నెట్ ఫ్లిక్స్‌కు బిగ్ షాక్

ఒక సినిమా లేదా సిరీస్ ఏ అంచనాలు లేకుండా విడుదలై ప్రపంచవ్యాప్తంగా కోట్లాది మంది ప్రేక్షకులను ఉర్రూతలూగించి సెన్సేషనల్ హిట్టయ్యాక.. దానికి సీక్వెల్ తీస్తుంటే భారీ అంచనాలు నెలకొంటాయి. పార్ట్-2 కోసం ఉత్కంఠగా ఎదురు చూసే ప్రేక్షకులు అది వచ్చాక ఎగబడి చూస్తారు. ఐతే ఇలాంటి స్థితిలో అంచనాలను అందుకోవడం చాలా చాలా కష్టం. చాలా కొన్ని సినిమాలు, సిరీస్‌ల సీక్వెల్స్ మాత్రమే ప్రేక్షకులను సంతృప్తి పరుస్తాయి.

ఐతే సీక్వెల్ పార్ట్-1 స్థాయిలో మెప్పించకపోయినా ఓ మోస్తరుగా అయినా అనిపించే స్థాయిలో అయినా ఉండాలి. కానీ ‘స్క్విడ్ గేమ్’ సీజన్-2 మాత్రం కనీస స్థాయిలో కూడా అంచనాలను అందుకోలేకపోయింది. క్రిస్మస్ వీకెండ్లో నెట్ ఫ్లిక్స్ ప్రసారం చేసిన రెండో సీజన్ ప్రేక్షకుల తిరస్కారానికి గురైంది. మూడేళ్ల నిరీక్షణకు తెరపడుతోందని.. ఈ సిరీస్ స్ట్రీమ్ అవ్వడం ఆలస్యం, ఎగబడి చూసిన ప్రేక్షకులు తీవ్ర నిరుత్సాహానికి గురయ్యారు. ‘స్క్విడ్ గేమ్-2’ మీద భారీగా పెట్టుబడి పెట్టిన నెట్ ఫ్లిక్స్‌.. ప్రేక్షకుల రెస్పాన్స్ చూసి షాకయ్యే పరిస్థితి కనిపిస్తోంది.

దీనికి వ్యూయర్ షిప్ ఆశించిన స్థాయిలో లేదు. నెగెటివ్ రివ్యూలు రావడంతో ‘స్క్విడ్ గేమ్-2’ వరల్డ్ వైడ్ టాప్‌లో ఏమీ ట్రెండ్ కావట్లేదు. రెండో వారానికే సిరీస్ బాగా వెనుకబడిపోయింది. ‘స్క్విడ్ గేమ్’తో నెట్ ఫ్లిక్స్‌కు భారీగా సబ్‌స్క్రిప్షన్లు పెరిగాయి. కేవలం ఈ సిరీస్ చూడ్డానికే నెట్ ఫ్లిక్స్‌ ఖాతాదారులుగా మారిన వాళ్లు కోట్లల్లో ఉంటారు. వ్యూయర్ షిప్ మామూలుగా రాలేదు. కానీ రెండో సీజన్‌కు రెస్పాన్స్ పూర్‌గా ఉన్నట్లు తెలుస్తోంది. ఫస్ట్ పార్ట్‌లోనే ఈ సిరీస్ కాన్సెప్ట్ తెలిసిపోగా.. రెండో సీజన్లో మళ్లీ పాత్రలతో అలాంటి గేమ్సే ఆడించడంతో ఏమాత్రం ఉత్కంఠ లేకపోయింది.

కొత్తగా ఏ సర్ప్రైజ్ లేకపోయింది. ఎక్కడా ప్రేక్షకుల్లో ఉత్కంఠ రేపే సన్నివేశాలు లేకపోయాయి. పైగా కథలోకి వెళ్లడానికే చాలా టైం తీసుకోగా.. ఆ తర్వాత కూడా కొత్త సీన్లేవీ లేకపోవడం, టెన్షన్ బిల్డ్ కాకపోవడంతో ప్రేక్షకులకు కిక్కు రాలేదు. ఇక కథను మధ్యలో ఆపేసి మూడో సీజన్ కోసం ఎదురు చూడాలని చెప్పడంతో క్లైమాక్స్ కూడా తేలిపోయినట్లయింది. ఈ నేపథ్యంలోనే ‘స్క్విడ్ గేమ్-2’‌కు ఆశించిన స్పందన కనిపించడం లేదని తెలుస్తోంది.