Movie News

తారక్ టు బన్నీ.. బన్నీ టు తారక్

‘పుష్ప-2’ తర్వాత అల్లు అర్జున్ త్రివిక్రమ్ దర్శకత్వంలో నటిస్తాడనే అంతా అనుకున్నారు. జులాయి, సన్నాఫ్ సత్యమూర్తి లాంటి హిట్లు.. అలవైకుంఠపురములో లాంటి బ్లాక్ బస్టర్ ఇచ్చిన కాంబినేషన్లో ఈసారి పాన్ ఇండియా స్థాయిలో భారీ చిత్రం తీయడానికి కొన్నేళ్ల ముందే సన్నాహాలు మొదలయ్యాయి. దీని గురించి నిర్మాతలు బన్నీ వాసు, నాగవంశీ ఎప్పటికప్పుడు ఊరిస్తూనే వచ్చారు.
తీరా చూస్తే బన్నీ త్రివిక్రమ్ సినిమాను కాకుండా.. అట్లీ చిత్రాన్ని టేకప్ చేసి పెద్ద షాకిచ్చాడు. అయినా సరే అట్లీ మూవీ తర్వాత త్రివిక్రమ్ చిత్రం ఉంటుందని అనుకున్నారంతా. కానీ ఇప్పుడు కొత్త ట్విస్ట్ చోటు చేసుకుంది.

ఆ కథను బన్నీతో కాకుడా జూనియర్ ఎన్టీఆర్‌తో చేయడానికి త్రివిక్రమ్ రెడీ అయిపోయినట్లు జోరుగా ప్రచారం జరుగుతోంది. ప్రశాంత్ నీల్‌తో ‘డ్రాగన్’ను పూర్తి చేశాక తారక్.. మాటల మాంత్రికుడితో ఈ భారీ చిత్రం కోసం జట్టు కడతాడని వార్తలు వస్తున్నాయి. ఈలోపు త్రివిక్రమ్ వేరే సినిమా చేసుకుని రెడీగా ఉంటాడు. బన్నీ చేయాల్సిన సినిమా స్థానంలోకి తారక్ చిత్రం రావడం ఇది తొలిసారి కాదు. ఇంతకుముందు కొరటాల శివ సైతం బన్నీతో ఓ సినిమాను అనౌన్స్ చేశాడు. కానీ తర్వాత దాని స్థానంలోకి తారక్ సినిమా వచ్చింది. అదే దేవర.

నిజానికి ఈ చిత్రాన్ని నిర్మించిన తన మిత్రుడు మిక్కిలినేని సుధాకర్‌ను ముందు కొరటాల ప్రొడ్యూసర్‌గా పరిచయం చేయాలనుకున్నది తారక్‌ మూవీతోనే. కానీ అది సాధ్యపడక బన్నీతో సినిమాను అనౌన్స్ చేశాడు కొరటాల. కానీ తర్వాత మళ్లీ కథ మలుపు తిరిగి ‘దేవర’ చేశాడు.

ఇక ‘అల వైకుంఠపురములో’ తర్వాత త్రివిక్రమ్.. తారక్‌తో ‘అయిననా పోయి రావలె హస్తినకు’ అనే వర్కింగ్‌ టైటిల్‌తో సినిమా చేయాలనుకున్నాడు. కానీ అది కుదరలేదు. ‘గుంటూరు కారం’ తీశాడు. తర్వాత బన్నీ సినిమాను అనౌన్స్ చేశారు. కానీ అది ఇప్పుడు పక్కకు వెళ్లిపోయి తారక్‌తో అదే కథను తీయడానికి రంగం సిద్ధం చేసుకున్నట్లు వార్తలు వస్తున్నాయి. మొత్తానికి తారక్- బన్నీ మధ్య కథలు చేతులు మారడం.. అటు తిరిగి ఇటు తిరిగి చివరికి తారకే ఆయా దర్శకులతో జట్టు కడుతుండడం విశేషం.

This post was last modified on June 11, 2025 1:11 pm

Share

Recent Posts

లెజెండ్ రీఎంట్రీ… అదిరిపోలా

గుణ్ణం గంగరాజు.. ఈ పేరు ఈ తరం సినీ ప్రేక్షకులకు పెద్దగా పరిచయం లేకపోవచ్చు. కానీ 90వ దశకం నుంచి…

46 minutes ago

చిరు, చరణ్‌… అల్లు అరవింద్‌కు ఎంత ముఖ్యమంటే?

మెగాస్టార్ చిరంజీవి, అల్లు అరవింద్ కుటుంబాల మధ్య అనుబంధం గురించి కొత్తగా చెప్పాల్సిన పని లేదు. వీళ్లిద్దరూ బావ బావమరదులన్న…

55 minutes ago

సీఎం సహనం నశించింది రెడ్డి

తెలంగాణా కాంగ్రెస్ పార్టీలో నిత్యం ఏదో ఒక రగడ కొనసాగుతూనే వుంది. ఒకరుపోతే మరొకరు అసంతృప్తి గళం వినిపించడం మామూలై…

1 hour ago

అవకాశాల వర్షంలో అదృష్ట తార

ఇవాళ విడుదలైన ఆకాశంలో ఒక తార హీరోయిన్ సాత్విక వీరవల్లి ఇండస్ట్రీ దృష్టిలో బలంగా పడటం హాట్ టాపిక్ గా…

5 hours ago

అల్లు సినిమాస్‌పై కంప్లైంట్.. వీడియో తీసుకున్న అరవింద్

ఈ ఏడాది ఆరంభంలో మొదలైన అల్లు సినిమాస్ మల్టీప్లెక్స్ హైదరాబాద్ సినీ ప్రియుల ఫేవరెట్ స్పాట్లలో ఒకటిగా మారింది. ముఖ్యంగా…

5 hours ago

ఈ కమెడియన్ని వాడుకోండయ్యా

తెలుగు సినిమాల్లో ఒకప్పుడున్న కామెడీ వైభవం.. ఇండియాలోని ఇతర భాషల్లోనే కాదు, ప్రపంచంలోనే మరే సినీ పరిశ్రమలోనూ లేదు అంటే అతిశయోక్తి…

5 hours ago