Movie News

వీరమల్లుకు కొత్త డేట్?

పవర్ స్టార్ పవన్ కళ్యాణ్ పెండింగ్‌లో పెట్టిన మూడు చిత్రాల్లో ఏది ఎఫ్పుడు పూర్తవుతుందో.. ఎప్పుడు రిలీజ్ అవుతుందో తెలియని అయోమయం నెలకొంది. ముందుగా ఆయన లాంగ్ డిలేయ్డ్ మూవీ ‘హరి హర వీరమల్లు’ను టేకప్ చేసినా.. దాన్ని అనుకున్న సమయానికి పూర్తి చేయలేకపోయారు. మార్చి 28కి రిలీజ్ డేట్ ఇచ్చేసి ప్రమోషన్లు కూడా మొదలుపెట్టిన చిత్ర బృందం.. చివరి షెడ్యూల్ కోసం పవన్ అందుబాటులోకి రాకపోవడంతో విడుదలను వాయిదా వేయక తప్పని పరిస్థితి నెలకొంది. ఇంకా అధికారికంగా ప్రకటించలేదు కానీ.. ఈ నెల 28న ‘వీరమల్లు’ రాదన్నది పక్కా.

ఈ డేట్ మిస్ అయితే తర్వాత ఇంకెప్పుడు సినిమా రిలీజ్ చేస్తారన్నది ప్రశ్నార్థకం. ఎలాగైనా వేసవిలోనే ఈ చిత్రాన్ని ప్రేక్షకుల ముందుకు తేవాలని చూస్తున్నారు నిర్మాత ఏఎం రత్నం. ఇందుకోసం ఆయన కొత్త డేట్ మీద కన్నేసినట్లు సమాచారం. మెగాస్టార్ చిరంజీవికి లక్కీ డేట్ అనదగ్గ మే 9న ‘హరిహర వీరమల్లు’ను రిలీజ్ చేయాలని రత్నం భావిస్తున్నారట. ఈ తేదీకి చిరు సినిమా ‘విశ్వంభర’ను రిలీజ్ చేయాలని అనుకున్నారు కానీ.. అది సాధ్యపడేలా లేదు. ప్రస్తుతానికి ఆ క్రేజీ డేట్ ఖాళీగానే ఉంది. ఎవరూ కర్చీఫ్ వేయలేదు.

వచ్చే నెల రోజుల్లో పవన్ కనుక డేట్లు ఇచ్చి రాజస్థాన్‌లో తెరకెక్కించాల్సిన కీలక ఎపిసోడ్‌ను పూర్తి చేస్తే షూటింగ్ ఒక కొలిక్కి వచ్చేసినట్లే. మే 9కి సినిమాను రెడీ చేయడం కూడా కష్టం కాబోదు. ఇదే విషయం పవన్‌తో మాట్లాడి కాల్ షీట్లు కన్ఫమ్ చేసుకుని డిస్ట్రిబ్యూటర్లకు రిలీజ్ గురించి సమాచారం ఇవ్వాలని రత్నం భావిస్తున్నారు. వేసవిలో పెద్ద సినిమాలేవీ లేని నేపథ్యంలో తమ చిత్రాన్ని మిడ్ సమ్మర్లో రిలీజ్ చేస్తే మంచి ప్రయోజనం ఉంటుందని రత్నం భావిస్తున్నారు. పవన్ మరో చిత్రం ‘ఓజీ’ కోణంలో చూసినా.. వీరమల్లు వేసవిలో రావడం మంచిదే. కాబట్టి పవన్ కొంచెం మనసు పెడితే మే 9న ‘హరిహర వీరమల్లు’ ప్రేక్షకుల ముందుకు రావచ్చు.

This post was last modified on March 10, 2025 8:03 pm

Share

Recent Posts

మ‌హావ‌తార న‌ర‌సింహ.. తెలుగు రైట‌ర్ ఆవేద‌న‌

మ‌హావ‌తార న‌ర‌సింహ‌.. గ‌త ఏడాది పాన్ ఇండియా స్థాయిలో సెన్సేష‌న్ క్రియేట్ చేసిన సినిమా. ఈ యానిమేష‌న్ మూవీ రిలీజ‌య్యే…

51 minutes ago

ఛలో దర్శకుడిని తిట్టారా పొగిడారా

టాలీవుడ్ టాలెంటెడ్ దర్శకుల్లో వెంకీ కుడుముల పేరు ఖచ్చితంగా ఉంటుంది. రష్మిక మందన్న ఇవాళ ఈ స్థాయికి వచ్చిందంటే ఛలో…

1 hour ago

లిఫ్ట్ అడిగేటప్పుడు జాగ్రత్త మహిళలు

మహిళల భద్రతపై మరోసారి ఆందోళన కలిగించే ఘటన తెలంగాణలో చోటుచేసుకుంది. ఇంటికి వెళ్లేందుకు ఆటోలో లిఫ్ట్ ఇస్తామని నమ్మించిన ఇద్దరు…

1 hour ago

అక్రమ సంబంధాల వివాదం… మళ్ళీ సీఈవోగా వస్తానంటున్న జెన్సెన్

ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…

2 hours ago

పాపం… ట్రైన్ ఎక్కిద్దాం అని వెళ్ళి ఫైన్ కట్టి వచ్చారు

బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…

2 hours ago

చిరు లీక్స్ రొటీన్ అవుతున్నాయా

మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…

2 hours ago