దాదాపు రెండు దశాబ్దాలుగా సినీ రంగంలో ఉన్నాడు సోనూ సూద్. అయితే ఇన్నేళ్లలో సినిమాలతో తెచ్చుకున్న పేరంతా ఒకెత్తయితే.. కరోనా వల్ల తలెత్తిన లాక్ డౌన్ టైంలో తన సేవా కార్యక్రమాలతో సంపాదించిన పేరు మరో ఎత్తు. వలస కార్మికులతో మొదలుపెట్టి ఎంతో మంది అభాగ్యులను అతను ఆదుకున్నాడు. లాక్ డౌన్ ముగిశాక కూడా అతను సేవా కార్యక్రమాలను కొనసాగిస్తూనే ఉన్నాడు.
వివిధ మార్గాల్లో తనను సాయం కోసం అభ్యర్థిస్తున్న వాళ్ల వివరాలు తెలుసుకుని తన టీం ద్వారా సాయపడుతున్నాడు. ఇందుకు ప్రధానంగా సోషల్ మీడియా బాగా ఉపయోగపడుతోంది. ఐతే నేరుగా సోనూనూ కలిసే వారి సంఖ్య కూడా తక్కువగా ఏమీ లేదు. సోనూ ముంబయిలో ఇంటిదగ్గర ఉన్నా.. లేదా బయటెక్కడైనా షూటింగ్కు వెళ్లినా.. అక్కడ ఒక గ్రీవెన్స్ సెల్ లాంటిది ఏర్పాటవుతుంటడం విశేషం.
దేశంలో ఎక్కడెక్కడో ఉన్న వాళ్లు సోనూ టీంను సంప్రదించి అతనెక్కడున్నాడో తెలుసుకుని అక్కడికి వచ్చేస్తున్నారు. తమ సమస్యలు చెప్పుకుంటున్నారు. తాజాగా సోనూ హైదరాబాద్లో బెల్లకొండ శ్రీనివాస్ సినిమా ‘అల్లుడు అదుర్స్’లో నటిస్తుండగా.. అక్కడికి రోజూ పదుల సంఖ్యలో జనం వస్తున్నారు. వందల కిలోమీటర్లు ప్రయాణించి సోనూ కలుస్తుండటం విశేషం. సోనూతో పాటు రెండంకెల సంఖ్యలో అతడి టీం కూడా వెంట వచ్చి ఈ కార్యక్రమాన్ని పర్యవేక్షిస్తోంది.
ఓవైపు సోనూ టీం, మరోవైపు అతణ్ని సాయం కోసం కలిసేవాళ్లతో షూటింగ్ స్పాట్లో హంగామా కనిపిస్తోంది. యూనిట్లో ఎంతమంది ఉన్నారో.. అంతకుమించి సోనూ చుట్టూ జనం ఉంటున్నారు ఎప్పుడూ. దీంతో ఆ ప్రాంతమంతా గోల గోలగా మారిపోతోంది. ఇది చిత్ర బృందానికి కొంచెం ఇబ్బందిగా ఉన్నా, సమయం వృథా అవుతున్నా, తమ ఖర్చు పెరుగుతున్నా.. సోనూ మంచి మనసును దృష్టిలో ఉంచుకుని చిత్ర బృందం సర్దుకుంటోంది.
This post was last modified on November 5, 2020 6:18 pm
బీఆర్ఎస్ అధినేత, మాజీ ముఖ్యమంత్రి కేసీఆర్ ఏదో అనుకుంటే ఇంకేదో అయింది. జాతీయ రాజకీయాల్లో చక్రం తిప్పాలనే కలలు గన్న…
కాంగ్రెస్ పీసీసీ చీఫ్ షర్మిల సంచలన వ్యాఖ్యలు చేశారు. కొన్నాళ్లుగా వైసీపీ అధినేత, సొంత అన్నపై ఆమె తీవ్రస్థాయిలో యుద్ధం…
పెద్ద హీరోల పుట్టిన రోజులు, ఇంకేదైనా ప్రత్యేక సందర్భాలు వస్తే అభిమానులు వాళ్లు నటిస్తున్న కొత్త చిత్రాల నుంచి అప్డేట్స్…
ఆంధ్రప్రదేశ్లో జనాభా పరంగా అగ్రస్థానంలో ఉండే కాపు కులస్థుల కోసం ఉద్యమించిన నాయకుడిగా వంగవీటి మోహనరంగా తర్వాత ఓ మోస్తరు…
ఎన్నికలు జరగబోతున్నపుడు అనుకోకుండా కొన్ని విషయాలు కీలకంగా మారి అధికార పక్షాలను తీవ్ర ఇబ్బందుల్లోకి నెట్టేస్తుంటాయి. అవి ఎన్నికల ఫలితాలనే…
భారీ నమ్మకంతో రోజుల తరబడి ప్రమోషన్లు చేసిన ఆ ఒక్కటి అడక్కుకి మిక్స్డ్ టాక్ కొనసాగుతోంది. మాములుగా ఇలాంటి సినిమాలకు…