ఈ మధ్యకాలంలో పోటీ లేకుండా సోలో రిలీజ్ దక్కడం పెద్ద సమస్యగా మారిపోయింది. ముందు ఎవరు ప్రకటించారు లాంటి లెక్కలేమి లేకుండా ఎవరి బిజినెస్ వారిది తరహాలో ప్రొడ్యూసర్లు నిర్ణయాలు తీసుకుంటున్నారు. ఈ విషయంలో కిష్కిందపురి హీరో, నిర్మాత అపోజిషన్ లో ఉన్న మిరాయ్ మీద అసంతృప్తి వ్యక్తం చేయడం చూశాం. ఇదిలా ఉండగా ఒక బాలీవుడ్ మూవీని కన్నడ సినిమా డామినేట్ చేయడం ఎక్కడైనా చూశామా. కెజిఎఫ్ పుణ్యమాని ఇప్పుడు శాండల్ వుడ్ మేకర్స్ కు రెక్కలు వచ్చేశాయి. బలమైన డిస్ట్రిబ్యూటర్ దొరికితే కండీషన్లు పెట్టే స్థాయికి చేరుకుంటున్నాయి. ఈ ఉదాహరణ చూడండి.
అక్టోబర్ 2 జాన్వీ కపూర్, వరుణ్ ధావన్ జంటగా నటించిన సన్నీ సన్సకారి కి తులసి కుమారి విడుదల కానుంది. నిర్మాత కరణ్ జోహార్ కావడంతో పెద్ద ఎత్తున రిలీజ్ చేసేందుకు ప్లాన్ చేస్తున్నారు. అయితే కాంతార చాప్టర్ 1 ఉత్తరాదిలో విడుదల చేస్తున్న డిస్ట్రిబ్యూటర్ అనిల్ తదాని తన సినిమా కావాలంటే కొన్ని కండీషన్లు పాటించాల్సిందే అంటున్నాడు. ఉదాహరణకు సింగల్ స్క్రీన్ అయితే కాంతర రోజుకు అయిదు షోలు, మల్టీప్లెక్సులు అయితే ఒక్కో స్క్రీన్ కు కనీసం నాలుగు నుంచి ఆరు షోలు పడేలా డిమాండ్ చేస్తున్నారట. ఆమేరకు ఎగ్జిబిటర్లకు అఫీషియల్ మెయిల్ వచ్చిందని ఇన్ సైడ్ టాక్.
ఇదే జరిగితే థియేటర్లు తక్కువగా ఉండే కింది సెంటర్లలో సన్నీ సన్సాకారికి తులసి కుమారికి సింగల్ డిజిట్ షోలు పడతాయి. అసలే బజ్ పరంగా వెనుకబడి ఉంది. ట్రైలర్ ద్వారా ఎంటర్ టైమెంట్ మూవీ అనే హామీ ఇచ్చారు కానీ చాలా సందర్భాల్లో అవి నిజమైన దాఖలాలు లేవు. పైగా జాన్వీ కపూర్ ట్రాక్ రికార్డు కూడా అంతంత మాత్రంగానే ఉంది. ప్రమోషన్లైతే బలంగా చేస్తున్నారు. అనిల్ తదాని నియంత్రణ లేని థియేటర్లలో సన్నీకి ఇబ్బందులు లేవు. కానీ తన నెట్ వర్క్ లో ఉన్న థియేటర్లను కరణ్ బ్లాక్ చేసే పనిలో ఉన్నారట. మరి కాంతార చాప్టర్ 1 నుంచి ఎదురవుతున్న సవాళ్ళను ఎలా దాటుకుంటుందో వేచి చూడాలి.
This post was last modified on September 26, 2025 3:53 pm
పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…
పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…
ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…
పరిటాల రవి, పరిటాల సునీతల వారసుడు, టీడీపీ యువనాయకుడు పరిటాల శ్రీరామ్.. తాజాగా జరిగిన జిల్లా పరిషత్.. చైర్మన్ ఎంపికలో…
బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…
ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…