Movie News

‘వారణాసి’ విహారం : మైండ్ బ్లోయింగ్

వెయ్యి కళ్ళతో మూవీ లవర్స్ ఎదురు చూసిన వారణాసి కాన్సెప్ట్ ట్రైలర్ ని గ్లోబ్ ట్రాట్టింగ్ ఈవెంట్ లో లాంచ్ చేశారు. రాజమౌళి ముందే చెప్పినట్టు ఇందులో కథను పూర్తిగా ఓపెన్ చేయలేదు. కాకపోతే లోతుగా డీ కోడింగ్ చేసుకుంటే ఎంతో కొంత అర్థమయ్యేలా చేశారు. అయిదవ శతాబ్దం వారణాసిలో కథ మొదలై వర్తమానంలోకి వచ్చి ఇక్కడి నుంచి ఆఫ్రికా అడవులు, వనాంచల్ ద్వారా త్రేతాయుగంలో లంకా నగరానికి వెళ్లేలా ఒకటి రెండు కాదు ఏడెనిమిది ప్రపంచాలను జక్కన్న విహారం చేయించారు. ఒక అగ్నిశిఖ భూమి నుంచి ఆకాశానికి చేరుకుని, అక్కడి నుంచి ఒక ఉల్కాపాతం జారిపడితే తర్వాత జరిగే పరిణామాలు కారణ జన్ముడైన రుద్ర(మహేష్ బాబు)ని దేనికీ ప్రేరేపించాయనేది పాయింట్ గా కనిపిస్తోంది.

వీడియోలో అధిక శాతం సిజి విజువల్స్ ఉన్నాయి. నంది వాహనం మీద రౌద్ర రూపంలో మహేష్ బాబు సమర నినాదంతో వస్తున్న ఒక షాట్ లో రివీల్ చేయడం తప్ప ఇతర ఆర్టిస్టులను చూపించలేదు. బహుశా రిలీజ్ డేట్ దగ్గరగా ఉన్నప్పుడు క్యారెక్టర్ ఇంట్రో వీడియోస్ రిలీజ్ చేయడం ద్వారా పరిచయం చేసే ప్లాన్ ఉండొచ్చు. అయితే బాహుబలి కేవలం మాహిష్మతికి పరిమితమయ్యింది. ఆర్ఆర్ఆర్ బ్రిటిష్ సామ్రాజ్యం దాటి పోలేదు. కానీ ఇప్పుడీ వారణాసి అలా కాదు. ఏవేవో లోకాలు చుట్టేస్తోంది. యుగాలు దాటి త్రేతాయుగం నుంచి కలియుగం దాకా అన్ని టచ్ చేసేలా విజయేంద్ర ప్రసాద్, కాంచిలు ఎలాంటి కథ రాశారో అంతు చిక్కడం కష్టమనిపించేలా ఉంది.

ఒక్క మాటలో చెప్పాలంటే వారాణసి విజువల్స్, కీరవాణి బీజీఎమ్ మైండ్ బ్లోయింగ్ అనిపించేశాయి. దీన్ని బట్టి సినిమా మీద అంచనాలు పెంచడం తగ్గించుకోవడం చేయలేం కానీ రాజమౌళి విజన్ ఏ స్థాయిలో ఉండబోతోందో మాత్రం అర్థమయ్యింది. ముఖ్యంగా ఐమ్యాక్స్ కెమెరాతో షూట్ చేస్తున్నారంటేనే స్టాండర్డ్ ఏ రేంజ్ లో ఉండబోతోందో ఊహించుకోవచ్చు. 2027 విడుదలకు సిద్ధం కానున్న వారణాసి కోసం సినీ ప్రియులు ఇంకో ఏడాదిన్నర పైగానే వెయిట్ చేయాల్సి ఉంటుంది, రాజమౌళి విషయంలో ఇది ఎప్పుడు జరిగేదే కాబట్టి అంత ఎదురుచూపులకు న్యాయం జరిగే తీరుతుంది. కాకపోతే ఈసారి వరల్డ్ మొత్తం తల తిప్పి చూసేంత పెద్ద స్థాయిలో.

This post was last modified on November 15, 2025 9:52 pm

Share

Recent Posts

వాళ్ళముందు మన సంస్కృతిని తక్కువ చెయ్యను: కీర్తి సురేష్

కొన్ని రోజుల ముందు ‘అక్క’ వెబ్ సిరీస్ ప్రమోషన్లలో భాగంగా జరిగిన ఒక చిట్ చాట్‌లో.. రాధిక ఆప్టే తెలుగు…

47 minutes ago

ఏపీ బీజేపీలో అసంతృప్తి సెగ‌… ఆ ఎమ్మెల్యే రాజీనామా?

ఏపీ బీజేపీలో కొన్నాళ్లుగా అసంతృప్తితోనే నాయ‌కులు ముందుకు సాగుతున్నారు. పార్టీలో ఏం జ‌రుగుతోందో.. త‌మ‌కు అర్థం కావ‌డం లేద‌ని కొన్నాళ్లుగా…

1 hour ago

పారిశ్రామిక రంగంలో చంద్రబాబు ఎక్స్ ప్రెస్ స్పీడ్

భారతదేశ పారిశ్రామిక రంగంలో ఆంధ్ర ప్రదేశ్ దూకుడు ప్రదర్శిస్తోంది. ముఖ్యమంత్రి చంద్రబాబు ఎక్స్ ప్రెస్ బుల్లెట్ వేగంతో ముందుకు దూసుకొని…

1 hour ago

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

11 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

12 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

12 hours ago