ఓటీటీ సినిమాలంటే భయపడిపోయే పరిస్థితులు కనిపిస్తున్నాయి ఈ మధ్య. వరుసగా వివిధ భాషల్లో రిలీజైన ఓటీటీ సినిమాలన్నీ తుస్సుమనిపించేయడమే అందుక్కారణం. ముఖ్యంగా తెలుగులో లేక లేక పెద్ద సినిమాలు ఓటీటీ రిలీజ్కు రెడీ అయ్యాయని అమితాసక్తి ప్రదర్శించారు ప్రేక్షకులు.
గత నెలలో నాని సినిమా ‘వి’, ఈ నెలలో అనుష్క చిత్రం ‘నిశ్శబ్దం’ భారీ అంచనాల మధ్య విడుదలైన సంగతి తెలిసిందే. కానీ ఆ సినిమాలు ఆ అంచనాల్ని అందుకోవడంలో విఫలమయ్యాయి. ప్రేక్షకుల్ని నిరాశకు గురి చేశాయి.
వీటితో పాటు ‘ఒరేయ్ బుజ్జిగా’ సైతం అంతగా ఆకట్టుకోలేదు. మరోవైపు తమిళంలోనూ ఓటీటీ సినిమాలకు స్పందన అంతంతమాత్రమే. ‘పెంగ్విన్’, ‘పొన్ మగల్ వందాల్’ లాంటి సినిమాలు ఆకట్టుకోలేదు. దీంతో ఓటీటీ సినిమాలంటేనే ఒక రకమైన వ్యతిరేకత పడిపోయింది ప్రేక్షకుల్లో.
ఐతే ఇలాంటి టైంలో దసరా టైంలో రిలీజవుతున్న రెండు సినిమాలు ఆసక్తి రేకెత్తిస్తున్నాయి. అందులో ఒకటి చిన్న సినిమా కాగా.. మరొకటి పెద్దది. అక్టోబరు 23న రిలీజ్ కానున్న చిన్న సినిమా.. కలర్ ఫోటో. కమెడియన్ సుహాస్ హీరోగా పరిచయమవుతున్న సినిమా ఇది. చాందిని చౌదరి, సునీల్ ముఖ్య పాత్రలు పోషించారు. సందీప్ రాజ్ దర్శకత్వంలో సాయిరాజేష్ ఈ సినిమాను నిర్మించాడు. ఈ సినిమా టీజర్, పాటలు ఆకట్టుకున్నాయి. ఇందులో విషయం ఉందన్న ఆశలు రేకెత్తించాయి. ఆహాలో ఈ సినిమా విడుదల కాబోతోంది.
మరోవైపు అక్టోబరు 30న రాబోతున్న ‘ఆకాశమే నీ హద్దురా’ కూడా మంచి అంచనాలతో విడుదలవుతున్నదే. దక్షిణాదిన ఇప్పటిదాకా వచ్చిన ఓటీటీ సినిమాలన్నింట్లోకి ఇది బిగ్గెస్ట్ మూవీ అని చెప్పొచ్చు. దీని ప్రోమోలన్నీ ఆసక్తి రేకెత్తించేవే. చాలా ప్రామిసింగ్గా అనిపిస్తున్న ఈ చిత్రం ఓటీటీ సినిమాల్లో కొత్త ఒరవడిని సృష్టిస్తుందని భావిస్తున్నారు. మరి ఈ రెండు సినిమాలు అంచనాలకు తగ్గట్లు ఉండి రాబోయే ఓటీటీ సినిమాలకు ఊపునిస్తాయేమో చూడాలి.
This post was last modified on October 19, 2020 12:25 pm
హీరోల పారితోషకాలు అంతకంతకూ పెరిగిపోతుండడంపై నిర్మాతల్లో ఆందోళన వ్యక్తమవుతున్న మాట వాస్తవం. పైకి చెప్పకపోయినా ఈ విషయంలో అసంతృప్తితో ఉన్నారన్నది ఇండస్ట్రీలో…
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…