గత దశాబ్ద కాలంలో తెలుగు సినిమాలో వేగంగా ఎదిగిన కొరియోగ్రాఫర్లలో శేఖర్ మాస్టర్ ఒకడు. దివంగత రాకేష్ మాస్టర్ దగ్గర శిష్యరికం చేసి.. ఆ తర్వాత సొంతంగా అవకాశాలు అందుకుని ఎంతో కష్టపడి స్టార్ కొరియోగ్రాఫర్గా ఎదిగాడు శేఖర్. మెగాస్టార్ చిరంజీవిని అమితంగా అభిమానించే శేఖర్.. ఆయన రీఎంట్రీ మూవీ ‘ఖైదీ నంబర్ 150’లో తన ఆరాధ్య నటుడితో అదిరిపోయే స్టెప్పులు వేయించి తన కలను నెరవేర్చుకున్నాడు. గత కొన్నేళ్లలో శేఖర్ నుంచి ఎన్నో అదిరిపోయే పాటలు వచ్చాయి. ప్రస్తుతం తెలుగులో అతనే నంబర్ వన్ కొరియోగ్రాఫర్ అని చెప్పాలి.
ఐతే ఎప్పటికప్పుడు వైవిధ్యం చూపించడానికి ప్రయత్నించే శేఖర్.. ఈ మధ్య ఒక రకమైన మూసలోకి వెళ్లిపోతున్నాడనే అభిప్రాయాలు వ్యక్తమవుతున్నాయి. మాస్ స్టెప్స్ పేరుతో తన స్టెప్పుల్లో వల్గారిటీ ఎక్కువ అయిపోతోందనే చర్చ నడుస్తోంది.
గత ఏడాది రవితేజ సినిమా ‘మిస్టర్ బచ్చన్’లోని సితార్ పాటలో శేఖర వేయించిన స్టెప్పులు వివాదాస్పదం అయ్యాయి. ముఖ్యంగా హీరోయిన్ బ్యాక్ మీద తబలాలా వాయించడం.. అలాగే బొడ్డు కింద చేయిపెట్టి డ్రెస్ లాగడం లాంటి స్టెప్స్ మీద తీవ్ర అభ్యంతరాలు వ్యక్తమయ్యాయి. అంత అందమైన పాటలో ఇలాంటి స్టెప్స్ ఏంటి అనే చర్చ జరిగింది. డ్యాన్స్ మూవ్స్ రొమాంటిగ్గా ఉండేలా తీర్చిదిద్దడం ఓకే కానీ, ఇలా శ్రుతి మించకూడదని.. ఫ్యామిలీ ఆడియన్స్ను కూడా కొంచెం దృష్టిలో ఉంచుకోవాలనే అభిప్రాయాలు వ్యక్తమయ్యాయి. కానీ శేఖర్ మళ్లీ మళ్లీ అలాంటి స్టెప్సే డిజైన్ చేస్తున్నాడు.
‘పుష్ప-2’లో పీలింగ్స్ సాంగ్లోనూ కొన్ని స్టెప్స్ టూమచ్ అనిపించాయి. స్టెప్స్ రొమాంటిగ్గా ఉండడం వేరు.. వల్గర్ ఫీలింగ్ కలిగించడం వేరు… ‘పుష్ప-2’ స్టెప్స్ రెండో కోవకే చెందుతాయనే విమర్శలు వచ్చాయి. ఇప్పుడు ‘డాకు మహారాజ్’ నుంచి రిలీజైన ‘దబిడి దిబిడి’ పాటలో స్టెప్స్ మీద మరింతగా విమర్శలు వస్తున్నాయి. ఈ పాటకు కూడా కొరియోగ్రాఫర్ శేఖరే. మూడు పాటల్లోనూ హీరోయిన్ బ్యాక్ మీద దరువు వేయడం కామన్గా కనిపిస్తుంది. అలాగే ‘సితార్’ పాటలో బొడ్డు కింద చేయి పెట్టి డ్రెస్ లాగే షాట్స్ కూడా మిగతా రెండు పాటల్లోనూ ఉన్నాయి. ఇలా రొమాంటిక్ స్టెప్స్ పేరుతో శేఖర్ హీరోలతో గీత దాటించేస్తున్నాడని.. ఇది మంచి పరిణామం కాదని.. ఈ మూస నుంచి అతను బయటికి రావాల్సిన అవసరం ఉందనే అభిప్రాయం గట్టిగా వినిపిస్తోంది.
This post was last modified on January 4, 2025 10:42 am
అధికారంలో ఉన్న నాయకులు, అధికారంలో లేని నాయకులు ఇలా రెండు వర్గాలుగా విభజించినప్పుడు సాధారణంగా పదవులు పొందిన వారు సంతృప్తి…
మూడు రోజుల తెలుగు వారి పెద్ద పండుగ.. సంక్రాంతి. ఇళ్లకే కాదు.. గ్రామాలకు సైతం శోభను తీసుకువచ్చే సంక్రాంతికి.. కోడి…
ఈ సంక్రాంతికి ‘భర్త మహాశయులకు విజ్ఞప్తి’ చిత్రంతో ప్రేక్షకులను పలకరించబోతోంది డింపుల్ హయతి. కెరీర్లో ఆమెకు ఇంకా పెద్ద బ్రేక్ రాలేదు. ఇప్పటికే ఖిలాడి,…
బీజేపీ కురువృద్ధ నాయకుడు, దేశ మాజీ ఉపరాష్ట్రపతి ముప్పవరపు వెంకయ్యనాయుడు.. ప్రస్తుతం ప్రత్యక్ష రాజకీయాల నుంచి తప్పుకొన్నారు. అయితే.. ఆయన…
చుక్క పడందే నిద్ర పట్టని వారు చాలా మంది ఉన్నారు. వీరిలో చిన్న చితకా మందుబాబులను పక్కన పెడితే, మద్యం…
కుప్పం.. ఏపీ సీఎం చంద్రబాబు సొంత నియోజకవర్గం. గత 40 సంవత్సరాలుగా ఏక ఛత్రాధిపత్యంగా చంద్రబాబు ఇక్కడ విజయం దక్కించుకుంటున్నారు.…