Movie News

తప్పు తెలుసుకున్న యువ హీరో

స్టార్ హీరోలు ఏడాదికి ఒక్క సినిమా అయినా చేయాలని.. అప్పుడే ఇండస్ట్రీ బాగుంటుందనే అభిప్రాయం ఎప్పట్నుంచో ఉన్నదే. పెద్ద స్టార్లు మాత్రమే కాదు.. మంచి సక్సెస్ రేట్ ఉన్న హీరోల నుంచి కూడా తరచుగా సినిమాలు ఆశిస్తారు ప్రేక్షకులు. గత దశాబ్ద కాలంలో టాలీవుడ్లో మోస్ట్ ప్రామిసింగ్ హీరో కమ్ రైటర్‌గా పేరు సంపాదించిన అడివి శేష్ సినిమాకు సినిమాకు మధ్య ఎక్కువగా గ్యాప్ తీసుకోవడం పట్ల ప్రేక్షకుల్లో అసంతృప్తి ఉన్న మాట వాస్తవం. 

2022లో మేజర్, హిట్-2 చిత్రాలతో పలకరించిన అతను.. తర్వాతి సినిమాకు ఏకంగా మూడేళ్లకు పైగా గ్యాప్ తీసుకున్నాడు. వచ్చే ఏడాది అతను ముందుగా మార్చి 19న ‘డెకాయిట్’ మూవీతో రాబోతున్నాడు. 2026 ద్వితీయార్దంలో ‘జీ 2’ వచ్చే అవకాశముంది. ఐతే మరీ ఇంత గ్యాప్ తీసుకోవడం కరెక్టా, ఏడాదికో సినిమా చేయాలనే డిమాండ్ సంగతేంటి అని ‘డెకాయిట్’ టీజర్ లాంచ్‌లో అడిగితే.. సమాధానం చెప్పాడు శేష్.

‘‘నేను సొంతంగా కథ రాసే సినిమా చేస్తూ.. బయటి వాళ్లతో ఇంకో సినిమా చేసేవాడిని. ‘మేజర్’ నా సినిమా అయితే, ‘హిట్-2’ బయటి సినిమా. అవి రెండూ ఒకే సంవత్సరం రిలీజయ్యాయి. కానీ ఆ తర్వాత రెండు సినిమాలకూ రైటింగ్‌లో భాగమయ్యాను. అవే డెకాయిట్, జీ-2. ఇలా ఒకేసారి రెండు సొంత కథలతో సినిమాలు చేయడం తప్పయింది. 2022లో మేజర్, హిట్-2 సినిమాలు చేశాక నేను పూర్తి అలసిపోయాను. ‘మేజర్’ సినిమా కోసం 21 నగరాల్లో ప్రమోషన్లు చేశాను. 

ఆ తర్వాత కొంచెం గ్యాప్ తీసుకుని సొంతంగా రెండు సినిమాలకు స్క్రిప్టు రాయడం మొదలుపెట్టాను. కేవలం రాయడం మాత్రమే కాదు, ప్రిపరేషన్ కూడా ఉంటుంది. దీనికి ఏడాదిన్నర సమయం పట్టింది. తర్వాత ఈ రెండు సినిమాల షూట్ మొదలుపెట్టి పూర్తి చేయడానికి ఏడాదిన్నర సమయం పడుతోంది. అలా మూడేళ్లు గ్యాప్ వచ్చింది. శేష్ సినిమా అంటే కచ్చితంగా థియేటర్‌కు వెళ్లి చూడాలి అంటున్నారంటే ఆ నమ్మకాన్ని నిలబెట్టుకోవాలి. 

ఇప్పుడు మనీ హైస్ట్, స్క్విడ్ గేమ్ లాంటి ఇంటర్నేషనల్ సిరీస్‌లను తెలుగు ఆడియో పెట్టుకుని చూసేస్తున్నారు. అలాంటపుడు వాటిని మ్యాచ్ చేసేలా, వాటిని మించి కంటెంట్ ఉండాలంటే ఎంత కష్టపడాలి? తెలుగు సినిమా అంటే ఇదీ అని ప్రేక్షకులు ఫీలయ్యేలా చేయాలన్నది మా ప్రయత్నం. మేం ఐఫోన్ డెవలపర్లం. ప్రేక్షకులు ఐఫోన్ యూజర్లు. వాళ్లకు నచ్చే ఔట్ పుట్ ఇవ్వాలంటే టైం తీసుకోవాలి. కష్టపడాలి’’ అని శేష్ అన్నాడు.

This post was last modified on December 18, 2025 10:03 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

23 minutes ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

1 hour ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

2 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

2 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

3 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

4 hours ago