పవర్ స్టార్ పవన్ కళ్యాణ్ టాలీవుడ్ చరిత్రలోనే బిగ్గెస్ట్ స్టార్లలో ఒకడు. ఆయన సినిమాలు హిందీలోకి కూడా చాలానే డబ్ అయ్యాయి. అక్కడి ప్రేక్షకులకు పవన్ పవరేంటో చూపించాయి. కానీ పవన్ హీరోగా తెరకెక్కిన ‘సర్దార్ గబ్బర్ సింగ్’ సినిమాను హిందీలో కూడా అనువాదం చేసి ఒకేసారి రిలీజ్ చేస్తే అక్కడి జనాలు అస్సలు పట్టించుకోలేదు. సినిమా బాగుందా లేదా అన్నది పక్కన పెడితే దానికి మినిమం ఓపెనింగ్స్ రాలేదు. డబ్బింగ్ ఖర్చులు కూడా వెనక్కి తేలేకపోయిందా సినిమా.
ఇలా హిందీలో టాలీవుడ్ స్టార్లు చాలామంది తమ అదృష్టాన్ని పరీక్షించుకున్నారు. కొన్ని సినిమాలకు మాత్రమే పర్వాలేదనిపించే ఫలితం వచ్చింది. ఒకప్పుడైనా మన స్టార్లకు అంతో ఇంతో అక్కడ ఫాలోయింగ్ ఉండేది కానీ.. ఇప్పుడు మన చిత్రాలు అక్కడ పెద్దగా వర్కవుట్ కాలేదు. ‘బాహుబలి’ వల్ల ప్రభాస్కు అమితమైన క్రేజ్ రావడం వేరు. మిగతా హీరోలెవ్వరూ అతడి దరిదాపుల్లోకి వెళ్లే పరిస్థితి లేదు.
ఇలాంటి తరుణంలో బెల్లంకొండ శ్రీనివాస్ హిందీ డెబ్యూకు రెడీ అయిపోతుండటం అందరినీ షాక్కు గురి చేసింది. అతడి సినిమాలు హిందీలో అనువాదమై మిలియన్ల కొద్దీ వ్యూస్ సంపాదించి ఉండొచ్చు. ఆమాటకొస్తే మన హీరోలందరి సినిమాలకూ అక్కడ వ్యూస్ భారీగానే వస్తున్నాయి. రామ్ సైతం కోట్లల్లో వ్యూస్ కొల్లగొడుతున్నాడు. జియో పుణ్యమా అని ఇంటర్నెట్ చౌకగా మారిపోవడంతో ఖాళీ సమయాల్లో సౌత్ మాస్ మసాలా సినిమాలపై ఓ లుక్కేసే మాస్ ఫ్యాన్స్ ఉత్తరాదిన కోట్లల్లో ఉన్నారు.
ఈ లాజిక్ ఆలోచించకుండా బెల్లంకొండ శ్రీనివాస్ సాహసానికి సిద్ధమవుతున్నాడు. నిజానికి తెలుగులోనే శ్రీనివాస్ ఇంకా నిలదొక్కుకోలేదు. పెద్ద దర్శకులతో భారీ చిత్రాలు చేశాడు కానీ.. ఒక్క ‘రాక్షసుడు’ మినహా ఏదీ ‘హిట్’ అనిపించుకోలేదు. అప్పుడే బాలీవుడ్ కు రెడీ అయిపోవడం టూమచ్ అన్నది విశ్లేషకుల అభిప్రాయం.
This post was last modified on November 18, 2020 7:09 pm
జాతీయ రాజకీయాల్లో చక్రం తిప్పాలని ఆశపడ్డ బీఆర్ఎస్ అధినేత, మాజీ ముఖ్యమంత్రి కేసీఆర్ గతంలో ఏ చిన్న అవకాశం దొరికినా…
తన 12 మెట్ల కిన్నెర వాయిద్యంతో జాతీయస్థాయిలో గుర్తింపు పొంది రాష్ట్రపతి రాంనాథ్ కోవింద్ చేతుల మీదుగా పద్మశ్రీ అవార్డు అందుకున్న కిన్నెర మొగులయ్య…
ప్రతి సినిమాకు విభిన్నంగా కొత్తగా ప్రయత్నిస్తున్న సుహాస్ తాజాగా ప్రసన్నవదనంతో థియేటర్లలో అడుగు పెట్టాడు. ఈ ఏడాది అంబాజీపేట మ్యారేజీ…
దర్శకుడు శేఖర్ కమ్ముల సెన్సిటివ్ సినిమాలు తీస్తాడనే పేరే కానీ సీరియస్ సబ్జెక్టులు టచ్ చేస్తే అవుట్ ఫుట్ ఏ…
పీసీసీ అధ్యక్షుడు, తెలంగాణ సీఎం రేవంత్ రెడ్డి పట్ల కాంగ్రెస్ అధిష్ఠానం ఫుల్ ఖుషీగా ఉందని తెలిసింది. లోక్సభ ఎన్నికల…
తెలంగాణ ప్రధాన ప్రతిపక్షం బీఆర్ ఎస్కు భారీ షాక్ తగిలింది. ప్రస్తుతం బీఆర్ ఎస్ ఎమ్మెల్సీగా ఉన్న దండే విఠల్రావు…