Movie News

రూటు మార్చిన కిరణ్ అబ్బవరం

మొన్న మార్చి నెలలో దిల్ రుబాతో పెద్ద షాక్ తిన్న యూత్ హీరో కిరణ్ అబ్బవరం అక్టోబర్ లో రానున్న కె ర్యాంప్ తో రూటు మార్చేశాడు. ఇవాళ విడుదలైన టీజర్ లో బాడీ లాంగ్వేజ్ కొత్తగా అనిపించడంతో పాటు మ్యూట్ చేసిన బూతులతో యూత్ ని ఆకట్టుకునే ప్రయత్నం చేసినట్టు కనిపిస్తోంది. కేరళలో జరిగే కాలేజీ బ్యాక్ డ్రాప్ తో జైన్స్ నాని దర్శకత్వంలో రూపొందిన ఈ కుర్రకారు ఎంటర్ టైనర్ కు చైతన్ భరద్వాజ్ సంగీతం సమకూర్చగా యుక్తి తరేజా హీరోయిన్ గా నటించింది. హాస్య మూవీస్, రుద్రాంశ్ సెల్యులాయిడ్ సంయుక్తంగా నిర్మించిన కె ర్యాంప్ లో మురళీధర్ గౌడ్, నరేష్, పవిత్ర లాంటి సీనియర్ క్యాస్టింగ్ చాలానే ఉంది.

నిజానికి కిరణ్ అబ్బవరం మీద మొన్నటి దాకా ఒక కంప్లయింట్ ఉండేది. కథ ఏదైనా సీరియస్ ఎక్స్ ప్రెషన్లతో ఎక్కువ కనిపిస్తాడని. దిల్ రుబాలో అర్జున్ రెడ్డి టచ్ ఉన్న మాస్ క్యారెక్టరైజేషన్ ఏదో ట్రై చేశాడు కానీ అది వర్కౌట్ కాలేదు. పైగా ఆడియన్స్ తనను అలా చూడాలని కోరుకోవడం లేదు. సో ఇప్పుడు పూర్తిగా శరీర భాష మార్చుకుని కామెడీ జోన్ లోకి వచ్చాడు. మలయాళ లవ్ స్టోరీస్ గురించి, జీవితం గురించి వెరైటీ స్లాంగ్ తో పలికిన సంభాషణలు కొత్తగా ఉన్నాయి. అలాని పూర్తిగా మాస్ ని వదిలేయలేదు. ఫైట్ మధ్యలో గ్లాసులో మందు పోసుకునే సన్నివేశంలో పెద్ద బిల్డప్ ఇచ్చారు. కాకపోతే ఎబ్బెట్టుగా లేదు.

బాక్సాఫీస్ తత్వం అర్థం చేసుకున్న కిరణ్ అబ్బవరంకు కె ర్యాంప్ మీద చాలా ఆశలున్నాయి. దీని తర్వాత చెన్నై లవ్ స్టోరీ మీద మంచి బజ్ ఏర్పడింది. ఒక హిట్టు మూడు ఫ్లాపులుగా సాగుతున్న కిరణ్ కు గత ఏడాది క రూపంలో దక్కిన బ్లాక్క్ బస్టర్ మంచి కిక్ ఇచ్చింది. అయితే అది త్వరగా నీరుగారిపోయే ఫ్లాప్ వస్తుందని బహుశా ఊహించి ఉండకపోవచ్చు. అందుకే ఇకపై కథల ఎంపికలో జాగ్రత్తగా ఉంటానంటున్న కిరణ్ నిర్మాతగా మారి తిమ్మరాజుపల్లె టీవీ అనే చిన్న సినిమా తీశాడు. తాను లేకుండా కొత్త వాళ్ళను పెట్టి డీసెంట్ బడ్జెట్ లో పూర్తి చేశాడు. కె ర్యాంప్ కన్నా ముందు ఇదే థియేటర్లలో రిలీజ్ కానుంది.

This post was last modified on July 14, 2025 4:51 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

4 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

18 minutes ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

37 minutes ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

53 minutes ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

1 hour ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

1 hour ago