ఈ సోషల్ మీడియా కాలంలో పెద్ద పెద్ద సినిమాలకు సంబంధించి కూడా ఆన్ లొకేషన్ ఫొటోలు, వీడియోలు లీక్ అయిపోతుంటాయి. కానీ రాజమౌళి మాత్రం తన సినిమాల నుంచి ఏ చిన్న లీక్ లేకుండా జాగ్రత్త పడతారు. సినిమా మొదలైన దగ్గర్నుంచి ముగిసే వరకు ఆయన టీం అత్యంత జాగ్రత్తగా వ్యవహరిస్తూ సినిమా నుంచి ఏ విశేషం బయటికి పోకుండా చూసుకుంటుంది. ఐతే సినిమా చిత్రీకరణకు సంబంధించే కాదు.. ముహూర్త వేడుకకు సంబంధించిన విశేషాలు కూడా బయటికి రాకుండా చూసుకుంది చిత్ర బృందం.
గురువారమే ఈ సినిమా ముహూర్త వేడుకను హైదరాబాద్ శివార్లలోని అల్యూమినియం ఫ్యాక్టరీలో నిర్వహించారు. మహేష్-రాజమౌళి సినిమా రేంజ్ చాలా పెద్దదైనా.. ముహూర్త వేడుక విషయంలో మాత్రం పెద్దగా హడావుడి చేయట్లేదని తెలుస్తోంది. మామూలుగా ఇలాంటి వేడుకలు ప్రొడక్షన్ హౌస్లకు సంబంధించిన కార్యాయాల్లో లేదా గుడిలో కొంచెం ఘనంగా చేస్తుంటారు. కానీ మహేష్-రాజమౌళి సినిమా వేడుకను మాత్రం నగరం బయట సింపుల్గా చేశారు.
మీడియాకు కూడా అనుమతి లేదు. మామూలుగా తన సినిమాల ముహూర్త వేడుకలకు రాని మహేష్ కూడా ఇందులో పాల్గొన్నట్లు తెలుస్తోంది. ఈ వేడుకకు సంబంధించి టీం నుంచి ఎలాంటి ఫొటోలు, వీడియోలు బయటికి రాలేదు. లీక్స్ కూడా ఏమీ లేవు. సినిమాకు సంబంధించి ఎలాగూ ఏ సమాచారం బయటికి రాదు. కానీ ఈ మోస్ట్ అవైటెడ్ మూవీకి సంబంధించి ముహూర్త వేడుక ఫొటోలు, వీడియోలు అయినా రిలీజ్ చేయాల్సిందని అభిమానులు అభిప్రాయపడుతున్నారు.
సినిమా నుంచి ప్రమోషనల్ కంటెంట్ బయటికి రావడానికి కనీసం ఏడాది పట్టొచ్చు. ఈ కాలంలో మహేష్ కూడా బయట కనిపించే అవకాశాలు లేవు. సినిమా రిలీజ్ కోసం రెండేళ్లకు పైగా ఎదురు చూడాలి. ఈ నేపథ్యంలో ముహూర్త వేడుకను కూడా రహస్యంగా ఉంచడం కరెక్టా అని సూపర్ స్టార్ ఫ్యాన్స్ ప్రశ్నిస్తున్నారు. ఐతే ఈ వేడుకకు మీడియాను ఆహ్వానించకపోయినా.. వెంటనే ఏ ఫొటోలు, వీడియోలు రిలీజ్ చేయకపోయినా.. కొంచెం హడావుడి తగ్గాక అయినా ఆ విశేషాలను సోషల్ మీడియాలో షేర్ చేస్తారని భావిస్తున్నారు.
This post was last modified on January 2, 2025 7:01 pm
మొన్న శుక్రవారం విడుదలైన ఈ నగరానికి ఏమైంది రిపీట్ అంచనాలకు మించి హైదరాబాద్, ఓవర్సీస్ లో అదరగొడుతోంది. వసూళ్లు ఊహించిన…
టాక్ మిశ్రమంగా ఉన్నా ఓమ్ వసూళ్లు బాగున్నాయి. వీకెండ్ తర్వాత ఎంత శాతం డ్రాప్ ఉంటుందనేది రెండు రోజులు ఆగితే…
టాలీవుడ్ తెరమీద రక్తధారలు కొనసాగుతున్నాయి. హీరోలు మారుతున్నా వయొలెన్స్ బ్యాక్ డ్రాప్ సినిమాలు కాసులు కురిపించే దిశగా ప్రేక్షకులు ముందుకు…
ఏపీ పంచాయతీ ఎన్నికల వేళ ఓ స్వామీజీ కూడా ఎన్నికల రంగంలోకి దిగారు. ఉమ్మడి అనంతపురం జిల్లా మడకశిర నియోజకవర్గంలోని…
తన కుమార్తె అంజలి పెళ్లిని బెంగళూరులోని యలహంక ప్యాలెస్లో చేస్తామని ప్రకటించిన ఏపీ కాంగ్రెస్ అధ్యక్షురాలు షర్మిల పంతం ఒకవైపు..…
ఏపీలో గ్రామ పంచాయతీ ఎన్నికల కోలాహలం జరుగుతున్న క్రమంలో జనసేన పార్టీ కీలక నిర్ణయం తీసుకుంది. ఈ ఎన్నికల్లో ఎలాంటి…