సోషల్ మీడియాని చికిరి చికిరి పాట ఊపేస్తోంది. ఇన్స్ టా రీల్స్ వెల్లువలా వచ్చి పడుతుండగా ట్వీట్ల గురించి చెప్పుకుంటూ పోతే పుస్తకమే అవుతుంది. పేరుకి లిరికలే అయినా దాదాపు వీడియో సాంగ్ మొత్తాన్ని రిలీజ్ చేయడం వెనుక దర్శకుడు బుచ్చిబాబు ఆలోచన ఎంత దూరదృష్టితో ఉందో అభిమానులకు అర్థమైపోయింది. రామ్ చరణ్ గ్రేస్ మొత్తాన్ని పిండేశారా అనే రేంజ్ లో జానీ మాస్టర్ కంపోజ్ చేసిన స్టెప్పులు చిన్నా పెద్ద తేడా లేకుండా తెగ కనెక్ట్ అయిపోతున్నాయి. ఏఐ, విఎఫ్ఎక్స్, గ్రీన్ మ్యాట్ లేకుండా రియల్ లొకేషన్లలో చిత్రీకరించిన బుచ్చిబాబు కష్టానికి తగ్గ ఫలితం కనిపిస్తోంది.
ఇక ప్రత్యేకంగా మాట్లాడుకోవాల్సింది ఏఆర్ రెహమాన్ గురించి. కొంత కాలంగా ఆయన ఫామ్ లో లేరు. పొన్నియిన్ సెల్వన్ లాంటి వాటికి మంచి మ్యూజిక్ ఇచ్చినా ఒకప్పటి వింటేజ్ వైబ్ రాలేదన్నది ఫ్యాన్స్ సైతం ఒప్పుకుంటారు. అలాంటిది పెద్ది లాంటి రా విలేజ్ డ్రామాకు ఎలాంటి పాటలు ఇస్తారనే అనుమానం రావడం సహజం. వాటిని పటాపంచలు చాలా క్యాచీ ట్యూన్ తో చికిరి చికిరి అంటూ రెహమాన్ చేసిన అల్లరి ఏకంగా పుష్ప కిసిక్ సాంగ్ రికార్డులను సైతం దాటేసి నెంబర్ వన్ స్థానం వైపు దూసుకుపోయేలా చేసింది. ఒక్క తెలుగు వెర్షనే రోజు గడవకుండానే 28 మిలియన్ల వ్యూస్ దాటడం మాములు విషయం కాదు.
తమిళ వర్షన్ ఆలస్యంగా ఈ రోజు విడుదల చేయడం వల్ల కౌంట్ కొంచెం తగ్గినప్పటికీ ఓవరాల్ గా అన్ని భాషలు కలిపి నలభై మిలియన్లకు పైగా వ్యూస్ రావడం మెగా ఫ్యాన్స్ కి కొత్త ఉత్సాహాన్ని ఇస్తోంది. గేమ్ ఛేంజర్ లో ఏవైతే ట్రోలింగ్ కు గురయ్యాయో సరిగా వాటికి సమాధానం చెప్పేందుకు అనే రేంజ్ లో బుచ్చిబాబు చరణ్ ని చూపించిన విధానం చార్ట్ బస్టర్ ఇచ్చేసింది. నిన్నటి దాకా సౌండ్ చేసిన మన శంకరవరప్రసాద్ గారులోని మీసాల పిల్ల హఠాత్తుగా సైలెంట్ అయిపోయింది. చిరంజీవి స్టైల్ ని రామ్ చరణ్ గ్రేస్ టేకోవర్ చేసింది. ఏమైనా రెహమాన్, చరణ్, బుచ్చి ముగ్గురు కలిసి విధ్వంసం చేసేశారు.
This post was last modified on November 8, 2025 1:07 pm
పాత క్లాసిక్స్ రీ రిలీజ్ చేయడం మంచి ఆలోచన. ఇప్పటి తరం వాటిని ఆస్వాదించడమే కాకుండా సదరు వింటేజ్ సినిమాల…
సిద్దిపేటలో కాంగ్రెస్ పార్టీ అభ్యర్థిని గెలిపించండి. గెలిచిన ఆ ఎమ్మెల్యేకి బ్రహ్మాండమైన మంత్రి పదవి ఇచ్చే పూచి నాది అన్నారు…
ప్రధాన మంత్రి నరేంద్ర మోడీ గత మూడు నెలల నుంచి జన్జీ(యువత)కి కనెక్ట్ అయ్యేలా పలు ప్రయత్నాలు చేస్తున్నారు. కాక్రోచ్…
ఏపీ రాజకీయాల్లో ఇటీవల 'పరివర్తన రాజనీతి పార్టీ` (పీఆర్పీ) పేరుతో ఒక కొత్త రాజకీయ పార్టీని మాజీ ఎంపీ వి.…
తెలుగు ప్రేక్షకులు ఈ నగరానికి ఏమైంది రిపీట్, ఆకాశంలో ఒక తార, ఓమ్ అంటూ కొత్త సినిమాల హడావిడిలో పడిపోయారు…
నిన్నటి వరకు భయపెట్టిన అక్వాన్ తుఫాన్ ఒడిశా వైపు మెల్లగా జారుకుంది. ఆంధ్ర ప్రదేశ్ కు తుఫాన్ ముప్పు తప్పింది.…