మాములుగా టాలీవుడ్ బాక్సాఫీస్ ఫిబ్రవరి నెలని కొంచెం డ్రైగా భావిస్తుంది. ఎందుకంటే పిల్లలకు పరీక్షలు, ఉద్యోగులకు ఫైనాన్షియల్ ఇయర్ ముగింపు దగ్గరగా ఉంటుంది కాబట్టి సినిమాల పరంగా జనంలో అంతగా ఆసక్తి ఉండదు. స్టార్ హీరోలు అసలే దూరంగా ఉంటారు. కానీ మిడ్ రేంజ్ మూవీస్ కి వర్కౌట్ చేసుకోవచ్చు. కాకపోతే కంటెంట్ బాగుండాలి.
ఈసారి పోటీ మాములుగా ఉండటం లేదు. ముందుగా ఏడో తేదీ నాగచైతన్య ‘తండేల్’ భారీ అంచనాల మధ్య దిగుతోంది. బడ్జెట్, క్యాస్టింగ్, బ్యాక్ డ్రాప్ పరంగా చూసుకుంటే ఏ ప్యాన్ ఇండియా మూవీకి తీసిపోని రీతిలో మార్కెటింగ్ చేస్తున్నారు. చైతుకిది చాలా కీలకం.
సంక్రాంతికి వస్తున్నాం తర్వాత గ్యాప్ వచ్చేసింది కాబట్టి బయ్యర్ల ఆశలన్నీ దీని మీదే ఉన్నాయి. ఒకరోజు ముందు ఆరో తేదీనే వస్తున్న అజిత్ డబ్బింగ్ మూవీ ‘పట్టుదల’ టాక్ మీదే ఆధారపడాలి. ఫిబ్రవరి 14 విశ్వక్ సేన్ ‘లైలా’ మీద క్రమంగా ఆసక్తి పెరుగుతోంది. ఆడ గెటప్ లో ఈ మధ్య కాలంలో యూత్ హీరోలెవరూ రిస్క్ చేయలేదు. మరి ఇది ఎంతవరకు పే చేస్తుందో చూడాలి.
‘క’తో కంబ్యాక్ ఇచ్చిన కిరణ్ అబ్బవరం ‘దిల్ రుబా’ యూత్ ని టార్గెట్ చేసుకుంది. టీజర్, పాటలు చూస్తుంటే ప్రామిసింగ్ గానే అనిపిస్తోంది. బ్రహ్మానందం, ఆయనబ్బాయి గౌతమ్ కలిసి నటించిన ‘బ్రహ్మ ఆనందం’ కామెడీని నమ్ముకుని వస్తోంది. విక్కీ కౌశల్ – రష్మిక మందన్న ‘చావా’ని తక్కువంచనా వేయడానికి లేదు.
సందీప్ కిషన్ దర్శకుడు త్రినాధరావు నక్కిన కాంబోలో ఫిబ్రవరి 21న వస్తున్న ‘మజాకా’ మీద బజ్ పెరుగుతోంది. టీజర్ లో హామీ అయితే దొరికింది. అదే రోజు లవ్ టుడే హీరో ప్రదీప్ రంగనాథన్ ‘డ్రాగన్’ తమిళంతో పాటు సమాంతరంగా తెలుగులోనూ రిలీజవుతోంది. దీంతో పాటు ధనుష్ డైరెక్ట్ చేసిన ‘జాబిలమ్మ నీకు అంత కోపమా’ కూడా షెడ్యూల్ చేశారు కానీ చెన్నై వర్గాలు వాయిదా మీద అనుమానం వ్యక్తం చేస్తున్నాయి.
ఇది కూడా యువతను లక్ష్యంగా పెట్టుకున్నదే. బ్రహ్మాజీ ‘బాపు’ కూడా వీటితో పాటు పోటీ పడనుంది. మొత్తానికి ఫిబ్రవరి నెలలో కాంపిటీషన్ మాములుగా లేదు. వీటిలో విజేతలెవరో పరాజితులెవరో చూడాలి.
This post was last modified on January 28, 2025 4:44 pm
ప్రపంచ టెక్ రంగంలో సంచలనం సృష్టించిన ఎన్విడియా మాజీ సీఈవో జెన్సెన్ హువాంగ్ వ్యవహారం మరో మలుపు తిరిగింది. వివాహేతర…
బంధువులను రైలు ఎక్కించడానికి వెళ్లినవాళ్లు అనుకోకుండా అదే రైలులో ప్రయాణించాల్సి వచ్చింది. పైగా టికెట్లు లేకపోవడంతో ఏకంగా రూ.36,140 చెల్లించాల్సి…
మెగాస్టార్ చిరంజీవి స్క్రీన్ మీదే కాదు స్టేజి పైన ఉన్నప్పుడు కూడా ఆయన ఎనర్జీ వేరే లెవెల్ లో ఉంటుంది.…
ప్రియాంక గాంధీ తన ఇంట్లో గత 22 ఏళ్లుగా పనిచేస్తున్న మహిళకు ఒక మధురమైన అనుభూతిని అందించారు. తమిళనాడు సీఎం…
కార్లలో ప్రమాదం జరిగినప్పుడు ప్రాణాలను కాపాడటంలో ఎయిర్బ్యాగ్స్ కీలక పాత్ర పోషిస్తాయి. అదే టెక్నాలజీని ఇప్పుడు హెల్మెట్లోనూ ఉపయోగించే ఆలోచన…
ధోనీ బ్యాటింగ్కు వస్తున్నాడంటే చాలు.. చెన్నైతో సంబంధం లేని జట్ల అభిమానులు కూడా అతడి కోసం ఎదురుచూసేవారు. ఒక్కోసారి సొంత…