సంక్రాంతికి వస్తున్నాం బ్లాక్ బస్టర్ సక్సెస్ దగ్గుబాటి అభిమానులకు ఇస్తున్న కిక్ అంతా ఇంతా కాదు. నలభై యాభై కాదు వారం తిరక్కుండానే ఏకంగా వంద కోట్ల షేర్ సాధించడం చూసి ఉక్కిరిబిక్కిరవుతున్నారు. ఈ సందర్భంగానే సరిగ్గా పాతికేళ్ల క్రితం జరిగిన పండగ క్లాష్ ను గుర్తు చేసుకుంటున్నారు.
2000 సంవత్సరంలో జనవరి 7 చిరంజీవి అన్నయ్య రిలీజయ్యింది. భారీ హైప్ తో మెగా ఓపెనింగ్స్ తో వసూళ్ల వర్షం మొదలెట్టింది. అయితే వారం తర్వాత జనవరి 14 బాలకృష్ణ వంశోద్ధారకుడు, వెంకటేష్ కలిసుందాం రా రెండూ ఒకేసారి థియేటర్లలో అడుగుపెట్టాయి. అప్పుడు జరిగింది అద్భుతం.
ఊహించని స్థాయిలో కలిసుందాం రా ఊరువాడా ఏకం చేసి రికార్డులు బద్దలు కొట్టింది. కుటుంబాలు తండోపతండాలుగా సినిమా హాళ్లకు వచ్చేశాయి. దెబ్బకు అన్నయ్య బాగా నెమ్మదించగా వంశోద్ధారకుడు ఫ్లాప్ టాక్ తో పుంజుకునే అవకాశం లేకుండా పోయింది. 17 కేంద్రాల్లో కలుసుందాం రా సిల్వర్ జూబ్లీ ఆడటం సరికొత్త మైలురాయి.
దానికన్నా ముందు 76 సెంటర్లలో శతదినోత్సవం జరుపుకుంది. అన్నయ్య కూడా బాగానే ఆడింది కానీ వెంకీ మూవీని క్రాస్ చేయలేకపోయింది. ఒక రోజు గ్యాప్ తో జనవరి 15 దాసరి సమ్మక్క సారక్క సైతం చాలా క్రేజ్ తో వచ్చింది. కానీ కలిసుందాం రా హవా ముందు నిలవలేదు.
ఇప్పుడు వర్తమానానికి వస్తే ముందు గేమ్ చేంజర్ వచ్చింది. అంచనాలు అందుకోలేక డిజాస్టర్ అయ్యింది. కానీ డాకు మహారాజ్ హిట్ టాక్ తో నూటా యాభై కోట్ల గ్రాస్ సాధించింది కానీ సంక్రాంతికి వస్తున్నాంకి స్ట్రాంగ్ కాంపిటీటర్ కాలేకపోయింది. అప్పుడు చిరంజీవి, వెంకీ విజయాలు సాధిస్తే ఇప్పుడు బాలకృష్ణ, వెంకీ పండగ జెండాలు పాతారు.
కలిసుందాం రా నాటి యుఫోరియాని గుర్తు చేసుకుంటూ ఫ్యాన్స్ మురిసిపోతున్నారు. ఇది, సంక్రాంతికి వస్తున్నాం రెండూ ఒకే డేట్ కి రిలీజ్ కావడం కాకతాళీయం. నాన్ రాజమౌళి, నాన్ పుష్ప 2లను లక్ష్యంగా పెట్టుకున్న సంక్రాంతికి వస్తున్నాం ఇంకేం అద్భుతాలు చేస్తుందో చూడాలి.
This post was last modified on January 21, 2025 4:09 pm
హిట్ మెషీన్గా పేరున్న అనిల్ రావిపూడి.. సంక్రాంతికి తన సినిమాను తీసుకొచ్చాడంటే అది బ్లాక్ బస్టర్ అవ్వాల్సిందే. ఈ ఏడాది…
రెండు వారాల ముందే ‘ఆదర్శ కుటుంబం’ సినిమా రిలీజైంది. ఆ చిత్రానికి ముందు అనుకున్న సంగీత దర్శకుడు హర్షవర్ధన్ రామేశ్వర్.…
అమెరికాలో శుక్రవారం విమాన ప్రయాణాలు ఒక్కసారిగా నిలిచిపోయాయి. ఫెడరల్ ఏవియేషన్ అడ్మినిస్ట్రేషన్ (FAA) దేశవ్యాప్తంగా విమానాల రాకపోకలను తాత్కాలికంగా నిలిపివేస్తూ…
ఏపీ రాజధాని అమరావతిలో అనేక సంస్థలు పెట్టుబడులు పెడుతున్నాయి. ఇప్పటికే పలు సంస్థలు వచ్చేశాయి. ఆర్బీఐ వంటి బ్యాంకింగ్ సంస్థలు…
కేజీఎఫ్, కేజీఎఫ్-2 చిత్రాలతో పాన్ ఇండియా స్థాయిలో పెద్ద సూపర్ స్టార్లలో ఒకడిగా అవతరించిన యశ్ నుంచి.. ఆ తర్వాత…
టెక్నాలజీ కంపెనీల్లో సాఫ్ట్వేర్ ఇంజినీర్లు, ఏఐ నిపుణులకు భారీ జీతాలు ఇస్తారని తెలుసు. కానీ ఇప్పుడు అమెరికాలోని కొన్ని ప్రముఖ…