Movie News

36 సంవత్సరాల తర్వాత రజిని ‘A’

సూపర్ స్టార్ రజనీకాంత్ కూలికి సెన్సార్ నుంచి ఏ సర్టిఫికెట్ రావడం ఆశ్చర్యానికి గురి చేసింది. ఎందుకంటే ఆయన సినిమాకు అడల్ట్స్ ఓన్లీ ట్యాగ్ పడి 36 సంవత్సరాలు దాటేసింది. చివరిసారిగా 1989లో శివకు వచ్చాక మళ్ళీ ఎప్పుడూ రిపీట్ కాలేదు. అంతకు ముందు ఈ లిస్టులో 19 చిత్రాలున్నాయి. అవి కోడి పరకత్తు, ఊర్కావలన్, విడుతలై, ఉన్ కన్నిల్ నీరు వజిన్దల్, నాన్ సిగప్పు మనితన్, నాన్ మహాన్ అల్ల, కై కొడుక్కుమ్ కై, శివప్పు సూరియన్, పాయుమ్ పులి, మూండ్రు ముగం, పుతుకవితై, రంగ, నేత్రికన్, కాళీ, ఎన్ కెల్విక్కు ఎన్న బాతిల్, అవళ్ అప్పడితాన్, ఇల్లమై ఊంజల్ ఆడుకిరతు, గాయత్రి, భువన ఓరు కేల్విక్కురి.

ఇవన్నీ 1977 నుంచి 1989 మధ్యలో కేవలం పన్నెండేళ్ల గ్యాప్ లో వచ్చిన రజనీకాంత్ ఏ సర్టిఫికెట్ సినిమాలు. ఇప్పుడు మూడు దశాబ్దాల తర్వాత ఆయనకు ఈ ముద్ర పడటం విశేషం. దీన్ని బట్టి లోకేష్ కనగరాజ్ ఏ స్థాయిలో వయొలెన్స్ జొప్పించాడో అర్థం చేసుకోవచ్చు. నాగార్జున ఒక ఇంటర్వ్యూలో మాట్లాడుతూ తన జీవితంలో ఎప్పుడూ వాడని చెడు పదాలు ఇందులో చెప్పానని, తన ఫ్యామిలీ రియాక్షన్ థియేటర్ లో చూడాలని ఉందని చెప్పడం వీడియో రూపంలో వైరలయ్యింది. ఇప్పుడు ఏ రావడం చూస్తే విన్నదాని కన్నా ఎక్కువ హింస, బూతులు ఉండబోతున్నాయని అర్థమవుతోంది.

తమిళ బయ్యర్లు ఈ విషయంలో కొంత ఆందోళన చెందుతున్నారు. ఎందుకంటే మల్టీప్లెక్సుల్లో 18 లోపు వయసు ఉన్న వాళ్ళను ఏ సర్టిఫైడ్ సినిమాలకు అనుమతించరు. రజని ఫ్యాన్స్ లో చిన్నపిల్లల నుంచి ముసలాళ్ల దాకా అందరూ ఉంటారు. మరి లోపలికి రాకూడదని చెబితే గొడవలు జరిగే ప్రమాదం లేకపోలేదు. సలార్, యానిమల్ లాంటి వాటికీ ఈ సమస్య వచ్చింది కానీ తెలుగు రాష్ట్రాల్లో ఇబ్బంది లేదు. కానీ తమిళనాడు ఫ్యాన్స్ మాములుగానే కొంచెం అతి చేస్తుంటారు. ఇప్పుడు 18 బిలో నో ఎంట్రీ అంటే సింగల్ స్క్రీన్లకు పరిగెత్తడం తప్ప వేరే మార్గం ఉండదు. సో చూడాలి ఎలా మేనేజ్ చేస్తారో.

This post was last modified on August 5, 2025 8:06 am

Share

Recent Posts

గేమింగ్ పిచ్చి పీక్స్.. GTA 6 ఆడేందుకు పెళ్ళాంతోనే డీల్

వీడియో గేమ్స్ అంటే యువతకు ఎంత ఇష్టమో ప్రత్యేకంగా చెప్పాల్సిన అవసరం లేదు. తమకు నచ్చిన గేమ్ కోసం గంటల…

57 minutes ago

ఛార్జిషీట్ నంబర్ పదికి చేరింది జగన్

వైసీపీ అధినేత, మాజీ ముఖ్యమంత్రి వైఎస్ జగన్ మోహన్ రెడ్డి మీద మరో ఛార్జిషీట్ దాఖలైంది. జగన్ అక్రమాస్తుల కేసును…

1 hour ago

రామాయణ మేనియా.. థియేటర్లలో నాన్‌వెజ్‌కు బ్రేక్

బాలీవుడ్ స్టార్ హీరో రణ్‌బీర్ కపూర్ నటించిన పౌరాణిక చిత్రం 'రామాయణ: రైజ్ ఆఫ్ ఏ లెజెండ్' ఇప్పుడు థియేటర్లలో…

3 hours ago

బండ్ల గణేష్ కు జైలు శిక్ష

టాలీవుడ్ సినీ నిర్మాత, నటుడు బండ్ల గణేష్ కు ఒంగోలు కోర్టు ఏడాది జైలు శిక్ష విధించింది. చెక్ బౌన్స్…

4 hours ago

‘శ‌బ‌రిమ‌ల‌ను తిరుమ‌ల చేస్తా’: సీఎం ప్ర‌క‌ట‌న.. సాధ్య‌మేనా?!

కొన్ని కొన్ని ప్ర‌క‌ట‌న‌లు విని ఊరుకోవాల్సిందే!. కానీ, నాయ‌కులు మాత్రం ఊద‌ర‌గొడుతూనే ఉంటారు. తాజాగా ప్ర‌పంచ ప్ర‌ఖ్యాత శ‌బ‌రిమ‌ల ఆల‌యాన్ని…

5 hours ago

లక్కీగా రేవంత్ సీఎం అయ్యారు: రాజగోపాల్ రెడ్డి

తనకు మంత్రి పదవి ఇస్తానని కాంగ్రెస్ అధిష్టానం మాట తప్పిందని మునుగోడు ఎమ్మెల్యే కోమటిరెడ్డి రాజగోపాల్ రెడ్డి బహిరంగంగానే గతంలో…

6 hours ago