Movie News

నాని ‘హిట్’ ఫార్ములా – ఒక కేస్ స్టడీ

ఒక ఏ రేటెడ్ వయొలెంట్ సినిమాకు మొదటి రోజు నలభై మూడు కోట్లు రావడం చిన్న విషయం కాదు. మూడు రోజుల ముందే అడ్వాన్స్ బుకింగ్స్ ట్రెండింగ్ కావడం అంత తేలిగ్గా తీసుకునేది కాదు. వీకెండ్ టికెట్ల అమ్మకాలు అంతకన్నా బలంగా ఉండటం ఆషామాషి కాదు. ఇవన్నీ మాములుగా ఒక టయర్ 1 హీరో ప్యాన్ ఇండియా మూవీకి జరిగే విశేషాలు. కానీ నాని ఈ గేమ్ ని మార్చేశాడు. ఈ ఒక్క సినిమాకు ఫ్యామిలీ ఆడియన్స్ దూరమవుతారని తెలిసినా సరే రిస్క్ చేశాడు. కంటెంట్ మీద నమ్మకంతో మాస్, యూత్ ని లక్ష్యంగా పెట్టుకుని ఒక డిజాస్టర్ వెనకాల పెట్టుకున్న శైలేష్ కొలను ప్రతిభను నమ్మి దానికి తగ్గ ఫలితం అందుకున్నాడు.

హిట్ 3 ఎప్పటికీ చెప్పుకునే ఎవర్ గ్రీన్ క్లాసిక్ అవ్వొచ్చు, కాకపోవచ్చు. అది ఇప్పుడే చెప్పలేం. కానీ బాక్సాఫీస్ స్టామినాను సరైన రీతిలో వాడుకోవడం ఎలాగో నిరూపించిన బెస్ట్ ఎగ్జాంపుల్ గా మాత్రం చెప్పాల్సిందే. ఇక్కడ నాని బ్రాండ్ ఎంత బలంగా పని చేసిందంటే అన్నేసి ఇంటర్వ్యూలు ఇచ్చి, ఈవెంట్లు చేసి సోషల్ మీడియా మొత్తం తనే కనిపిస్తుంటే జనంలో ఒక రకమైన సానుకూల దృక్పథం కనిపించింది. ఇంత కష్టపడి చెబుతున్నాడంటే ఖచ్చితంగా బాగుండొచ్చనే నమ్మకం కలిగింది. ఇలాంటి ప్రమోషన్లు అందరూ చేస్తారు నిజమే. కానీ నాని మీద పెట్టుకున్న నమ్మకం దసరా, హాయ్ నాన్న, సరిపోదా శనివారంతో ప్రూవైపోయింది కాబట్టే ఇంత స్పందన దక్కింది.

టాక్ వినగానే నాని రిలాక్స్ అయిపోలేదు. ముందుగా ప్లాన్ చేసుకున్న ప్రకారం ప్రమోషన్ల కోసం అమెరికా వెళ్ళిపోయాడు. తన బలమైన మార్కెట్లో స్వయంగా ప్రేక్షకులతో కలిసి సినిమా చూసేందుకు రెడీ అయ్యాడు. నిజానికిదంతా ఖరీదయిన వ్యవహారం. నిర్మాత నానినే కాబట్టి ఫ్లైట్ టికెట్ల దగ్గర నుంచి యుఎస్ లో అయ్యే వ్యయాల దాకా మొత్తం తనే భరించాలి. ఇలా చేయడం వల్ల పది మంది చూసే సినిమా పాతిక మందికి చేరుతుందనే నాని క్యాలికులేషన్ ని మెచ్చుకోవలసిందే. ఇప్పుడే ఇలా ఉంటే ఇక ది ప్యారడైజ్ వచ్చినప్పుడు కలిగే హైప్ ఎలా ఉంటుందో ఊహించుకోవడం కష్టమే. రేంజ్ అంతగా పెరిగింది మరి.

This post was last modified on May 3, 2025 2:21 pm

Share

Recent Posts

తండ్రిపై కొడుకు విజ‌యం

ఒక సూప‌ర్ స్టార్ కొడుకు సినిమాల్లోకి వ‌చ్చాడంటే.. తండ్రి పేరును వీలైనంత‌గా వాడుకోవ‌డానికే ప్ర‌య‌త్నిస్తాడు. న‌ట‌న‌లో తండ్రిని అనుక‌రించ‌డం.. త‌న…

4 hours ago

మోడీని బ్లాక్‌మెయిల్ చేయ‌లేను: కేంద్రంపై బాబు

కేంద్ర ప్ర‌భుత్వానికి తాము మ‌ద్ద‌తు ఇస్తున్న మాట వాస్త‌వ‌మేన‌ని ఏపీ సీఎం చంద్ర‌బాబు చెప్పారు. అయితే.. దీనిని అడ్డు పెట్టుకుని…

5 hours ago

జ‌గ‌న్ గురించి ఆ రాత్రి బాగా ఆలోచించా: చంద్ర‌బాబు

వైసీపీ అధినేత జ‌గ‌న్ గురించి తాను ఎప్పుడూ ఆలోచించ‌లేద‌ని సీఎం చంద్ర‌బాబు చెప్పారు. రాజకీయంగా పోరాటమే త‌ప్ప‌.. ఎప్పుడూ ఆయ‌న…

5 hours ago

ఫెయిర్‌నెస్ క్రీమ్ వల్ల కిడ్నీ దెబ్బతిందా?

అందంగా కనిపించాలనే కోరికతో చాలామంది రకరకాల బ్యూటీ ప్రొడక్ట్స్ ఉపయోగిస్తుంటారు. ముఖ్యంగా ముఖంపై మొటిమలు, మచ్చలు, పిగ్మెంటేషన్ తగ్గుతాయని చెప్పే…

5 hours ago

సీత చేసిన లోటు నిత్యారెడ్డితో ఔటు

రామాయణ పార్ట్ 1 వెయ్యి కోట్లకు పైగా వసూలు చేసినా సినిమాలో నటన పరంగా ఎక్కువ పేరు వచ్చింది యష్,…

6 hours ago

మైసా ఎంట్రీతో మరింత చిక్కుముడి

వచ్చే వారం నవంబర్ 27 విడుదల కావాల్సిన మైసా వాయిదా పడి డిసెంబర్ 11 వెళ్లిపోయిందనే వార్త కొందరు ఆశ్చర్యంగా…

6 hours ago