చాలా గ్యాప్ తర్వాత చిరంజీవి సినిమాకు సోషల్ మీడియాలో విపరీతమైన పాజిటివ్ వైబ్స్ కనిపిస్తున్నాయి. ప్రీమియర్లతో విడుదలైన మన శంకరవరప్రసాద్ గారుకి ఆడియన్స్ సూపర్ హిట్ ముద్ర ఒక్క షోతోనే వేసేశారు. బ్లాక్ బస్టర్ దాకా వెళ్లడం ఖాయంగా కనిపిస్తోంది.
అయిదు, ఆరు వందల రూపాయల టికెట్ రేట్లతో కూడా ఫ్యామిలీస్ థియేటర్లకు రావడం ఆశ్చర్యపరిచింది. మెగా బ్రాండ్, అనిల్ రావిపూడి మార్కెట్, హుక్ స్టెప్ సాంగ్ పెంచేసిన హైప్ ఇవన్నీ పెద్ద ప్లస్ అయ్యాయి. హైదరాబాద్ నుంచి గుంటూరు దాకా రాత్రి సెలెబ్రేషన్లు ఓ రేంజ్ లో జరిగాయి. యుఎస్ లో 1.2 మిలియన్ డాలర్లతో చిరు పెద్ద బోణీ కొట్టేశారు.
ఇక మూవీ విషయానికి వస్తే అనిల్ రావిపూడి నుంచి ఏమేం ఆశించాలో వాటిని అందిస్తూనే తనకు మాత్రమే సాధ్యమైన బాడీ లాంగ్వేజ్, కామెడీ టైమింగ్, మ్యానరిజంతో చిరంజీవి వన్ మ్యాన్ షో చేశారు. ముఖ్యంగా ఫస్ట్ హాఫ్ లో హాస్యంతో పాటు ఎమోషన్ ని బ్యాలన్స్ చేసిన తీరు ఇంటర్వెల్ కే పైసా వసూల్ అనిపించేసింది.
చిరంజీవి, నయనతార లవ్ స్టోరీని మెచ్యూర్డ్ గా హ్యాండిల్ చేసిన తీరు చాలా బాగా వచ్చింది. సెటిల్డ్ ప్లస్ ఓవర్ బోర్డు కామెడీతో రావిపూడి చేసిన మేజిక్ మాములుగా లేదు. చిరు వెంకీ కాంబో ఎపిసోడ్ కూడా బాగానే పేలింది. భీమ్స్ ఇచ్చిన పాటలు ఆల్రెడీ చార్ట్ బస్టర్ అయిపోగా విజువల్ గా ఇంకా బాగున్నాయి.
ఘరానా మొగుడు, రౌడీ అల్లుడు, గ్యాంగ్ లీడర్ లాంటి వింటేజ్ బాస్ ని బయటికి తెస్తానని చేసిన ప్రామిస్ అనిల్ రావిపూడి నిలబెట్టుకున్నాడు. ఇది తన గ్రేట్ వర్క్ అనలేం కానీ బెస్ట్ అయితే అనిపించుకుంది. ఎక్స్, ఇన్స్ టా తదితర మాధ్యమాల్లో మన శంకరవరప్రసాద్ గారుకి వస్తున్న స్పందన అనూహ్యంగా ఉంది.
బుక్ మై షోలో సగటున గంటకు 20 వేలకు పైగా టికెట్లు అమ్ముడుపోతున్నాయి. సోమవారం వర్కింగ్ డే ఇంత అంకెలు నమోదు కావడం శుభ సూచకం. ఏది ఏమైనా భోళా శంకర్ ఫలితం, రెండేళ్ల గ్యాప్ తో ఫ్యాన్స్ ఫీలవుతున్న బాధను చిరంజీవి ఈ సినిమాతో పూర్తిగా తీర్చేశారు.
This post was last modified on January 12, 2026 10:45 am
ఏపీలో ఉపాధ్యాయ ఉద్యోగార్ధులకు మంత్రి నారా లోకేష్ గుడ్ న్యూస్ చెప్పారు. త్వరలోనే మరో డీఎస్సీ వేస్తామని ప్రకటించారు. దీంతో…
ఓజి లాంటి బ్లాక్ బస్టర్ తర్వాత వస్తున్న సినిమాగా ఉస్తాద్ భగత్ సింగ్ మీద క్రమంగా హైప్ పెంచే ప్రయత్నాలు…
మొన్న మదనపల్లి, నేడు విశాఖ.. మృగాళ్ల అకృత్యాలకు అడ్డు అదుపు లేకుండా పోతుంది. విశాఖపట్నం నగరంలోని పెదగంట్యాడ మండలంలో గురువారం…
ఇది మార్కెటింగ్ యుగం. వస్తువైనా మనిషైనా జనాలకు త్వరగా చేరాలంటే పబ్లిసిటీ అవసరం. లేదంటే ఉనికిని చాటుకోవడం కష్టం. సినిమాలకు…
రాజమండ్రి జైలు నుంచి 18 రోజుల రిమాండ్ అనంతరం విడుదలైన మాజీ మంత్రి అంబటి రాంబాబు గుంటూరుకు ర్యాలీగా బయలుదేరగా…
ఈ ఏడాది మోస్ట్ అవైటెడ్ చిత్రాల్లో ‘దురంధర్-2’ ఒకటనడంలో సందేహం లేదు. గత ఏడాది ఓ మోస్తరు అంచనాల మధ్య…