అల్లు అర్జున్ కెరీర్లో అతి పెద్ద డిజాస్ట‌ర్ సినిమా.. నా పేరు సూర్య. కంటెంట్ ప‌రంగా మ‌రీ తీసిప‌డేయ‌దగ్గ సినిమా కాదు కానీ.. భారీ బ‌డ్జెట్లో తెర‌కెక్కిన ఈ చిత్రం అంచ‌నాల్ని అందుకోవ‌డంలో విఫ‌ల‌మై బాక్సాఫీస్ ద‌గ్గ‌ర దారుణ‌మైన ఫ‌లితాన్నందుకుంది. ఐతే ఈ సినిమా డ‌బ్బింగ్ వెర్ష‌న్ ఇప్పుడు ఉత్త‌రాదిన థియేట‌ర్ల‌లో మంచి ఫ‌‌లితం సాధించ‌డం ఆశ్చ‌ర్యం క‌లిగిస్తోంది.
సూర్య ది సోల్జ‌ర్ పేరుతో ఇప్ప‌టికే ఈ సినిమా హిందీలో అనువాద‌మై యూట్యూబ్‌లో అందుబాటులో ఉంది. అక్క‌డ దానికి మంచి స్పంద‌న వ‌చ్చింది. కాగా క‌రోనా-లాక్ డౌన్ త‌ర్వాత ఉత్త‌రాదిన పునఃప్రారంభం అయిన థియేట‌ర్ల‌కు కొత్త కంటెంట్ పెద్ద‌గా అందుబాటులో లేక సూర్య ది సోల్జ‌ర్ సినిమాను రిలీజ్ చేశారు.
ముందు నామ‌మాత్రంగానే రిలీజ్ చేశారు కానీ.. థియేట‌ర్ల‌లో ఈ సినిమాకు మంచి రెస్పాన్సే వ‌చ్చింది. 50 ప‌ర్సంట్ ఆక్యుపెన్సీలోనే క‌లెక్ష‌న్లు చెప్పుకోద‌గ్గ స్థాయిలోనే వ‌చ్చాయి. దీంతో స్క్రీన్లు పెంచారు. మ‌రిన్ని న‌గ‌రాల్లో, ప‌ట్టణాల్లో దీన్ని రిలీజ్ చేశారు. కొత్త‌గా రిలీజైన సినిమాల‌తో పోలిస్తే బ‌న్నీ సినిమాకే అక్క‌డ క‌లెక్ష‌న్లు ఎక్కువ‌గా వ‌స్తున్న‌ట్లు ట్రేడ్ పండిట్లు ట్వీట్లు వేస్తున్నారు. క‌లెక్ష‌న్ల వివ‌రాలు కూడా వెల్ల‌డిస్తున్నారు. ముఖ్యంగా బీహార్ లాంటి మాస్ ప్రేక్ష‌కులు ఎక్కువున్న రాష్ట్రాల్లో ఈ సినిమాకు మంచి స్పంద‌న వస్తోంద‌ట. అక్క‌డ సూర్య ది సోల్జ‌ర్ థియేట‌ర్ల ముందు భారీ పోస్ట‌ర్లు, జ‌నాల గుంపుల‌కు సంబంధించిన ఫొటోలు సోష‌ల్ మీడియాలో క‌నిపిస్తున్నాయి. బ‌న్నీ డిజాస్ట‌ర్ మూవీకి ఉత్త‌రాదిన ఇప్పుడిలాంటి స్పంద‌న రావ‌డం ఆశ్చ‌ర్య‌మే.
This post was last modified on December 3, 2020 8:11 am
టాలీవుడ్లో మెగా హీరోలకు ఉన్న ఫ్యాన్ సపోర్ట్ ఇంకెవరికీ ఉండదనే అభిప్రాయాలున్నాయి. ముందు తరంలో ముందు మెగాస్టార్ చిరంజీవి, ఆ…
ఏపీ మాజీ సీఎం వైఎస్ జగన్ చిన్నాన్న వైఎస్ వివేకానంద రెడ్డి హత్య కేసు ఇంకా ఓ కొలిక్కి రాని…
పూనూరు గౌతం రెడ్డి. విజ‌యవాడ‌కు చెందిన వైసీపీ నాయ‌కుడు. అయితే.. గ‌తంలో ఆయ‌న వంగ‌వీటి మోహ‌న్‌రంగాపై చేసిన వివాదాస్ప‌ద వ్యాఖ్య‌ల‌తో…
సూర్య సినిమా ‘కంగువ’ మీద విడుదల ముంగిట ఏ స్థాయిలో అంచనాలున్నాయో ప్రత్యేకంగా చెప్పాల్సిన పని లేదు. వెయ్యి కోట్ల…
అసెంబ్లీ వేదిక‌గా కూట‌మి పార్టీల ఎమ్మెల్యేలు, ఎంపీలు, వారి పీఏల‌కు, పార్టీల కార్య‌కర్త‌ల‌కు సీఎం చంద్ర బాబు వార్నింగ్ ఇచ్చారు.…