హీరోగా విలన్ గా తెరమీద కనిపించడం బాగా తగ్గించేసిన దగ్గుబాటి రానా తండ్రి సురేష్ బాబు బాటలోనే ప్రొడక్షన్ ని సీరియస్ గా తీసుకున్నాడు. కంటెంట్ ని నమ్ముకుని కమర్షియల్ ఫార్ములాకు దూరంగా తెలుగు సినిమాని కొత్త ట్రెండ్ వైపు నడిపించే ప్రయత్నాలు బలంగా చేస్తున్నాడు. స్టార్ క్యాస్టింగ్ ని పెట్టుకునే స్థాయి ఉన్నప్పటికీ క్వాంటిటీ కన్నా క్వాలిటీ ముఖ్యమని నమ్మి కేరాఫ్ కంచరపాలెం నుంచి 35 చిన్న కథ కాదు దాకా తను చేసిన ప్రయోగాలు హిట్లతో పాటు అవార్డులనూ తీసుకొచ్చాయి. తాజాగా ఇంకో అడుగు ముందుకేసి ప్యాన్ ఇండియాని మించి గ్లోబల్ స్టేజి వైపు పరుగులు పెడుతున్నాడు.
ఇండో అమెరికన్ దర్శకుడు బెన్ రేఖీతో రానా ఒక ప్రాజెక్టు లాక్ చేసుకున్నట్టు సమాచారం. మనోజ్ బాజ్ పాయ్ ప్రధాన పాత్ర పోషించనున్నాడు. బెన్ రేఖీ ట్రాక్ రికార్డు మామూలుది కాదు. న్యూ యార్క్ యునివర్సిటి టిస్చ్ స్కూల్ అఫ్ ఆర్ట్స్ నుంచి పట్టభద్రుడైన ఇతను సుప్రసిద్ధ వార్నర్ బ్రోస్ నుంచి గ్రాంట్ అందుకున్న ప్రతిభావంతుడైన దర్శకుడిగా తక్కువ వయసులోనే పేరు తెచ్చుకున్నాడు. 2004 బాంబ్ ది సిస్టమ్ తో నిర్మాణంలో అడుగు పెట్టి 2005 వాటర్ బోర్న్ తో మెగా ఫోన్ చేపట్టాడు. 2016 మన దేశంలోనే షూట్ చేసిన ది ఆశ్రమ్ విమర్శకుల ప్రశంసలు అందుకుంది. 2019 వాచ్ లిస్ట్ సైతం క్లాసిక్ గా నిలిచింది.
ఈ లెక్కన రానా ఎంచుకున్నది ఆషామాషీ వ్యక్తిని కాదనే విషయం అర్థమైపోయిందిగా. జానర్ తదితర వివరాలు ఇంకా తెలియదు కానీ బడ్జెట్ మాత్రం భారీగా ఉండబోతోంది. ఖర్చు విషయంలో చాలా ప్లాన్డ్ గా ఉండే రానా ఇప్పుడీ ఇండో ఇంగ్లీష్ మూవీకి ఎంత పెట్టబోతున్నాడో చూడాలి. యాక్టింగ్ కన్నా ప్రొడక్షన్ ని ఎక్కువ సీరియస్ గా తీసుకుంటున్న రానా ఆ మధ్య తేజతో రాక్షస రాజు అనే సినిమా ప్రకటించాడు కానీ అది సెట్స్ కి వెళ్లిందో లేదో తెలియకుండానే ఆగిపోయింది. చిన్నికృష్ణ ఇచ్చిన కథతో ఒక సినిమా చేయొచ్చనే టాక్ వచ్చినా అఫీషియల్ గా ఇంకా కన్ఫర్మ్ కాలేదు. టైం పట్టేలా ఉంది.
This post was last modified on March 22, 2025 10:25 am
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…