Movie News

వరల్డ్ ఫేమస్ లవర్‌పై రాశి.. అప్పుడలా.. ఇప్పుడిలా

కెరీర్ ఆరంభం నుంచి కొంచెం హద్దుల్లో ఉండే నటిస్తోంది రాశి ఖన్నా. ‘బెంగాల్ టైగర్’లో బికినీ వేసినా సరే.. అందాల ప్రదర్శనలో మరీ హద్దులు దాటిపోలేదు. క్యారెక్టర్లు చాలా వరకు కొంచెం పద్ధతిగానే ఉన్నాయి. కానీ ఈ మధ్యే రిలీజైన ‘వరల్డ్ ఫేమస్ లవర్’లో మాత్రం రాశి కొంచెం బోల్డ్‌గా నటించింది.

అందులో వచ్చే ఒక బెడ్ రూం సీన్ చర్చనీయాంశం అయింది. ఈ సినిమా ట్రైలర్లో ఆ షాట్ చూసి రాశి ఫ్యాన్స్ హర్టయ్యారు. అప్పట్లో దీనిపై చాలా ట్రోలింగ్ కూడా జరిగింది. రాశిని ఇలా చూపించారేంటి అంటూ దర్శకుడు క్రాంతి మాధవ్ మీద.. హీరో విజయ్ దేవరకొండ మీద మండిపడ్డారు. ఐతే ఈ విమర్శల్ని అప్పుడు రాశి లైట్ తీసుకుంది. పాత్ర తాలూకు బోల్డ్ నెస్ కాకుండా.. ఎమోషన్ చూడాలని.. సినిమా చూశాక తన అభిమానులు అభిప్రాయం మార్చుకుంటారని అంది.

ఐతే వాళ్ల అభిప్రాయం ఎంత మారిందో ఏమో కానీ.. ఈ సినిమా ఎవరికీ రుచించలేదు. ఎన్నో ఆశలు పెట్టుకున్న రాశికి నిరాశే ఎదురైంది. వెంకీ మామ, ప్రతి రోజూ పండగే లాంటి హిట్ల తర్వాత రాశికి ఈ సినిమా ఫలితం పెద్ద షాకే. ‘వరల్డ్ ఫేమస్ లవర్’ వల్ల ఎలాంటి ప్రయోజనం చేకూరకపోవడంతో ఆమె తన అభిప్రాయం మార్చుకుంది.

ఇకపై బోల్డ్ క్యారెక్టర్లు చేయనని ఓ ఇంటర్వ్యూలో తెగేసి చెప్పింది. ఇందుకు ఆమె తన తల్లిదండ్రుల్ని కారణంగా చూపించింది. వాళ్లను ఇబ్బంది పెట్టే పాత్రలు ఇకపై చేయబోనంది. తాను ఆ సినిమాలోని సన్నివేశాల గురించి చెప్పినపుడే తన తల్లిదండ్రులు బాధ పడ్డారని.. అలాంటి సీన్లు చేయడం అవసరం లేదని తనకూ అనిపిస్తోందని.. తన అభిమానులు కూడా ఇలాంటి సన్నివేశాల్లో తనను చూడటానికి ఇష్టపడట్లేదని.. ఇకపై గ్లామరస్ సీన్లు చేస్తా తప్ప హద్దులు దాటనని రాశి స్పష్టం చేసింది.

This post was last modified on April 29, 2020 4:19 pm

Share

Recent Posts

రాములమ్మని వాడుకోవడం తెలివైన ఐడియా

పాత పాటలను కొత్త సినిమాల కోసం రీమిక్స్ చేసి వాడుకోవడం కొత్త కాదు. దాదాపు అందరు హీరోలు చేశారు. అల్లరి…

6 hours ago

ఇది వింటే ఇక జన్మలో కాపీ కొట్టరు

పరీక్షల్లో అక్రమాలను అరికట్టేందుకు సాధారణంగా కఠిన తనిఖీలు, నిఘా కెమెరాలు, ప్రత్యేక బృందాలను ఉపయోగిస్తుంటారు. అయితే దక్షిణ కొరియా అధికారులు…

7 hours ago

ఏఐని గుడ్డిగా నమ్మితే ఇలాగే ఉంటుంది

ఆర్టిఫిషియల్ ఇంటెలిజెన్స్ మనిషి జీవితంలో ఎన్నో మార్పులు తీసుకొస్తోంది. క్లిష్టమైన పనులను సులభతరం చేస్తూ, వేగంగా నిర్ణయాలు తీసుకునే స్థాయికి…

7 hours ago

ఎట్ట‌కేల‌కు ప‌రిటాల వార‌సుడి సుడి తిరిగింది!

ప‌రిటాల ర‌వి, ప‌రిటాల సునీతల వార‌సుడు, టీడీపీ యువ‌నాయ‌కుడు ప‌రిటాల శ్రీరామ్‌.. తాజాగా జ‌రిగిన జిల్లా ప‌రిష‌త్‌.. చైర్మ‌న్ ఎంపిక‌లో…

7 hours ago

అధికారంలో ఉన్న బీజేపీ కంటే ప్రతిపక్షంలో ఉన్న కాంగ్రెస్ కి ఎక్కువ సీట్లు

బీజేపీ అడ్డాగా చెప్పుకునే రాష్ట్రాల్లో ఒకటైన రాజస్థాన్ లో స్థానిక ఎన్నికల ఫలితాలు కమలనాధులకు దిమ్మతిరిగేలా వచ్చాయి. ఆ రాష్ట్రంలోని…

7 hours ago

నితిన్ ఇచ్చింది చాలా పెద్ద స్టేట్‌మెంట్

ఒకప్పుడు బ్లాక్ బస్టర్స్ చూసిన నితిన్ ను గత కొన్నేళ్లుగా వరస డిజాస్టర్లు ఉక్కిరి బిక్కిరి చేస్తున్నాయి. కొత్త వాళ్లకు…

7 hours ago