సార్ దర్శకుడికి సూపర్ ఆఫర్స్

ఇండస్ట్రీలో బ్లాక్ బస్టర్ రూపంలో ఒక్కసారి బ్రేక్ దక్కిందంటే ఆ దర్శకుడి సుడి మాములుగా తిరిగదు. వెంకీ అట్లూరి పరిస్థితి ఇలాగే ఉంది. అఖిల్ తో ‘మిస్టర్ మజ్ను’ చేసినప్పుడు తన మీద చాలా కామెంట్స్ వచ్చాయి. విదేశాల హ్యాంగోవర్ నుంచి బయటికి రాడని అందువల్లే ఫ్లాప్ పడిందని కాస్త ఘాటు విమర్శలే అందుకున్నాడు. వాటికి సమాధానం ధనుష్ ‘సార్’ రూపంలో ఇచ్చేశాడు. ఒక తమిళ హీరోతో తెలుగు స్ట్రెయిట్ సినిమా చేసి రెండు లాంగ్వేజెస్ లో హిట్టు కొట్టడం చిన్న విషయం కాదు. ఈ విజయమే దుల్కర్ సల్మాన్ ని ‘లక్కీ భాస్కర్’ ఒప్పించేలా చేసింది. దీని సక్సెస్ థియేటర్ నుంచి నెట్ ఫ్లిక్స్ దాకా మారుమ్రోగిపోయింది.

ప్రస్తుతం ‘సూర్య 46’ పనుల్లో బిజీగా ఉన్న వెంకీ అట్లూరి మరోసారి సితార బ్యానర్ కే పని చేయబోతున్నాడు. ప్రీ ప్రొడక్షన్, క్యాస్టింగ్ పనులు జరుగుతున్నాయి. రెట్రో రిలీజయ్యాక దీనికి సంబంధించిన అధికారిక ప్రకటన వెలువడొచ్చు. దీని తర్వాత అజిత్ తో ఒక సినిమా సెట్ అయ్యేందుకు వెంకీ అట్లూరికి దారులు తెరుచుకున్నాయని కోలీవుడ్ టాక్. ఇటీవలే గుడ్ బ్యాడ్ అగ్లీతో ఫామ్ లోకి వచ్చేసిన అజిత్ యువ దర్శకులతో పని చేసేందుకు ఉత్సాహం చూపిస్తున్నాడు. ప్రస్తుతానికి కథ చెప్పడం లాంటివేవీ జరగలేదు కానీ స్టోరీ ఉంటే కలవమనే సంకేతం అయితే అజిత్ నుంచి వచ్చిందని వినికిడి.

సైలెంట్ గా టాప్ లీగ్ లోకి దూసుకుపోతున్న వెంకీ అట్లూరికి చాలా కాలంగా చిరంజీవి ఆఫర్ కూడా పెండింగ్ లో ఉంది. సరైన కథ కుదిరితే ఈ ఇద్దరి కాంబో సాధ్యమవుతుందని ఆ మధ్య నిర్మాత ఒక ఇంటర్వ్యూలో చెప్పడం మెగా ఫ్యాన్స్ బాగా షేర్ చేసుకున్నారు. ఇలా ఒకొక్కటి టాప్ స్టార్లతో చేసుకుంటూ పోతే కెరీర్ చక్కగా సెటిలవుతుంది. ఫారిన్ సెటప్ కన్నా రూటెడ్ స్టోరీస్ మీద ఎక్కువ దృష్టి పెడుతున్న వెంకీ అట్లూరి ఈ కారణంగానే క్లాసు మాస్ ఇద్దరినీ మెప్పించగలుగుతున్నాడు. వీటితో కూడా హిట్టు కొడితే వెంకీ డిమాండ్ మాములుగా ఉండదు. అందుకేనేమో సితార మేకర్స్ తనను అస్సలు వదిలిపెట్టడం లేదు.