క్షణం నుంచి తనకంటూ ప్రత్యేక గుర్తింపు తెచ్చుకుని.. వరుసగా విజయాలతో దూసుకెళ్తున్న నటుడు అడివి శేష్. థ్రిల్లర్ కథలకు కేరాఫ్ అడ్రస్గా మారిన శేష్.. తను స్వయంగా కథల తయారీ, మేకింగ్లో భాగమై తన చిత్రాలు మంచి క్వాలిటీతో రూపొందడంలో కీలక పాత్ర పోషిస్తుంటాడు. ఐతే శేష్తో ఉన్న ఇబ్బంది ఏంటంటే.. రైటింగ్, మేకింగ్ కోసం చాలా టైం తీసుకుంటాడు. దీని వల్ల సినిమాకు సినిమాకు చాలా గ్యాప్ వచ్చేస్తుంటుంది. తన చివరి చిత్రం హిట్-2 ఎప్పుడో 2022లో రిలీజైంది. ఇప్పటిదాకా కొత్త సినిమా రాలేదు.
ఈ ఏడాది వేసవిలోనే వస్తుందనుకున్న డెకాయిట్ మూవీ హీరోయిన్ మార్పు, షూటింగ్ షెడ్యూళ్లు మారడం వల్ల ఆలస్యం అయింది. చివరికి క్రిస్మస్ కానుకగా డిసెంబరు మూడో వారంలో ఈ చిత్రాన్ని రిలీజ్ చేయబోతున్నట్లు ఆ మధ్య ప్రకటించారు. మొత్తానికి మూడేళ్ల తర్వాత అయినా శేష్ సినిమా రాబోతోందని తన అభిమానులు హ్యాపీగా ఫీలయ్యారు. కానీ తాజా సమాచారం ఏంటంటే.. డెకాయిట్ ఈ ఏడాది విడుదల కాదట. ఇంకొన్ని నెలల తర్వాత కొత్త ఏడాదిలో ఆ చిత్రం విడుదల కానుందట.
డెకాయిట్ షూటింగ్ సందర్భంగా ఈ మధ్య అడివి శేష్ గాయపడ్డాడు. దీంతో కొన్ని వారాల విశ్రాంతి అనివార్యమైంది. ఇక ముందు తీయాల్సినవి కూడా భారీ యాక్షన్ ఘట్టాలే. దీంతో షూటింగ్ మరింత ఆలస్యం కానుంది. డిసెంబరు రిలీజ్ డేట్ను అందుకోవడం అసాధ్యమని టీం భావిస్తోంది. త్వరలోనే సినిమా వాయిదా గురించి అధికారిక ప్రకటన చేయబోతున్నారు. డెకాయిట్ ఆలస్యం అయిందంటే.. దాని ఎఫెక్ట్ శేష్ మరో చిత్రం గూఢచారి-2 మీద కూడా పడుతుంది. మేలో రావాల్సిన ఆ సినిమా కూడా ఇంకా వెనక్కి వెళ్లడం ఖాయం.
బహుశా డెకాయిట్ వచ్చే వేసవికి ఫిక్స్ కావచ్చు. ఆ తర్వాత కొన్ని నెలల గ్యాప్లో గూఢచారి-2 రావచ్చు. శేష్ సరసన మృణాల్ ఠాకూర్ నటిస్తున్న డెకాయిట్ మూవీని గూఢచారి, మేజర్ చిత్రాల సినిమాటోగ్రాఫర్ షనీల్ డియో రూపొందిస్తున్నాడు. ఈ చిత్రంతో పాటు గూఢచారి-2కు కూడా శేష్ రచయితగా పని చేశాడు. గూఢచారి-2 చిత్రానికి విజయ్ కుమార్ సింగినీడి దర్శకుడు. అందులో ఓజీ విలన్ ఇమ్రాన్ హష్మి ప్రతినాయక పాత్ర చేస్తుండడం విశేషం.
This post was last modified on October 7, 2025 10:44 am
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…