‘బాహుబలి’తో తిరుగులేని ఇమేజ్ సంపాదించిన ప్రభాస్ నుంచి వస్తున్న కొత్త సినిమా ‘రాధేశ్యామ్’. ‘సాహో’ డిజాస్టరైనా సరే.. ఈ చిత్రంపై అంచనాలు తక్కువగా ఏమీ లేవు. ప్రభాస్ గత సినిమాల్లాగే ఇది కూడా పాన్ ఇండియా స్థాయిలో భారీ బడ్జెట్లో తెరకెక్కింది. ఈ సినిమాకు సంబంధించి ఇప్పటిదాకా బయటికొచ్చిన విశేషాల్ని బట్టి చూస్తే ఇదొక పీరియడ్ టచ్ ఉన్న సినిమా అని స్పష్టమవుతోంది.
30-40 ఏళ్ల వెనుకటి నేపథ్యంలో ఈ కథ నడుస్తుందన్న సంకేతాలే కనిపిస్తున్నాయి. ఈ సినిమా పోస్టర్లన్నింట్లోనూ వింటేజ్ టచ్ కనిపించింది. ఇదిలా ఉంటే.. సినిమాకు ‘రాధేశ్యామ్’ అని టైటిల్ పెట్టి, హీరో హీరోయిన్లను మాత్రం వేరే పేర్లతో పరిచయం చేయడం ప్రేక్షకులకు ఆశ్చర్యం కలిగిస్తోంది. ఈ సినిమా టైటిల్ రిలీజ్ చేసినప్పటి నుంచి హీరో హీరోయిన్ల పేర్లు శ్యామ్, రాధ అనే భావిస్తున్నారంతా.
కానీ కొన్ని రోజుల కిందట పూజా హెగ్డే పుట్టిన రోజు సందర్భంగా ఆమె పాత్ర పేరును ప్రేరణగా పరిచయం చేశారు. ఇక త్వరలో ప్రభాస్ పుట్టిన రోజు రానున్న నేపథ్యంలో రిలీజ్ చేసిన అతడి కొత్త పోస్టర్లో తన పేరును విక్రమాదిత్యగా పేర్కొన్నారు. దీంతో టైటిల్ అలా పెట్టి హీరో హీరోయిన్ల పేర్లు ఇలా ఫిక్స్ చేశారేంటి అన్న సందేహం కలుగుతోంది. ఐతే విక్రమాదిత్య, ప్రేరణ అనే పేర్లు కొంచెం పాతగా అనిపిస్తున్న నేపథ్యంలో ఇవి ఫ్లాష్ బ్యాక్ క్యారెక్టర్లు అయి ఉండొచ్చని.. ఆ పాత్రలు చనిపోయి పునర్జన్మ ఎత్తాక వాటి పేర్లు శ్యామ్, రాధ కావొచ్చని భావిస్తున్నారు.
ఇది పునర్జన్మల నేపథ్యంలో సాగే ప్రేమకథ అన్న ఊహాగానాలు ఇంతకుముందే వినిపించిన నేపథ్యంలో ఈ అంచనానే నిజం కావచ్చేమో. ఇలా కాకుండా ‘రాధేశ్యామ్’ టీమ్ వేరే ట్విస్టు ఏమైనా ఇస్తుందేమో చూడాలి. చిత్రీకరణ చివరి దశలో ఉన్న ఈ సినిమాను వచ్చే ఏడాది వేసవికి విడుదల చేయాలని భావిస్తున్నారు. శుక్రవారం ప్రభాస్ పుట్టిన రోజు సందర్భంగా ‘రాధేశ్యామ్’ మోషన్ పోస్టర్ రాబోతున్న సంగతి తెలిసిందే.
This post was last modified on October 22, 2020 2:41 pm
టిల్లు స్క్వేర్ తో ఏకంగా వంద కోట్ల బ్లాక్ బస్టర్ ఖాతాలో వేసుకున్న సిద్దు జొన్నలగడ్డ ఒకపక్క జాక్, తెలుసు…
కొందరు డైరెక్టర్లు నిదానమే ప్రధానం సూత్రం పాటిస్తారు. నెంబర్ కన్నా నాణ్యత ముఖ్యమని ఆ దిశగా స్క్రిప్ట్ కోసమే సంవత్సరాలు…
వేసవిలో కీలక సమయం వచ్చేసింది. స్కూళ్ళు, కాలేజీలకు పూర్తి స్థాయి సెలవులు ఇచ్చేశారు. జనాలు థియేటర్లకు వెళ్లేందుకు మంచి ఆప్షన్ల…
ఏపీలో తలెత్తిన ఎన్నికల గుర్తు రగడ మరో మలుపు తిరిగింది. జనసేనకు కేటాయించిన ఎన్నికల గుర్తు గాజు గ్లాసును స్వతంత్ర…
టాలీవుడ్ దర్శకుల్లో క్రిష్ జాగర్లమూడిది డిఫరెంట్ స్టైల్. ‘గమ్యం’ లాంటి సెన్సేషనల్ మూవీతో మొదలుపెట్టి ఆయన వైవిధ్యమైన సినిమాలతో తనకంటూ…
ప్రస్తుతం తమిళ, తెలుగు భాషల్లో మోస్ట్ వాంటెడ్ లేడీ ఆర్టిస్టుల్లో వరలక్ష్మి శరత్ కుమార్ ఒకరు. ఆమె ఓవైపు లీడ్…