ఓటీటీ సినిమాలంటేనే బెంబేలెత్తిపోయే పరిస్థితి తలెత్తుతోంది. ఈ సినిమాలను నిర్మాతలు అమ్మేసుకుని సేఫ్ అయిపోతున్నారు. ఓటీటీలకు వాటి వల్ల దక్కాల్సిన ప్రయోజనం దక్కుతున్నట్లే ఉంది. కానీ థియేటర్ వినోదం లేని ఈ రోజుల్లో ఓటీటీల్లో అయినా కొత్త సినిమాలను ఎంజాయ్ చేద్దామని ఆశగా చూస్తున్న ప్రేక్షకులకే తల బొప్పి కడుతోంది. ఒకటీ అరా మినహాయిస్తే ఓటీటీ సినిమాలన్నీ ప్రేక్షకులకు తల బొప్పి కట్టించినవే.
ఈ మధ్యే తెలుగులో మిస్ ఇండియా అనే సినిమా రిలీజైంది. దాని గురించి ఎంత తక్కువ మాట్లాడితే అంత మంచిది. హిందీలో భారీ అంచనాలతో విడుదలైన లక్ష్మి కూడా చెత్త సినిమా అని తేల్చేశారు. ఇలాంటి తరుణంలో అందరి ఆశలూ సూర్య సినిమా ఆకాశం నీ హద్దురా (తమిళంలో సూరారై పొట్రు) మీదే నిలిచాయి.
ఇప్పటిదాకా దక్షిణాదిన రిలీజైన సినిమాల్లోకెల్లా ఇది పెద్దది. సూర్య లాంటి హీరో సినిమా థియేట్రికల్ రిలీజ్ స్కిప్ చేసి ఓటీటీలో నేరుగా విడుదల కావడం అన్నది నమ్మశక్యం కాని విషయం. ఐతే ఎప్పటికప్పుడు ట్రెండుకు తగ్గట్లుగా మారుతూ ఉండే సూర్య తన సినిమాను ఓటీటీ రిలీజ్కు రెడీ చేసేశాడు. ఇది సౌత్లో ఓటీటీలో వస్తున్న అతి పెద్ద సినిమా మాత్రమే కాదు.. మోస్ట్ ప్రామిసింగ్ మూవీ కూడా. అంచనాలు కూడా అదే స్థాయిలో ఉన్నాయి.
ఎయిర్ డెక్కన్ వ్యవస్థాపకుడు గోపీనాథ్ జీవిత కథ ఆధారంగా తెలుగమ్మాయి సుధ కొంగర ఈ చిత్రాన్ని రూపొందించింది. ఈ సినిమా ప్రోమోలన్నీ చాలా ప్రామిసింగ్గా అనిపించాయి. అవి చూస్తే ఒక పాజిటివ్ ఫీల్ కలిగింది. విషయమున్న కథ, సరైన ప్రెజెంటేషన్, గొప్ప నటుడు.. ఇలా అన్నీ బాగా అమరిన సినిమాలా కనిపిస్తున్న ఈ చిత్రం బుధవారం అర్ధరాత్రి నుంచి అమేజాన్ ప్రైమ్లో స్ట్రీమ్ కానుంది. మరి ఓటీటీ సినిమాలంటే బెంబేలెత్తిపోయే ట్రెండును మార్చి ఈ చిత్రం గేమ్ చేంజర్ అవుతుందేమో చూడాలి.
This post was last modified on November 12, 2020 8:19 am
టీడీపీ అధినేత చంద్రబాబుకు.. బిగ్ బ్రేక్ వచ్చింది. ఇప్పటి వరకు కేంద్రంలోని పెద్దలు ఎవరూ.. ముఖ్యంగా బీజేపీ అగ్రనాయకులుగా ఉన్నవారు…
ఏపీలో సంచలనం చోటు చేసుకుంది. ఎన్నికల వేళ అధికార పార్టీకి అనుకూలంగా వ్యవహరిస్తున్నారన్న ఆరోపణల నేపథ్యంలో ఇప్పటికే చాలా మంది…
ఏపీలో ఎన్నికలకు మరో వారం రోజులు మాత్రమే గడువు ఉంది. ఈ నెల 13న అంటే వచ్చే సోమవారం.. ఎన్నికల…
‘ఆర్ఆర్ఆర్’ తర్వాత మెగా పవర్ స్టార్ ఆలస్యం చేయకుండా శంకర్ దర్శకత్వంలో ‘గేమ్ చేంజర్’ మొదలుపెట్టేశాడని చాలా సంతోషించారు మెగా…
కేంద్ర మంత్రి, బీజేపీ అగ్రనేత.. అమిత్ షా.. ఏపీ సీఎం, వైసీపీ అధినేత జగన్పై సంచలన వ్యాఖ్యలు చేశా రు.…
ఈ ఏడాది పాన్ ఇండియా స్థాయిలో మోస్ట్ అవైటెడ్ చిత్రాల్లో ‘పుష్ప: ది రూల్’ ఒకటి. ‘పుష్ప: ది రైజ్’తో…