Movie News

నిన్న వయలెన్స్… ఇవాళ గ్లోబల్ సెన్స్

మార్కోలో మితిమీరిన హింసతో బాక్సాఫీస్ వసూళ్లతో పాటు మాస్ లో ఇమేజ్ సొంతం చేసుకున్న హీరో ఉన్ని ముకుందన్ ఇప్పుడు నరేంద్ర మోడీ బయోపిక్ కి సిద్ధపడటం అందరినీ ఆశ్చర్యపరుస్తోంది. గతంలోనూ ప్రధాని జీవితాన్ని తెరకెక్కించే ప్రయత్నాలు కొందరు చేశారు. వాళ్లలో వినయ విధేయ రామ విలన్ వివేక్ ఒబెరాయ్ కూడా ఉన్నాడు. కానీ అవన్నీ దారుణంగా బోల్తా కొట్టాయి. నిర్మాణ విలువల్లో రాజీ, సరైన సాంకేతిక వర్గం లేకపోవడం, మార్కెటింగ్ లోపాలు తదితర కారణాల వల్ల జనాల నోటీస్ కు రాకుండానే జెండా ఎత్తేశాయి. కానీ ఉన్ని ముకుందన్ చేయబోయే మా వందే అంత ఆషామాషీగా ఉండబోవడం లేదు.

టాప్ టెక్నికల్ టీమ్ ని సెట్ చేసుకున్నారు దర్శకుడు క్రాంతి కుమార్ సిహెచ్. కేకే సెంథిల్ కుమార్ ఛాయాగ్రహణం, రవి బస్రూర్ సంగీతం, శ్రీకర్ ప్రసాద్ ఎడిటింగ్, సాబు సిరిల్ డిజైన్ ఇలా పేర్లు చూస్తుంటే ఏదో ప్యాన్ ఇండియా మూవీ రేంజ్ లో హడావిడి కనిపిస్తోంది. 75 వసంతంలోకి అడుగు పెట్టిన నరేంద్ర మోడీ ప్రస్తుతం వరసగా మూడో పర్యాయం ప్రధాన మంత్రిగా ఉన్నారు. ప్రపంచవ్యాప్తంగా ఉన్న ఫాలోయింగ్ ని దృష్టిలో పెట్టుకుని చిరకాలం గుర్తుండిపోయే ఒక బయోపిక్ ఇవ్వాలనే లక్ష్యంతో వంద కోట్లకు పైగా భారీ ఖర్చుకు సిద్ధపడినట్టు ముంబై వర్గాల కథనం.

ఇప్పటిదాకా ఒక ఇండియన్ ప్రైమ్ మినిస్టర్ మీద ఇంత పెద్ద ఎత్తున సినిమాలు తీసిన దాఖలాలు లేవు. ఇదే మొదటిదని చెప్పొచ్చు. అయితే మార్కోలో కత్తులు గన్నులు పట్టుకుని మనుషులను పిట్టల్లా చంపిన ఉన్ని ముకుందన్ ఇప్పుడు సిద్ధాంత పరంగా చాణిక్యుడు, వ్యక్తిగతంగా సౌమ్యుడిగా పేరొందిన ఒక్క గొప్ప ప్రధానిగా జీవించాలి. ప్రతిపక్షాలు వేలెత్తి చూపించే అవకాశం ఇవ్వకూడదు. నిజ జీవిత సంఘటనలు, వివాదాలు అన్నీ ఇందులో చూపిస్తారా అంటే థియేటర్లలో సినిమా వచ్చేదాకా చెప్పలేం. ఒకవేళ మా వందే కనక సక్సెస్ అయితే మరికొందరు రాజకీయం నాయకుల కథ స్క్రీన్ పై చూడొచ్చు.

This post was last modified on September 17, 2025 3:52 pm

Share

Recent Posts

బిసి సెంటర్స్‌లో ‘రిపీట్’ కావడం లేదా

మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…

5 hours ago

ఓమ్‌లో ఎన్ని రెఫరెన్సులు ఉన్నాయో

టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…

6 hours ago

భోగి మంటల్లో శత్రువుల దహనం

టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…

7 hours ago

యూపీ సీఎంలా పాలిస్తానంటున్న ఏపీ స్వామీజీ

ఏపీ పంచాయ‌తీ ఎన్నిక‌ల వేళ ఓ స్వామీజీ కూడా ఎన్నిక‌ల రంగంలోకి దిగారు. ఉమ్మ‌డి అనంత‌పురం జిల్లా మడకశిర నియోజ‌క‌వ‌ర్గంలోని…

7 hours ago

జ‌గ‌న్ ప‌ట్టు.. ష‌ర్మిల పంతం.. ముదిరిన ప్యాలెస్ వివాదం!

త‌న కుమార్తె అంజ‌లి పెళ్లిని బెంగ‌ళూరులోని య‌ల‌హంక ప్యాలెస్‌లో చేస్తామ‌ని ప్ర‌క‌టించిన ఏపీ కాంగ్రెస్ అధ్య‌క్షురాలు ష‌ర్మిల పంతం ఒక‌వైపు..…

8 hours ago

పంచాయ‌తీ ఎన్నిక‌ల్లో `ప‌ట్టింపు` లేదు.. ఎవ‌రైనా పోటీ చేయండి: జ‌న‌సేన‌

ఏపీలో గ్రామ పంచాయ‌తీ ఎన్నిక‌ల కోలాహ‌లం జ‌రుగుతున్న క్ర‌మంలో జ‌న‌సేన పార్టీ కీల‌క నిర్ణ‌యం తీసుకుంది. ఈ ఎన్నిక‌ల్లో ఎలాంటి…

8 hours ago