ప్రియాంక అంటే ఎందుకంత టెన్షన్

మహేష్ బాబు 29లో ప్రియాంకా చోప్రా ఫైనల్ అయినప్పటి నుంచి సోషల్ మీడియా ఫ్యాన్స్ ఖంగారు పడుతున్నారు. ఎందుకంటే ఆమెనే మెయిన్ హీరోయిననే భావనతో. సాధారణంగా మన భారతీయ సినిమాల్లో హీరో ఎంత వయసు పెద్ద వాడైనా సరే హీరోయిన్ మాత్రం ఖచ్చితంగా గ్లామరస్ గా చిన్న వయసుదే అయ్యుండాలి.

యువరాజులో మహేష్ పక్కన సిమ్రాన్ నే ప్రేక్షకులు అంతగా అంగీకరించలేకపోయారు. అక్కలా ఉందని ఫీలయ్యారు. ఇప్పుడు రెండు దశాబ్దాల తర్వాత సూపర్ స్టార్ అయ్యాక మహేష్ మరింత గ్లామరసయ్యాడు. అందుకే ప్రియాంక తన పక్కన ఆనదని అభిమానుల ఫీలింగ్.

ట్విస్ట్ ఏంటంటే అసలు ఇంతకీ ప్రియాంక పాత్ర ఏంటనేది రాజమౌళి టీమ్ కి తప్ప ఎవరికీ తెలియదు. మహేష్ ని ప్రేమించే రెగ్యులర్ తరహాలో ఉండదని ఖచ్చితంగా చెప్పొచ్చు. ఆర్ఆర్ఆర్ లో రామ్ చరణ్, జూనియర్ ఎన్టీఆర్ ఇద్దరికీ డ్యూయెట్లు పెట్టకుండా మేనేజ్ చేసిన జక్కన్న ఇప్పుడు పాత రూట్ లోకి వెళ్ళడు గాక వెళ్ళడు.

కాబట్టి ఇప్పటికిప్పుడు మహేష్, ప్రియాంకలను జంటగా ఊహించుకోవడం అవవసరం. అసలే ఫారెస్ట్ బ్యాక్ డ్రాప్. బోలెడు క్యారెక్టర్లు, విదేశీ నటీనటులు ఉంటారు. అలాంటప్పుడు ఎవరికి ఎలాంటి రోల్ డిజైన్ చేశాడనేది జక్కన్న మాత్రమే చెప్పగలడు. సో వెయిట్ చేయాల్సిందే.

అప్పటిదాకా ఊహాగానాలు విని వదిలేయాలి తప్పించి లోతుగా వెళ్లాల్సిన అవసరం లేదు. మొదటి షెడ్యూల్ మొదలుపెట్టబోతున్న రాజమౌళి అదయ్యాక ఒక ప్రెస్ మీట్ ప్లాన్ చేస్తున్నారని సమాచారం. ముంబైలోనా లేక హైద్రాబాదా అనేది ఇంకా బయటికి చెప్పడం లేదు.

ట్రిపులార్ లో తారక్ కు విదేశీ భామను సెట్ చేసినట్టు ఇందులోనూ మహేష్ పక్కన ఏదైనా సర్ప్రైజ్ చూపించినా ఆశ్చర్యపోనక్కర్లేదు. గుట్టుగా దాచి ఒక్కసారిగా బ్లాస్ట్ చేయడంలో రాజమౌళి స్టైల్ వేరు. అలాంటప్పుడు వేచి చూడటమే ధోరణే ఉత్తమం. మొదటి భాగమా లేక సీక్వెల్ ఉంటుందా లేదానేది కూడా ఇప్పటికి సస్పెన్స్.