Movie News

లీకుల పర్వంలో మొదటి హెచ్చరిక

నిన్న ఇండియా న్యూజిలాండ్ మధ్య ఛాంపియన్స్ ట్రోఫీ ఫైనల్ జరుగుతున్నా సరే దానికి ధీటుగా ట్రెండింగ్ లోకి వచ్చిన టాపిక్ ఎస్ఎస్ఎంబి 29 వీడియో లీక్. మహేష్, పృథ్విరాజ్ మీద షూట్ చేసినట్టుగా చెప్పబడుతున్న ఒక చిన్న క్లిప్ బయటికి రావడంతో ఒక్కసారిగా ఎక్స్, ఇన్స్ టా ఊగిపోయాయి. ఇది నిజంగా రాజమౌళి సినిమానా లేకా ఏదైనా యాడా అని సందేహ పడిన వాళ్ళు లేకపోలేదు. కానీ చుట్టూ ఉన్న వాతావరణం, కనిపిస్తున్న ఆర్టిస్టులు అన్నీ జక్కన్న ప్యాన్ వరల్డ్ మూవీనే సూచిస్తున్నాయి. కొన్ని అకౌంట్లు వీడియోని డిలీట్ చేయగా మరికొన్ని మాధ్యమాల్లో ఇంకా తిరుగుతూనే ఉంది.

ఇలాంటి లీకులు రాజమౌళి సినిమాలకు కొత్త కాదు. గతంలో ఆర్ఆర్ఆర్ విడుదలకు చాలా ముందే జూనియర్ ఎన్టీఆర్ అడవిలో పులిని తప్పించుకుని పరిగెత్తే వీడియో బాగానే చక్కర్లు కొట్టింది. బాహుబలి 2 తాలూకు ఫుటేజ్ కొంత భాగం ఎడిటింగ్ కాక ముందు ఆన్ లైన్ లో ప్రత్యక్షమయ్యింది. ఆ టైంలో చర్యలు తీసుకుని వాటిని కట్టడి చేశారు కానీ మహేష్ బాబు విషయంలో జరిగింది మరీ చాలా అంటే చాలా త్వరగా. ఇంకా పది శాతం చిత్రీకరణ కూడా జరగలేదు. శుభామాని మొదలుపెట్టి పది రోజులు కాక ముందే ఇలాంటి లీకులు ఫ్యాన్స్ లో ఎక్క్కడ లేని ఆందోళన కలిగిస్తున్నాయి. హెచ్చరిక ఇస్తున్నాయి.

నిజానికి వీటి గురించి అంతగా భయపడాల్సిన అవసరం లేదు కానీ కట్టడి చేయాల్సిన బాధ్యత అయితే ఉంది. ఒకప్పుడు నిర్మాతలు మీడియాని షూటింగ్ స్పాట్ కి పిలిచి అప్డేట్స్, ఫోటోలు ఇచ్చేవాళ్ళు. కానీ సాంకేతికత పెరిగిపోయాక అలా చేయలేకపోతున్నారు. కారణం దుర్వినియోగం కావడానికి ఎక్కువ అవకాశం ఉండటమే. కానీ ఇప్పుడు స్మార్ట్ ఫోన్ల సహాయంతో దొంగచాటుగా తీస్తున్న దొంగలను పట్టుకోవడం నిర్మాతలకు సవాల్ గా మారింది. అయినా చాలా కట్టుదిట్టమైన జాగ్రత్తలు తీసుకున్నా సరే ఇదంతా ఎలా జరిగిందనేది రాజమౌళి బృందానికి పెద్ద పజిల్ గా మారిందట.

This post was last modified on March 10, 2025 10:51 am

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

9 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

9 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

10 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

10 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

10 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

10 hours ago