గత ఏడాది చివర్లో ప్రేక్షకుల ముందుకు వచ్చి పాన్ ఇండియా స్థాయిలో ఘనవిజయం సాధించిన ‘పుష్ప: ది రూల్’ సినిమా.. అతి త్వరలోనే బుల్లితెరపైకి వస్తోంది. ఈ నెల 30న నెట్ ఫ్లిక్స్ ద్వారా డిజిటల్ స్ట్రీమింగ్కు రెడీ అయింది ‘పుష్ప-2’. ఈ చిత్రం మొదట థియేటర్లలో 3 గంటల 20 నిమిషాల నిడివితో విడుదలైంది. ఎడిటింగ్ చివరి దశలో హడావుడిగా జరగడం.. నిడివిని కుదించే క్రమంలో కొన్ని కీలక సన్నివేశాలు లేచిపోయాయి. వాటిని జోడించి సంక్రాంతి టైంలో రీలోడెడ్ వెర్షన్ రిలీజ్ చేసింది చిత్ర బృందం.
20 నిమిషాల అదనపు సన్నివేశాలు తోడవడంతో సినిమా మరింత ఆకర్షణీయంగా మారింది. ఇప్పుడు ఓటీటీ వెర్షన్ రాబోతుండగా.. రీలోడెడ్ వెర్షన్నే ఇక్కడ కూడా చూపించబోతున్నారని భావిస్తున్నారంతా. కానీ డిజిటల్ వెర్షన్లో మరి కొన్ని సన్నివేశాలు కలవబోతుండడం విశేషం.
రీలోడెడ్ వెర్షన్లో కూడా లేని కొన్ని సన్నివేశాలు ఓటీటీ ప్రేక్షకులకు కనువిందు చేయబోతున్నాయి. దాదాపు మూడున్నర నిమిషాల ఎక్స్ట్రా సీన్లు ఈ వెర్షన్లో ఉండబోతున్నాయి. దీని వల్ల మొత్తం నిడివి 3 గంటల 44 నిమిషాలకు చేరబోతోంది. మరి రీలోడెడ్ వెర్షన్లో కూడా లేని అదనపు సీన్లు ఏవి అన్నది ఆసక్తికరం. మొత్తానికి ఇప్పుడు థియేటర్లలో నడుస్తున్నది కూడా ‘పుష్ప-2’ కంప్లీట్ వెర్షన్ కాదన్నమాట. ఓటీటీ వెర్షన్ కోసం ప్రేక్షకులను ఆకర్షించేందుకు మరి కొన్ని సన్నివేశాలు అట్టిపెట్టాడన్నమాట సుకుమార్.
థియేటర్లలోనే కాక డిజిటల్గానూ ‘పుష్ప-2’ మోస్ట్ అవైటెడ్ మూవీస్లో ఒకటనడంలో సందేహం లేదు. ఈ సినిమాకు రికార్డు వ్యూస్ రావడం ఖాయం. ముఖ్యంగా థియేటర్లలో ఈ సినిమాను ఎగబడి చూసిన నార్త్ ఇండియన్స్.. ఓటీటీలో చూసేందుకు కూడా ఉత్కంఠగా ఎదురు చూస్తుంటారనడంలో సందేహం లేదు. డిజిటల్ హక్కుల కోసం భారీ పెట్టుబడి పెట్టిన నెట్ ఫ్లిక్స్.. వ్యూయర్షిప్లో కొత్త రికార్డులు నమోదవుతాయని, సబ్స్క్రిప్షన్లు బాగా పెరుగుతాయని ఆశిస్తోంది.
This post was last modified on January 29, 2025 3:15 pm
పరివర్తన రాజనీతి పార్టీ(పీఆర్ పీ) పేరుతో సొంత పార్టీని స్థాపించుకున్న వైసీపీ మాజీ నేత, రాజ్యసభ మాజీ ఎంపీ వేణుంబాకం…
తెలంగాణ రాష్ట్రంలో ఎల్-నినో ప్రభావం వల్ల నెలకొన్న వర్షాభావం, కరువు పరిస్థితుల నేపథ్యంలో రాష్ట్రాన్ని, రైతులను ఆదుకునేందుకు కేంద్రం నుంచి…
తిరుమల అంటే కోట్లాది మంది భక్తుల విశ్వాసానికి ప్రతీక. నిత్యం వేలాది మంది భక్తులు స్వామివారిని దర్శించుకునే ఈ పుణ్యక్షేత్రంలో…
రాష్ట్ర వ్యాప్తంగా కాదుకానీ.. ప్రస్తుతం జరుగుతున్న గ్రామ పంచాయతీ ఎన్నికల విషయంలో వైసీపీ స్థానిక నేతలు పన్నిన వ్యూహానికి టీడీపీ…
దేశంలో ప్రస్తుతం జాతీయ స్థాయిలో రెండు కూటములు కొనసాగుతున్నాయి. బీజేపీ నేతృత్వంలోనిఎన్డీయే, కాంగ్రెస్ పార్టీ నేతృత్వంలో `ఇండియా` కూటములు ఉన్నాయి.…
ఇటీవల జరిగిన మునిసిపల్ కార్పొరేషన్ ఎన్నికల్లో మిగిలిపోయిన కార్పొరేషన్ స్థానాలకు, అలానే మునిసిపాలిటీలకు త్వరలోనే ఎన్నికలు జరగనున్నాయి. ఈ నేపథ్యంలో…