కెజిఎఫ్ తర్వాత పెద్ద గ్యాప్ తీసుకున్న శాండల్ వుడ్ స్టార్ యష్ మార్చి 19న టాక్సిక్ తో ప్రేక్షకుల ముందుకు వస్తున్నాడు. గీతూ మోహన్ దాస్ దర్శకత్వంలో రూపొందుతున్న ఈ యాక్షన్ డ్రామా నుంచి ఇప్పటిదాకా హీరోయిన్ల పోస్టర్లు వచ్చాయి కానీ హీరో వైపు నుంచి సాలిడ్ కంటెంట్ రాలేదనే లోటు అభిమానుల్లో ఉంది.
దాని తీర్చేందుకే యష్ పుట్టినరోజు సందర్భంగా టీజర్ వదిలారు. కేవలం ఒక ఎపిసోడ్ ని తీసుకుని దాన్నుంచే మూవీ కాన్సెప్ట్ ఎలా ఉండబోతోందనే హింట్ ఇచ్చారు. క్రిటికల్ సినిమాలతో అంతర్జాతీయ స్థాయిలో గుర్తింపు తెచ్చుకున్న దర్శకురాలు గీతూ మోహన్ దాస్ తొలి కమర్షియల్ ప్రాజెక్ట్ ఇది.
కథేంటో చెప్పలేదు కానీ హీరో క్యారెక్టరైజేషన్ పరిచయం చేశారు. ఒక స్మశానంలో మాఫియా డాన్ కొడుక్కి దహన సంస్కారాలు జరుగుతుండగా రాయ (యష్) అక్కడికి కారులో వస్తాడు. దాన్నుంచి వైర్ల ద్వారా స్మశానం లోపల డైనమేట్లు పెట్టించి కారు నుంచి బయటికి రాకుండా బాంబులు పేల్చేస్తాడు.
అదెలా చేశాడనేది ఇక్కడ రాయడం సభ్యతగా ఉండదు కానీ అది విజువల్ గా చూస్తేనే బెటర్. మాములుగా హాలీవుడ్ వెబ్ సిరీస్ లో కనిపించే అడల్ట్ టైప్ కంటెంట్ ఇక్కడ జొప్పించడం ఆశ్చర్యం కన్నా ఎక్కువ షాక్ కలిగిస్తుంది. యష్ ఆశించినట్టే మాస్ అవతారంలో అభిమానులు కోరుకున్నట్టే ఉన్నాడు.
పీరియాడిక్ సెటప్ లో రూపొందిన ఈ గ్యాంగ్ స్టర్ డ్రామా మార్చి 19 విడుదలకే కట్టుబడింది. అదే రోజు దురంధర్ 2 ఉన్నప్పటికీ వెనుకడుగు వేయడం లేదు. అడవి శేష్ డెకాయిట్ కూడా సేమ్ డేట్ లాక్ చేసుకుంది. ఇవి వచ్చిన వారం రోజులకే పెద్ది దండయాత్ర ఉంటుంది.
రవి బస్రూర్ సంగీతం ఎప్పటిలాగే ఇంటెన్సిటీతో సాగగా మేకింగ్ క్వాలిటీ మాత్రం టాప్ స్టాండర్డ్ లో ఉంది. యష్ తప్ప వేరే ఆర్టిస్టులను రివీల్ చేయలేదు. కాకపోతే మరీ ఇంత పచ్చిగా హీరో పాత్రని డిజైన్ చేయడం అది కూడా మహిళా దర్శకురాలంటే నమ్మశక్యంగా లేదు. కథ యష్ దే కాబట్టి తన ఐడియానే ఉండొచ్చు.
This post was last modified on January 8, 2026 10:39 am
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…