నాగార్జున రోస్టింగ్‍కి బెంబేలెత్తిన అభిజీత్‍

బిగ్‍బాస్‍ నాలుగవ సీజన్‍ని అభిజీత్‍ గెలిచేస్తాడనే సంకేతాలు బలంగా అందుతూ వుంటే… మొదట్నుంచీ టాస్కులు చేయకుండా తన ఇష్టానుసారం వ్యవహరిస్తోన్న అభిజీత్‍ అదే ఆటిట్యూడ్‍ కొనసాగించకుండా బిగ్‍బాస్‍ యాజమాన్యం కొరడా ఝులిపించింది. హోస్ట్ నాగార్జున ఒక రేంజ్‍లో అభిజీత్‍ని రోస్ట్ చేసి పారేయగా అతను బెంబేలెత్తిపోయి మోకాళ్ల మీద పడి మరీ నాగార్జునకు, బిగ్‍బాస్‍కు సారీ చెప్పాడు.

మోనల్‍ టాపిక్‍లో వివిధ షేడ్స్ చూపించే అభిజీత్‍కి తన వీడియోలు తనకే చూపించి మరీ హౌస్‍ అందరి ముందు ఎక్స్పోజ్‍ చేసేసారు. ఇంతకుముందే అభిజీత్‍ని వరస్ట్ పర్‍ఫార్మర్‍గా స్వయంగా బిగ్‍బాస్‍ ప్రకటించాడు. ఇక అతడి అడుగులకి మడుగులు ఒత్తుతూ అతని ఆజ్ఞానుసారం గేమ్‍ ఆడుతోన్న దేత్తడి హారికకు కూడా అక్షింతలు బాగానే పడ్డాయి. ఎక్కడికక్కడ అభిజీత్‍కి ఏది చేస్తే నచ్చుతుందో అదే చేస్తూ వస్తోన్న హారికకు పలు వీడియోలు చూపించి మరీ కన్ఫెషన్‍ రూమ్‍లో ఒక ఆట ఆడుకున్నారు.

దాంతో ఆమె అభిజీత్‍ పక్కన కూర్చోవడానికి భయపడిపోయింది. ఇదిలావుంటే అభిజీత్‍ని టార్గెట్‍ చేస్తున్నారంటూ అతని ఫాలోవర్స్ ట్రెండ్‍ మొదలు పెట్టారు. మరో మూడు వారాలే వున్న దశలో ఈ ఎపిసోడ్‍ ఇక మిగతా సీజన్‍ను ఎలా ప్రభావితం చేస్తుంది, ఇక్కడ్నుంచి అభిజీత్‍, హారిక గేమ్‍ ఎలా వుంటుందనేది ఆసక్తికరం.