Movie News

రెహమాన్ మీదే ‘పెద్ది’ బరువు

ముందు నుంచి బలంగా చెబుతూ వచ్చిన మార్చి 27 విడుదల తేదీని పెద్ది అందుకోలేకపోవచ్చనే ప్రచారం ఫిలిం నగర్ వర్గాల్లో జోరుగా సాగుతోంది. ఇటీవలే ఇండిగో ఫ్లైట్స్ రాద్ధాంతం వల్ల ఢిల్లీ షెడ్యూల్ వాయిదా వేయాల్సి వచ్చింది. అయినా సరే బుచ్చిబాబు టెన్షన్ పడకుండా మిగిలిన బ్యాలన్స్ ని చకచకా పూర్తి చేస్తున్నారు. తాజాగా హైదరాబాద్ కోటి విమెన్స్ కాలేజీతో పాటు పలు లొకేషన్లలో కీలకమైన సన్నివేశాల చిత్రీకరణ చేయబోతున్నారు. పద్దెనిమిది నుంచి ఢిల్లీలో క్లైమాక్స్ ఘట్టం ప్లాన్ చేశారని తెలిసింది. కుస్తీ ఫైట్ ఒకటి పెండింగ్ ఉండిపోయింది. ఇవన్నీ జనవరి మధ్యలోపే అయిపోతాయని ఇన్ సైడ్ టాక్.

అయితే ఇప్పుడు అసలు బాధ్యత రెహమాన్ మీద ఉందట. ముఖ్యమైన ఐటెం సాంగ్ ఇంకా ఇవ్వలేదు. అసలే బుచ్చిబాబుది రాజీ పడని మనస్తత్వం. ఇలా ఉండటం వల్లే చికిరి చిక్కిరి లాంటి చార్ట్ బస్టర్ చేయించుకున్నాడు. ఇప్పుడు గురువు సుకుమార్ తీసిన జిగేలు రాణిని మించిన పాట తీయాలని పట్టుదలగా ఉన్నాడు. గతంలో రెహమాన్ ఒకటి రెండు ట్యూన్స్ ఇచ్చినప్పటికీ అవి అంతగా నచ్చకపోవడంతో మళ్ళీ ఫ్రెష్ గా కంపోజ్ చేస్తానని హామీ ఇవ్వడం వల్లే అది పూర్తవ్వలేదని సమాచారం. సో రెహమాన్ కనక ఈ నెలాఖరులోగా ఇవ్వగలిగితే ఫిబ్రవరిలోగా గుమ్మడికాయ కొట్టేసే ఛాన్స్ ఉంటుంది.

ఈ లెక్కన పెద్ది వాయిదా వార్త అబద్ధమే అనుకోవాలి. కాకపోతే హఠాత్తుగా ఉస్తాద్ భగత్ సింగ్ ప్రొమోషన్లు మొదలైపోవడంతో పెద్ది మీద ఫ్యాన్స్ కు డౌట్లు వచ్చాయి. బిజినెస్ డీల్స్, ఓటిటి అగ్రిమెంట్లు అన్నీ మార్చి 27కి అనుగుణంగా జరిగాయి కాబట్టి మార్పు చేయాలంటే మళ్ళీ అదో ప్రహసనంగా మారుతుంది. రామ్ చరణ్ పుట్టినరోజు కానుకగా బ్లాక్ బస్టర్ ఇవ్వాలనే సంకల్పం బుచ్చిబాబుది. మైత్రి మూవీ మేకర్స్, వృద్ధి సినిమాస్ సంస్థల నుంచి పూర్తి సహకారం ఉంది కాబట్టి ప్రొడక్షన్ పరంగా ఎలాంటి టెన్షన్ లేదు. చరణ్ కూడా టార్గెట్ మిస్ కాకూడదనే ఉద్దేశంతో పూర్తి స్థాయిలో కో ఆపరేట్ చేస్తున్నాడు.

This post was last modified on December 10, 2025 9:59 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

4 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

5 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

6 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

6 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

7 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

8 hours ago