గొప్ప పొటెన్షియల్ ఉన్న సినిమాను తీసి బాగా ప్రమోట్ చేసుకోవడమే కాదు దాన్ని రిలీజ్ పరంగా పక్కా ప్లానింగ్ తో ఉండేలా చూసుకోవాలి. లేదంటే ఓపెనింగ్స్ ప్రభావితం చెందుతాయి. ఆంధ్రప్రదేశ్ కు సంబంధించి హిట్ 3 ది థర్డ్ కేస్ అడ్వాన్స్ బుకింగ్స్ ఇంకో నలభై గంటల లోపే విడుదల ఉన్నా ఇంకా మొదలుపెట్టకపోవడం పట్ల అభిమానులు ఆందోళన చెందుతున్నారు. ఈ ఆర్టికల్ చదివే సమయానికి స్టార్టయ్యి ఉండొచ్చేమో కానీ తెలంగాణలాగా కనీసం నాలుగైదు రోజుల ముందు టికెట్ల అమ్మకాలు మొదలుపెడితే ప్రేక్షకులకు సౌకర్యవంతంగా, కావాల్సిన థియేటర్ ఎంచుకోవడానికి నిర్ణయం తీసుకునే విధంగా ఉండేది.
టికెట్ రేట్ల పెంపు జిఓనో లేదా డిస్ట్రిబ్యూటర్స్ తో ఏదైనా ఇష్యూనో కారణం ఏదైనా కావొచ్చు, చివరి నిమిషం వరకు ఒత్తిడి పడేలా లేకుండా చూసుకోవడం ఇప్పటి పరిస్థితుల్లో అవసరం. హైక్ కావాలనుకున్నా లేదా వద్దనుకున్నా దానికి తగ్గ కార్యాచరణ ముందే సెట్ చేసుకోవాలి. పబ్లిసిటీ కోసం నాని ఎడతెరిపి లేకుండా రాష్ట్రాలు తిరుగుతూ ఇంటర్వ్యూలు, ఈవెంట్లంటూ తెగ బిజీగా ఉన్నాడు. బిజినెస్ కు సంబంధించిన ప్రతిదీ తనే చూసుకోలేకపోవచ్చు. కానీ ఆ బాధ్యత తీసుకున్నవాళ్ళను ఎప్పటికప్పుడు అలెర్ట్ చేయాల్సిన అవసరం చాలా ఉంది. ఇలాంటి ఇబ్బందులు గతంలో హాయ్ నాన్న, సరిపోదా శనివారంకు కూడా వచ్చాయి.
ముందస్తుగా బుకింగ్స్ పెట్టడం వల్ల ఒక్క హైదరాబాద్ లోనే రెండున్నర కోట్ల గ్రాస్ వసూలయ్యిందని ట్రేడ్ టాక్. కరెంట్ బుకింగ్స్ కాకుండా ఇంత నెంబర్ నమోదు కావడం విశేషం. అన్ని ప్రాంతాలు కలిపి ఒక్క తెలుగు వెర్షనే నాలుగు కోట్ల మార్కుకు దగ్గరగా ఉంది. ఒకవేళ ఏపీ కూడా దీనికి తోడై ఉంటే సంఖ్య ఇంకా భారీగా ఉండేది. సరే జరిగిందేదో జరిగిందని అనుకోవడం కాకుండా ఇకపై రిపీట్ కాకుండా చూసుకోవాలి. నాని నిర్మించిన కోర్ట్ కు ఇదే ఏపీలో మూడు రోజుల ముందే బుకింగ్స్ పెట్టగలిగినప్పుడు తనే హీరోగా నటించిన హిట్ 3కి ఎందుకు సాధ్యం కాలేదు. ఇలాంటి ప్రాక్టికల్ ప్రశ్నలే అభిమానుల నుంచి వస్తాయి.
This post was last modified on April 29, 2025 7:28 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…