విడుదలకు ఒక సినిమా (భైరవం) సిద్ధంగా ఉన్నా, మరొకటి ఫినిషింగ్ (టైసన్ నాయుడు) కు దగ్గరలో ఉన్నా, వీటికన్నా చాలా ఆలస్యంగా మొదలైన మరొక ప్యాన్ ఇండియా మూవీ ‘కిష్కిందపురి’ టీజర్ రావడం బెల్లంకొండ సాయిశ్రీనివాస్ కు జరిగిన అరుదైన ఫీట్ గా చెప్పుకోవాలి. అనుపమ పరమేశ్వరన్ హీరోయిన్ గా నటిస్తున్న ఈ మిస్టిక్ థ్రిల్లర్ నుంచి ఇంత త్వరగా ప్రమోషన్లు మొదలు కావడం ఊహించనిది. ట్విస్ట్ ఏంటంటే ఈ మాంస్సూన్ లోనే రిలీజ్ అవుతుందని చెప్పేశారు. మాములుగా ఋతు పవనాలు జూన్ లో మొదలై సెప్టెంబర్ దాకా ఉంటాయి. వీటి మధ్యలోనే కిష్కిందపురి వస్తుందని క్లారిటీ ఇచ్చారు.
టీజర్ చిన్నదే అయినా కాన్సెప్ట్ ఏంటో చెప్పేశారు. శతాబ్దాల తరబడి మూసేసిన ఒక పాడుబడిన బంగాళా. లోపలికి వెళ్లే సాహసం ఎవరూ చేయరు. దానికి హీరో హీరోయిన్ తో పాటు వాళ్ళ స్నేహితులు పూనుకుంటారు. అందరూ అనుకున్నట్టు అదేదో ఆషామాషీ దెయ్యాల వ్యవహారం కాదని దాంట్లో అడుగు పెట్టాక అర్థమవుతుంది. చిత్ర విచిత్రాలు జరుగుతాయి. పాయింట్ పరంగా కొత్తగా లేకపోయినా ఇంటెన్స్ విజువల్స్, సామ్ సిఎస్ బ్యాక్ గ్రౌండ్ స్కోర్, ఏదో దాచి పెట్టిన సస్పెన్స్ ఎలిమెంట్ వగైరాలు ఆసక్తిని పెంచుతున్నాయి. హారర్ తో పాటు అన్ని మిక్స్ చేసినట్టు కనిపిస్తోంది. అంచనాల పరంగా ఇదంతా పాసయ్యేలానే ఉంది.
మొత్తానికి సాయిశ్రీనివాస్ ట్రెండ్ ఫాలో అయిపోయాడు. ఇటీవలే నాగచైతన్య కూడా ఇదే తరహా బ్యాక్ డ్రాప్ తో ఎన్సి 24 మొదలుపెట్టిన సంగతి తెలిసిందే. గతంలో సాయి ధరమ్ తేజ్ విరూపాక్ష, కిరణ్ అబ్బవరం ‘క’లు ఇదే కోవలో సూపర్ హిట్ అందుకున్నాయి. రాక్షసుడు తర్వాత బెల్లంకొండ, అనుపమ పరమేశ్వరన్ కలిసి నటించిన సినిమా ఇదే. కౌశిక్ పెగళ్ళపాటి దర్శకత్వం వహించగా షైన్ స్క్రీన్స్ బ్యానర్ మీద పెద్ద బడ్జెట్ తోనే నిర్మిస్తున్నారు. డేట్ ఇంకా చెప్పలేదు కానీ భైరవంకు దీనికి మధ్య కనీస గ్యాప్ ఉండేలా చూసుకునే అవకాశముంది. ఫైనల్ గా బెల్లం హీరో 2026లో రెండ్ సినిమాలు ఇవ్వడం కన్ఫర్మ్.
This post was last modified on April 29, 2025 4:51 pm
సరిగ్గా వారం రోజుల్లో ఉస్తాద్ భగత్ సింగ్ వచ్చేస్తాడు. థియేటర్ యజమానులు ఆ క్షణం కోసమే ఎదురు చూస్తున్నారు. కేవలం…
ఇప్పుడు తెలుగు సినిమా ఎంతో ఎదిగిపోయింది.. సరికొత్త సినిమాలు తీస్తోంది అని కాలర్ ఎగరేస్తున్నాం కానీ.. రెండు దశాబ్దాల ముందు…
ఇండస్ట్రీ పెద్ద ఎవరు..? ఈ ప్రశ్న టాలీవుడ్లో తరచుగా వినిపిస్తుంటుంది. ఒకప్పుడు దర్శక రత్న దాసరి నారాయణరావు ఈ పాత్రను…
ఎన్నికలు అనగానే నాయకుల్లో మార్పులు సహజం. మరీ ముఖ్యంగా ప్రధాన మంత్రినరేంద్ర మోడీ అయితే.. మరింత ఎక్కువగా శ్రద్ధ తీసుకుంటారు.…
ఒకప్పుడు టాలీవుడ్లో తిరుగులేని ఆధిపత్యం చలాయించిన కథానాయికల్లో తమన్నా ఒకరు. టీనేజీలోనే కథానాయిక అవతారం ఎత్తిన ఆమె పదేళ్లకు పైగానే టాప్…
థియేటర్, ఓటిటి మధ్య ఖచ్చితంగా ఎనిమిది వారాల గ్యాప్ ఉండాలనే నిబంధన మీద దక్షిణాది ఇండస్ట్రీ పెద్దలు చాలా సీరియస్…