ఎల్లుండి విడుదల కాబోతున్న హిట్ 3 ది థర్డ్ కేస్ కోసం అభిమానులే కాదు ఇండస్ట్రీ వర్గాలు, డిస్ట్రిబ్యూటర్లు, బయ్యర్లు అందరూ ఆసక్తిగా ఎదురు చూస్తున్నారు. గత నెల రోజులుగా దినదిన గండంగా మారిన థియేటర్ల నిర్వహణకు తిరిగి ఊపిరి పోసేది నానినే అన్న నమ్మకం వాళ్లలో బలంగా ఉంది. దానికి తగ్గట్టే అడ్వాన్స్ బుకింగ్స్ జోరుగా ఉండటం ప్రీ రిలీజ్ బజ్ ఏ స్థాయిలో ఉందో స్పష్టం చేస్తోంది. హైదరాబాద్ తో పాటు తెలంగాణకు సంబంధించిన టికెట్ అమ్మకాలు మొదలైపోయాయి కానీ ఆంధ్రప్రదేశ్ వి ఇంకా స్టార్ట్ చేయలేదు. టికెట్ ధరల జిఓతో అదనపు ఆట అనుమతి కోసం ఎదురు చూస్తున్నట్టు సమాచారం.
ఇదిలా ఉండగా హిట్ 3 మిడ్ నైట్ ప్రీమియర్లు బుధవారం అర్ధరాత్రి 1 గంటకు వేసే ఆలోచనలో నాని ఉన్నట్టు తెలిసింది. నైజాంలో కష్టం కానీ ఏపీలో అనుమతులు వచ్చేస్తాయి. దేవర, పుష్ప 2, గేమ్ ఛేంజర్ వగైరాలు అర్ధరాత్రి షోలతో కొన్ని బ్లాక్ బస్టర్, కొన్ని డిజాస్టర్ ఫలితాలు అందుకున్నాయి. అదే కాన్ఫిడెన్స్ తో హిట్ 3కి వేయాలని బయ్యర్లు డిమాండ్ చేస్తున్నారట. అదే జరిగితే న్యాచురల్ స్టార్ కెరీర్ లో ఇంత త్వరగా షోలు ప్రదర్శించడం ఇదే మొదటిసారి అవుతుంది. అసలే వేసవి సెలవులు. కాలేజీలు లేక యూత్ హాలిడేస్ లో ఉన్నారు. సో టాక్ రాక ముందే ముందస్తు ఆటలకు రెడీ అయిపోతారు. ఎలాగూ మాస్ ఆడియన్స్ అండ ఉండనే ఉంటుంది.
కాకపోతే ఒక రిస్క్ ఉంటుంది. మిడ్ నైట్ కాబట్టి సరైన టాక్ వచ్చే అవకాశాలు కొంచెం తక్కువగా ఉంటాయి. దేవర ఈ సమస్యని ఎదురుకుంది. తొలుత యావరేజ్ అన్నారు కానీ కట్ చేస్తే అదిరిపోయే వసూళ్లు వచ్చాయి. పుష్ప 2 పట్ల కూడా సోషల్ మీడియాలో నెగటివిటీ కనిపించింది. అసలు టాక్ వచ్చాక అవన్నీ దూదిపింజెల్లా ఎగిరిపోయాయి. కాకపోతే ఇవన్నీ యు/ఏ సినిమాలు. పిల్ల పీచు అందరూ వచ్చారు. కానీ హిట్ 3కి సున్నితంగా ఆలోచించే ఫ్యామిలీస్ రావొద్దని శైలేష్, నానినే చెబుతున్నారు. సో టార్గెట్ కొంచెం కష్టమవుతుంది. ఎప్పుడు వేసినా బొమ్మ అదిరిపోవడం ఖాయమనే కాన్ఫిడెన్స్ నాని టీమ్ లో పుష్కలంగా కనిపిస్తోంది.
ఏపీ రాజధాని అమరావతిలో శనివారం తెల్లవారు జాము నుంచి పోలీసులు అధికారులు పెద్ద ఎత్తున మోహరించారు. ఈ ప్రాంతంలో రాజధాని…
సంగీత ప్రపంచాన్ని దిగ్భ్రాంతికి గురి చేస్తూ గాన కోకిల ఎస్ జానకి చివరి శ్వాస తీసుకున్నారు. గత కొంత కాలంగా…
వైసీపీ అధినేత జగన్పై సీఎం చంద్రబాబు షాకింగ్ కామెంట్స్ చేశారు. తెలంగాణలోని రంగారెడ్డి జిల్లా షాబాద్లో ఓ వ్యక్తి ఆరుగురిని…
ఏపీలో ఆసక్తి రేకెత్తించిన జోసెఫ్ రావణ్ అలియాస్ ప్రశ్న రావణ్ వ్యవహారంపై కొత్త కొత్త విషయాలు బయటకు వస్తున్నాయి. జనసేన అదినేత,…
అమెరికా అధ్యక్షుడి హోదాలో డొనాల్డ్ ట్రంప్ తీసుకుంటున్న విచిత్రమైన నిర్ణయాలతో ఆ దేశ ప్రజలతో పాటు ఆ దేశంలోని విదేశీయులు నానా ఇబ్బందులు పడుతున్నారు.…
విహార యాత్రల్లో ప్రమాదం జరిగితే పరిస్థితి ఎలా ఉంటుందో ప్రత్యేకంగా చెప్పాల్సిన పని లేదు. అలాంటిదే ఇప్పుడు వియత్నాంలో జరిగింది. వియత్నాంలో…