సునీల్ తో సైలంట్ గా ఓటిటి సినిమా

భారీ సినిమాలు, మిడ్ రేంజ్ సినిమాలు తీసిన, తీస్తున్న నిర్మాత అనిల్ సుంకర ఇప్పడు సైలంట్ గా ఓ ఓటిటి సినిమా కూడా తీసేస్తున్నారు. అంతే కాదు, అలాంటి సినిమాలు మరిన్ని ప్లాన్ చేస్తున్నారు. ప్రస్తుతం చేస్తున్న ఓటిటి సినిమాలో కమెడియన్ సునీల్, క్యారెక్టర్ ఆర్టిస్ట్ అజయ్ కీలకపాత్రలు పోషిస్తున్నారు. ఏనాడో సినిమాలు చేసి, గ్యాప్ తీసుకున్న దర్శకుడు విఎన్ ఆదిత్యకు ఈ సినిమాను అప్పగించడం విశేషం.

ఈ సినిమా గురించి బయట ఎక్కడా ఓ నోట్ లేదు, హడావుడి లేదు షూటింగ్ మాత్రం సగం వరకు ఫినిష్ చేసేసారు. ఇలాగే మరి కొన్ని సబ్జెక్ట్ లు కూడా డిస్కషన్ లో వున్నాయని, వాటిని కూడా తెరకెక్కించే ఆలోచనలో అనిల్ సుంకర వున్నారని వార్తలు అందుతున్నాయి.

ఇదిలా వుంటే ఇలా ఓటిటి సినిమాలు చేస్తూనే అజయ్ భూపతితో మహా సముద్రం నిర్మాణానికి సన్నాహాలు చేస్తున్నారు. అలాగే మహేష్-అనిల్ రావిపూడి కాంబినేషన్ సినిమా ఒకటి ఖాతాలో వుంది. ఇవన్నీ బాగానే వున్నాయి కానీ, ఎప్పడో అల్లరి నరేష్ తో నిర్మించిన బంగారుబుల్లోడు సంగతేమిటో?