ అనే పాత్ర చేసింది అబ్బాయి కాదట. అమ్మాయట. సక్సెస్ మీట్లో ఈ సంగతి వెల్లడైంది.
విక్కీ పాత్రను చేసిన అమ్మాయి పేరు ఊహ అట. యాంకర్ మంజూష ఆ అమ్మాయి స్టేజ్ మీదికి వచ్చినపుడు సినిమలో ఏ పాత్ర చేశావు అని అడిగితే.. విక్కీ అని చెప్పేసరికి షాకైందట. తర్వాత మొత్తం ఆడిటోరియానికి ఈ అమ్మాయిని యాంకర్ పరిచయం చేసింది. అబ్బాయిగా కనిపించడం కోసం పొడవాటి జుట్టును కూడా కత్తిరించుకుని నటించిందంటూ ఆ అమ్మాయి డెడికేషన్ గురించి అనిల్ చెప్పేసరికి.. ఊహ ఎమోషనల్ అయి స్టేజ్ మీద ఏడ్చేసింది.
తర్వాత ఆ అమ్మాయి అనిల్ను డైరెక్టర్ మామ, మెగాస్టార్ను చిరంజీవి మామ అని సంబోధిస్తూ చాలా కాన్ఫిడెంట్గా మాట్లాడింది. మరోవైపు అనిల్ మాట్లాడుతూ.. చిరంజీవి కెరీర్లో మైల్స్టోన్ మూవీ అయిన ‘పసివాడి ప్రాణం’లో పిల్లాడిగా కీలక పాత్రలో నటించింది ఒక అమ్మాయి అని.. మళ్లీ ఈ సినిమాకు అలా జరిగిందని.. ఇదొక ఆశ్చర్యకరమైన కోయిన్సిడెన్స్ అని.. కానీ అది తాను కావాలని చేయలేదని.. ఈ మధ్యే ఆ విషయం గుర్తించానని చెప్పాడు.
This post was last modified on January 13, 2026 10:17 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…